بومه 2008 كلاسيك ولا الالنتر 2008

[David Micheal]

يا جماعه اررررررجوكم لازم تساعدوني عشان انا خلاص بكره هاخلص في حاجة من الاتنين انصحوني انهي الاحسن


بومه 2008 كلاسيك بس فيها جنوط عداد عامل 120 الف كيلو اتوماتيك 1600 فتيس ال cvt
بدون فتحة سقف
لون كحلي دهان السقف و الشطنة مكلحين و شكلهم واحش و بايظين بس دهان الفريقة ورشه جانبين نظافه وكمان الفانوسين اللي وراه محتاجين يتغيره شغالين بس الباغه مكسوره و الاكصدام الوراني مش راكب كويس واضح انه كان مخبوط لكن بقيت العربيه فبريكا من جوه و كده كده هاخدها اكشف عليها كمبيوتر بالمره قولولي احسن مكان اكشف عليه فين و يكون جنب عباس العقاد انا قالولي بنزينه كالتكس اللي اخر عباس حلوه انتوا ايه رايكم ؟




والعربيه التانيه الالنترا 2008 كامله اتوماتيك 1600 فتيس استيبترونيك عداد عامل 89 الف كيلو بدون فتحة سقف
لون اسود والازاز اللي وراه فاميه غامق و العربيه مش هاصرف عليها جنيه راشه جنبين نظافه برضوا بس ديه كل حاجة فيها سليمه و متظبطه فوانيس و اكصدامات و كله





سعر اللانسر ديه 78 الف و سعر الالنترا 82 الف



انا مش فارق معايا فرق السعر المهم اجيب انهي واحده فيهم
ارجوكم لحسن انا محتار حيره مايعلم بيها الا ربنا

[David Micheal]

كالعاده الناس بتخش ولا حد بيعبر اهلي

[kokowasfy]

لا ولا هتنخانق ولا حاجة انا هجبلك الفولة هههه
انا من ملاك الانسر على فكرة و النسر ركوبة تكيف و نعومة وثبات لكن العربيات حلات الحالة الى انت بتقول عليها متهانة شوية عداد 120 الف دا كتيير و كمان حلتها مش حلوة و كمان عوزة تغير حجات و فونيس و حتحتاج مصاريف فبلاش منها الانترا حلوة ونعمة اقتصادية قطع الغيار متوسطة مش غالية اوى توكيل متوسط اقل من المتوسط بس مدام العربية حالتها كويسة خلص فيها انشاء اللة بس حاول تهز السعر شوية خلية 80 و تبقى حلو اووووووى و اكشف عليها كويس وربنا يقدم الى فية الخير

[yoga]

ركبت الاتنين ومن وجهه نظرى طبعا عليك وع الالنترا

[muhmado_furp]

السلام عليكم
انا هقول لحضرتك وجهة نظري المتواضعه وليك القرار
انا معايا لانسر وقبليها لانسر وكنت وانا بغير وبتفرج هشتري النترا
الانسر ركوبه احلي بكتير وعربية أثبت وأوسع وابعاده اوضح
الالنترا اشيك في الصالون والالوان وأفخم لكن الانسر أفقر بس ركوبة الانسر احلي شوية
طيب انا توهتك لا
الانسر الي انت عارضها بلاش منها وشوف احسن
الالنترا كمان سيبك منها وشوف الالنترا الكاملة وتكييف تتش حاجه تانيه خالص
يعني الخلاصه
لانسر نضيفه او النترا فول اوبشن وطبعا الحالة الانضف تكسب

[David Micheal]

لا ولا هتنخانق ولا حاجة انا هجبلك الفولة هههه
انا من ملاك الانسر على فكرة و النسر ركوبة تكيف و نعومة وثبات لكن العربيات حلات الحالة الى انت بتقول عليها متهانة شوية عداد 120 الف دا كتيير و كمان حلتها مش حلوة و كمان عوزة تغير حجات و فونيس و حتحتاج مصاريف فبلاش منها الانترا حلوة ونعمة اقتصادية قطع الغيار متوسطة مش غالية اوى توكيل متوسط اقل من المتوسط بس مدام العربية حالتها كويسة خلص فيها إن شاء الله بس حاول تهز السعر شوية خلية 80 و تبقى حلو اووووووى و اكشف عليها كويس وربنا يقدم الى فية الخير

ماشي انا معاك بس برضوا الياباني قيمته فيه و غير كده اللانسر بيعها اسهل لو حبيت اغيرها
الالنتر مش هاتنزل عن 83 و مش هاصرف عليها حاجة مليم وكمان الفتيس بتاعها احدث

طيب بقولك فتيس البومه فيه ال Ds ولا لا ؟ و مش عارف موجود في الالنترا ولا لا كمان

[hugan]

الحاله الانضف تكسب
ومن وصفك
الالنترا

[kokowasfy]

ماشي انا معاك بس برضوا الياباني قيمته فيه و غير كده اللانسر بيعها اسهل لو حبيت اغيرها
الالنتر مش هاتنزل عن 83 و مش هاصرف عليها حاجة مليم وكمان الفتيس بتاعها احدث

طيب بقولك فتيس البومه فيه ال ds ولا لا ؟ و مش عارف موجود في الالنترا ولا لا كمان

طيب سيبك من العربيتين دول و شوفلك لانسر حاللة انضف و مش هتندم ابدااا فتيس الانسر فية ds , l , d ,r p

[David Micheal]

طيب سيبك من العربيتين دول و شوفلك لانسر حالله انضف و مش هتندم ابدااا فتيس الانسر فية ds , l , d ,r p

الالنتر اتباعت و مافضيلشي غير ال لانسر اوكي اخدتها و كشفت عليها طلعت مشيسه و الفرده الشمال معمول فيها شغل و كارتيرت الزيت كانت محلوله من تحت كمان و سبتها ماخدتهاش

[J A G U A R]

النترا

[David Micheal]

طيب يا جماعه المقارنه دلوقتي اتغيرت قدامي عربيتين الالنتر واحده 2008 تكييف بكر العادي
وواحده تانيه 2007 بس خليجي و تكييف تاتش علي ماعتقد
ايه رايكم و الاتنين بنفس السعر 82 الف جنيه

[muhmado_furp]

طيب يا جماعه المقارنه دلوقتي اتغيرت قدامي عربيتين الالنتر واحده 2008 تكييف بكر العادي
وواحده تانيه 2007 بس خليجي و تكييف تاتش علي ماعتقد
ايه رايكم و الاتنين بنفس السعر 82 الف جنيه

لو الاتنين نفس الحالة والنضافة
يبقي من رأي تختار الخليجي بتكييف تتش
انا شايفها اعلي كتير بس هل الفرق في التكييف بس ولا في اوبش تانيه اعلي في العربية الخليجي

[ICE_MAN]

بص ياباشا انا معايا الاتنين و بقولك الالنترا احسن بدون جدل كتير و نصيحتى ليك سواء هاتجيب دى أو دى هات الهايلاين علشان ال abs اهم حاجة و اى اوبشن تانى مش مهم .. من الاخر ماتجبش عربية مافيهاش abs مهما كانت حلوة.

[David Micheal]

لو الاتنين نفس الحالة والنضافة
يبقي من رأي تختار الخليجي بتكييف تتش
انا شايفها اعلي كتير بس هل الفرق في التكييف بس ولا في اوبش تانيه اعلي في العربية الخليجي

الفرق تاني ال 5 جنوط و اشارات في المريات و 4 مكن رفع و نورالطابلوه ابيض في ازرق انا شايف انه احسن من التانيه بكتير و النور هادي كده غير النور اللي عند الشماسات و جراب النضاره و الحورات ديه و كمان فيها كامير و حساسات بس صاحبها شايل الشاشة بس الحساسات شغال
السؤال بقي اضحي بده كله واجيب ال 2008 الموديل الاعلي سنه بس وكيل ولا خليني في الخليجي 2007 ؟؟؟؟

بص ياباشا انا معايا الاتنين و بقولك الالنترا احسن بدون جدل كتير و نصيحتى ليك سواء هاتجيب دى أو دى هات الهايلاين علشان ال abs اهم حاجة و اى اوبشن تانى مش مهم .. من الاخر ماتجبش عربية مافيهاش abs مهما كانت حلوة.

الهاي لاين اللي هي انهي واحده اللي بحكيلك عليهم دولا من غير فتحت سقف بس الخليجي ممكن يكون فيها abs متهايئلي بس مش عارف عشان من ضمن كمالايتها 4 مكن رفع اصلي و 5 جنوط و كل الكلام ده و تكييفها تاتش






بس في حاجة يا جماعه الخليجي متبهدله شويه عن التانيه يعني في رفرف لازم يتسمكر كده هو و حته في الباب و يترشه بس ممكن اسيبهم علي كده يعني انا من النوع اللي مش بضايق من الحاجات ديه عادي يعني
بس انتوا قول رايكم اخليني في 2008 الاحدث سنه ولا اخد 2007 سنه عشان الكماليات والخليجي و التكييف التاتش ؟