ياجماعة هو انا لو غيرت لون عربيتى هيبقى فية مشكلة ؟؟؟؟؟؟؟؟؟؟؟؟؟؟

[mohamed salem1]

يا ناس ياحلوة

هو انا لو غيرت لون عربيتى هيبقى فيها مشكلة او حاجة لما اجى ابيعها ( علما بانها رشة برة اصلا)
فهيبق ىفية مشكلة فى بيعها
او حتى مشكلة تبع المرور

افيدونى افادكم الله

[Eng_hatemfathy]

حضرتك تغيير لو العربية لازم يثبت فى المرور واكيد بيعيب العربية انها تكون راشة دواخل الا فى حالة واحدة ودى مكلفة جدا وشفت بنت خالتى بصراحة عملتها وكنت هتجنن
كان معاها ابيزا بتنجانى والعربية لونها معجبهاش وهيا لسه قريبه من الزيرو دخلت العربية التوكيل فكوا العربية على الصاج بالكهربا والموتور والعفشة وكأنها لسه فى المصنع قبل الدهان ودخلت اترشت بره وجوا فابريكة فضى واتجمعت من جديد ودفعت ساعتها >سنة 2000< حوالى 8 الاف جنيه على ما اذكر

[أحمد جودة]

ياريت التوضيح أكتر

يعني عربيتك لونها أزرق وانتا عاوز ترشها ازرق أغمق من القديم

ولا هيا حمرا وانتا عاوز ترشها ازرق ........ دي حاجة

والحاجة التانية أعتقد انها إجراءات بسيطة فى المرور ومش مكلف

تقبل تحياتي

[akmm]

مفيش مشكله الا في حاله اعاده البيع وايضا لا بد من اثبات اللون الجديد في الفحص على الرخصه .....

[saddam]

صديقي المواطن
الموضوع بسبيط ترش العربية ثم تروح تفحص في المرور وبيتثبت عالرخصة ومسموحلك تحط لحد ثلاثة ألوان عالرخصة وبالتوفيق وأنا من هواة بعمل العربيات كذا لون ومبهتمش بحوارات وخزعبلات الفبريكة ورشة دواخل ومش رشة دواخل

ودمتم للنضال

[وائل شويخ2]

بالنسبه لتغيير لون العربيه فى المرور فبياخد أجراءات ووقت حتى يتم التغيير

أما بالنسبه لأعاده البيع بعد تغيير اللون

حقيقى بتبقى مشكله فى أعاده البيع

وبيكون بيعها صعب شويه

[أحمد جودة]

بالنسبه لتغيير لون العربيه فى المرور فبياخد أجراءات ووقت حتى يتم التغيير

أما بالنسبه لأعاده البيع بعد تغيير اللون

حقيقى بتبقى مشكله فى أعاده البيع

وبيكون بيعها صعب شويه

كلام جميل ودة اللى بيحصل بالفعل

العربية اللى مغيرة لون يبقي عليها قضية او عاملة مصيبة

والكلام عن معايشة تجربة ........ ابعد عن الشر وغنيله

لو مش عجابك لونها بيعها أو غيرلونها وتحمل النتائج

[mohamed salem1]

انا فى الاول بتكلم عن انى ارشها برة بس

ثانيا هى لونا نبيتى غامق وانا نفسى اخلية سلفر

[أحمد جودة]

اوكي الموضوع سهل وبسيط ومحتاج تحسبها صح

ياترشها وتغير من نبيتي لسلفر وتتحمل نتائج اعادة البيع

أو تبيعا وتشتري حاجة تانية باللون اللى انتا عاوزة
أو تتعايش مع اللون

[omar hassan]

بسم الله الرحمن الرحيم بص يا برنس انا اجيبلك الخلاصة
لو انت عربيتك لونها مثلا احمر وانت رشتها احمر غامق شوية مفيش مشاكل حتى المرور بيعديها
انما تبقى حمرا وتخليها سودا لا طبعا دى مشكله

[madman2002]

بص .. عن تجربه .. عربيه خالى كانت 128 خضرا .. وانا غيرتهاله ل قضى ميتاك كان بتاع الجولف سنتها :))

ورشيتها دواخل وخوارج وحوض وشنطه وكله وعملتله فيها شغل فى الحوض والشنطه كان اللى يشوفها يقول فبريكه ومتكشفه ومجرحه اكنها فبريكه بلدها

بتتثبت فى المرور مفيش فيها اى مشكله .. بس كسعر اعاده بيع هيبقى ضايع

الحلو بقى فى ايه .. ان العربيه مثلا تبقى فضى او اسود وانت عاوز تعمل تداخل لونين مثلا فكده حلو هتخللى الدواخلى زى ما هيه وبره هيبقى تداخل لونين بين اللون الاصلى واللون الجديد

[amro0000]

انا عن نفسي لو قدامي عربية فيها نقطة بوية دواخل مستحيل اشتريها بعرف ان اكيد الحكاية فيها انه وناس كتير مستحيل تشتري عربية راشة دواخل