مسافر بكره من القاهرة لبرج العرب ان شاء الله

[vip74]

ان شاء الله مسافر بكره من القاهرة لبرج العرب اخد أي طريق الزراعي ولا الصحراوي واخبار الردار ايه علي الصحراوي والسرعة كام

[aymanouff]

توصل بالسلامه ان شاء الله وتاخد الصحراوي طبعا مش الزراعي وفي وصلة قبل اسكندرية تسال عليها بتطلعك علطول على برج العرب ومتهيالى الرادار بيبقى حسب وقت السفر يعني مفيش رادار بليل

[SHERBINII]

b3d bawabat eskenderya 3alatool 7atla2y macdonalds 7'osh mn 3ando w 7'od el seka twaly le7ad el bborg

[saddam]

صديقي المواطن
الصحراوي طبعا والرادارات موجودة لا أنزلهم الله منزل خير مرة في سفرية وحده من القاهرة ﻹسكندرية كنت رايح في مصيبة ومستعجل دفعوني 3 غرامات رادار فورية من أم 150 جنيه الواحددة وبالتوفيق وإلى اﻷمام ومن نصر إلى نصر ودمتم للنضال

[vip74]

تمام يعني الواحد ما يعديش 100

علي بركة الله
وجزاكم الله خيرا علي الردود

[amro0000]

بص ياباشا علي الصحراوي حتت وحتت وخلي بالك من تحت الكباري الي علي الصحراوي الي هيا اليوتيرنات ساعات بتلاقي رادار عندها وممكن تخليك علي 120 /100 الطريق حلو واوعا تنسي الفتحة بتاعة الطريق الدولي الي هوة بيدويك علي برج العرب هتطلق طريق اسمة الطريق الدولي في اسكندرية بيسموة كدة هوة هتلاقية زي الدائري عندنا في القاهرة بس همة بيقولو علية دولي وخلي بالك هتلاقي عربيات اخشاب كتير علي الطريق دا وعربيات نقل كتير ومحمله حمولات غبية جدا وخصوصا الاخشاب علي فكرة الطريق الدولي الي بيدويك علي برج العرب فعلا علية رادارت وركز مع الي جاي من قدام لو لاقيته بيديلك نور اعرف ان فية رادار قدام الطريق حلو وسهل بس ركز فية وخصوصا الطريق الدولي لانه بصراحة جميل بس حمولات العربيات النقل وخصوصا الاخشاب حولات غلط وزيادة عن حجم العربية و خطرة جدااااااااااااا وانتة هتشوف بنفسك وانشاء الله توصل بألف سلامة مقدما ولو بالك طويل حاول متعديش ال 100 بكل الاحوال ومع الف سلامة

[vip74]

الحمدالله وصلت برج العرب الطريق زي الفل بفضل الله أخذت الصحراوي وما فيش أي لجان بفضل الله وشكرا