فلتر البنزين التقليد

[BASOOMVIP]

كل عام و انت بخير
انهاردة نزلت اسال على فلتر البنزين و لقيت نوعين
1- الاصلى ( علبة مبرشمة) سعره 575 جنيه و يتغير كل 40000 كيلو
2- التقليد ( نفس العلبة بالظبط بس مش مبرشمة و نفس الكود ) سعره 85 جنيه
لما سالت الميكانيكى قالى التقليد كويس بس تغيره كل 10000
لما حسبتها التقليد اوفر بكتير
حد فيكو جربه ؟

[adelghanem]

غلى اى اساس الميكانبكى قال انه كويس
وعلى اى اساس حدد ال10000كم لتغييره
الاصلى اصلى ...ده رأيى

[madman2002]

هو الفلتر هيفرق فى ايه طيب يا جماعه . انا اخر مره ملقتش الاصلى .. وادونى قلتر للالنترا وقالولى يركب ومكنتش مصدق رجعت بيه للميكانيكى قالى اه هو ده اللى شغال
الفلتر عليه علامه هيونداى وصناعى كورى .. وشغال اهوت ورخيص هغيره كل عشرتلاف ان شاء الله

[saddam]

صديقي المواطن
لا داعي لدفع مبلغ خيالي في فلتر واﻷصح في مصر مهما كان فلتر البنزين محترم فاﻷصح يتغير على 10 آلاف كيلو وكمان أبو 85 ده مش رخيص برضو هناك فلاتر ب 25 جنيه فركب ولا تقلق ومش محتاج ميكانيكي يسمعك الكلام ده وبالتوفيق
ودمتم.للنضال

[salah_86]

باشا لو عربيتك لانسر بومة هتجيب فلتر البنزين التايلاندى ب120 جند زى الفل وبيقعد لحد 10000 كم كويس
متقعدوش اكتر من كدا وعلى فكرة العبرة بالمحل اللى انت بتشترى منه

[Egy_fan]

السلام عليكم
الفلتر التايلاندى قليل اوى عليه 10 الف كم. انا قعدته اكتر من كده و سحب العربيه كويس و الحمد لله. اه نتشت مرتين الصبح بس لو دست بنزين جامد هترجع العربيه طبيعى

ملاحظه : انا بحط بنزين من محطات شل فى القاهره فقط

شكرا للردود

[hatemmohsen]

اعزائى
انا لسه عامل صيانة الاربعين للانسر بومة 1600 اتوماتيك ولما سالته على فلتر البنزين قالى ده بيتغير على ال 60000 وهو سعره فعلا غالى 575 غير التركيب والضرائب ..والعربية سحبها تمام ومش بتنتش بس انا حاسس ان الاستهلاك للبنزين عالى شوية بس معظم الانسراوية قالوا عادى هى بتاكل بنزين شوية

[limo]

انا بغير الفتلر الاصلى كل 60 الف كم وبيكون شغال زى الفل بس انا متعود افول العربيه ابتداء من النصف الى ربع التانك
على كده لو جينا حسبنا هنلاقى ان الاصلى لازال اوفر من التقليد واسمه اصلى برضو
خلى بالك فى ناس جابت التقليد وكان بيطلع ريحه بنزين فى الصالون

[amro0000]

انا هقولكم عن تجربتي الشخصية جيت في رمضان الي فات بدأت احس ان السحب مخنوق شوية وان العربية مخنوقة معايا قومت روحت للميكانيكي قالي فلتر البنزين عاوز يتغير المهم روحت لبتاع قطع غيار قولتله الفلتر بكام قالي ب 90جنية فرحت اووووي وقومت شارية وركبته المهم لاقيت اية بقا ريحة بنزين في الصالون واعدت بتاع اسبوع مش عارف دا من اية المهم بليل وانا بغطي العربية وكان فية هدوء تام فضلت اشم ريحة بنزين واضحة وكنت وقتها لسة مفول التانك وعلي اخرة قبل ماروح البيت وكنت شامم الريحة وظاهرة الي اكتشفته اية بعد مارحت للميكانيكي وفكينا وكشفنا اكتشفت ان الفلتر الي مش اصلي بيسرب من الجوان و الخراطيم الي بتركب فية وبتنزل عندي بترشح بنزين علي التانك من تحت العربية ودا شوفته بعيني ودة ممكن يؤدي لمصيبة لو سيجارة والعة تحت العربية لاقدر الله وكمان بيعملك ريحة في الصالون بنزين وكمان احتمال يبرجلك العربية زي ماحصل معايا اعدت العربية مبرجله معايا فترة انا عن نفسي الي هعمله هكمل بلفلتر دا عشر الاف كيلو وإن شاء الله اول ماخلصهم هجيب الاصلي لانة بيعد 40الف وعلي كلامكم بيعد 60الف يبقي الاصلي اوفر واضمن ا أأمن ممكن اوفر مبلغ الفلتر وكان يجي عود سيجارة تحت العربية وريحة البنزين كانت ظاهرة عندي وبيرشح بنزين وكان ممكن يولع العربية لاقدر الله في الي انا بعمله اني دلوقتي مش بفول العربية للاخر لحد ما اخلص عشر الاف كيلو وبعدها اغير بفلتر اصلي ودي تجربتي ونصيحة الاصلي اصلي بصراحة اة المبلغ كبير وغالي بس انتة احسبها هتلاقي نفسك موفر لو هتغير كل عشر الاف كيلو هتدفع حوالي 100 جنية طب ماتجيب الاصلي وتريح دماغك ولا كل شوية تفك ولا حاجة وبجد اتمني يشوفو حل لقطع الغيار الغالية دي لانها بجد بقت فوق طاقة الواحد

[BASOOMVIP]

انا هقولكم عن تجربتي الشخصية جيت في رمضان الي فات بدأت احس ان السحب مخنوق شوية وان العربية مخنوقة معايا قومت روحت للميكانيكي قالي فلتر البنزين عاوز يتغير المهم روحت لبتاع قطع غيار قولتله الفلتر بكام قالي ب 90جنية فرحت اووووي وقومت شارية وركبته المهم لاقيت اية بقا ريحة بنزين في الصالون واعدت بتاع اسبوع مش عارف دا من اية المهم بليل وانا بغطي العربية وكان فية هدوء تام فضلت اشم ريحة بنزين واضحة وكنت وقتها لسة مفول التانك وعلي اخرة قبل ماروح البيت وكنت شامم الريحة وظاهرة الي اكتشفته اية بعد مارحت للميكانيكي وفكينا وكشفنا اكتشفت ان الفلتر الي مش اصلي بيسرب من الجوان و الخراطيم الي بتركب فية وبتنزل عندي بترشح بنزين علي التانك من تحت العربية ودا شوفته بعيني ودة ممكن يؤدي لمصيبة لو سيجارة والعة تحت العربية لاقدر الله وكمان بيعملك ريحة في الصالون بنزين وكمان احتمال يبرجلك العربية زي ماحصل معايا اعدت العربية مبرجله معايا فترة انا عن نفسي الي هعمله هكمل بلفلتر دا عشر الاف كيلو وإن شاء الله اول ماخلصهم هجيب الاصلي لانة بيعد 40الف وعلي كلامكم بيعد 60الف يبقي الاصلي اوفر واضمن ا أأمن ممكن اوفر مبلغ الفلتر وكان يجي عود سيجارة تحت العربية وريحة البنزين كانت ظاهرة عندي وبيرشح بنزين وكان ممكن يولع العربية لاقدر الله في الي انا بعمله اني دلوقتي مش بفول العربية للاخر لحد ما اخلص عشر الاف كيلو وبعدها اغير بفلتر اصلي ودي تجربتي ونصيحة الاصلي اصلي بصراحة اة المبلغ كبير وغالي بس انتة احسبها هتلاقي نفسك موفر لو هتغير كل عشر الاف كيلو هتدفع حوالي 100 جنية طب ماتجيب الاصلي وتريح دماغك ولا كل شوية تفك ولا حاجة وبجد اتمني يشوفو حل لقطع الغيار الغالية دي لانها بجد بقت فوق طاقة الواحد

انا ركبت التقليد و فولت بعدها و مفيش ريحة بنزين و لا حاجة و زى الفل و حليت الميكانيكى قبل ما يركبه يلف عليه بلحام كدة زى الكولا و مفيش اى مشاكل اطلاقاً

[BASOOMVIP]

انا ركبت التقليد و فولت بعدها و مفيش ريحة بنزين و لا حاجة و زى الفل و حليت الميكانيكى قبل ما يركبه يلف عليه بلحام كدة زى الكولا و مفيش اى مشاكل اطلاقاً

و على فكرة عن تجربة الاصلى مش ممكن يقعد ل 60 الف و لا حتى 40 اخره 30 الف و كتير عليه كمان

[salah_86]

انا بركب التقليد وبيقعد 10000 كم حلو ومبيطلعش ريحة ولا حاجة العبرة انك تجيب نوع نضيف والصنايعى اللى يركبة وانك متقعدوش اكتر من 10 الاف كم

[jagu]

أنا اشتريت العربيه مستعمله و فلتر البنزين مكنش اتغير لغاية km 100.000 و غيرته بالغلط على أساس انه سبب تقطيع حصل فى العربيه و بعدها طلعت البوجيهات هى اللى بايظه و الجديد مش الأصلى بس اللى غيره فك و ركب صح ولا فى أى مشكله منه أديلى 30.000 km بس بحط بنزين من بنزينات معينه و بفول من نص التانك أو بعده بحاجه بسيطه يعنى فى حدود 25 ل 30 لتر