عذرا شارك

[salah_86]

امبارح سوقت عربية شارك لمدة ربع ساعه معجبتنيش خالص
بس للامانه هيا متبهدلة اصلا يعنى صاحبها هاينها على الاخر
بالمناسبة انا اول اليوم سقت هوندا سيفك برقبتها ياجدعان
للعلم بقى السيفك تقفيل ماليزى الكورولا تقفيل تركى
الشارك يابانى 100 %
نشترى ايه ياجدعان
دا الهيونداى ix35تقفيل تتشيكى مش كورى
علية العوض ومنه العوض

[amro0000]

نصيحة يا ابو صلاح نخلينا في عربياتنا البومة بأمانه احسن الي موجود في السوق هيا والكرولا طبعا غير كدة طنش وخليك في حاجتك احسن من غيرها

[MOTOR HEAD]

حضرتك متاكد من ix 35
انها تقفيل تشيكى

[saddam]

صديقي المواطن
قولا واحدا كلامك منطقي وده لازم يحصل لك ولكن مقارنتك مش منطقيه ليييييه
ﻷن الشارك أصلا لما بتطلع في سنتها من المصنع و تطلع قصادها الهوندا السيفيك فبتكون السيفيك أغلى أساسا ﻷنهارمن فئة أعلى وبكده طبيعي إنك تحس إن السيفيك برقبتها ﻷنه محدش قال وإدعى إن الشارك بمستوى أو أفضل أو حتى زي هوندا سيفيك
وبالتوفيق وإلى اﻷمام ومن نصر إلى نصر
ودمتم للنضال

[Mohamedarazak]

المشكلة أنى عمرى ماركبت شارك إلا ولقيتها زعلانة و حاليتها زى الزفت مش عارف المشكلة فيها ولا فى اللى راكبينها

[ma7oo]

فى اللى ركبينها

[MITSUKERO]

مقارنة ظالمة لانك لو سوقت شارك سليمة مش هتعرف تركيب عربيتك تاني

[vip74]

لو معاك فلوس اكيد كورولا أو هوندا افضل

[amro0000]

انا معايا لانسر بومة بشهادة صديق ليا لسة اخوة جايب شارك وساقها اقسملي بلله ان العربيتين مش فارقين حاجة عن بعض الا في الشكل والتابلوة من جوة غير كدة قالي الاتنين زي بعض

[semsem5144]

جرب الشارك حالة نضيفه او حتى اطلب من التوكيل تجرب الموديل الجديد هتعرف ان فيه فرق كبير بينها وبين اللى سوقتها
انا جربت تويوتا كامري 2011 ماتفرقش حاجه عن ال128 فأي عربية صاحبها هاينها عمرها ماهتعجبك
الفروق بين الشارك والبومه مش هتظهر معاك غير لما تمشي بيها مسافات طويله
انا عن نفسي اكتر حاجات عجبتني فيها وانا مركب 4 معايا مابتحكش فى المطبات خالص ورغم ارتفعاها ثابته جدا على الطريق وبقدر اخد غرز وانا متطمن فوق ال 160 وكنت خايف اول ماركبتها من ثباتها لان كل اللي ركبته قبلها الماني
والهاي لاين عربية مرضيه جدا بالنسبه لسعرها وكماليتها
اخيرا ربنا يوفقك للاختيار الاصلح

[salah_86]

بالنسبة للهيونداى انا متاكد لان صاحبها سئل بنفسه فى التوكيل وقالوة ان ورق العربية بيجى فيه بلد المنشأ التتشيك
اما بالنسبة للبومة والشارك فطبعا طبعا فرق رهيب بين البومة والشارك
دى فئة ودى فئة
البومة فئة الفيرنا والاوبترا واللانوس والافيو وغيرهم بس هيا سعرها اللى مخلى الناس فاكرها هتطلع لفئة اعلى هيا بس احسن فى الجودة وعوامل الامان ويابانى بقى وكدا واقتصادية فى البنزين ومتينة وفيها عدة عوامل تخليك وانت واقف قدام اى عربية تانية فى نفس متوسط سعرها تقرر انك تجيب لانسر بومة
اما الشارك فدى فى مستوى او فئة السيفيك والكورولا والكيا السيراتو
بس للاسف ميتسوبيشى بقت اخر واحدة تطور من نفسها بالمعنى البلدى بتأنتخ خالص نازلنا فى مصر لانسر بس لاكولت ولا جالات ولا اوت لاندر ولو نزلو بيبقى سعرهم خرافى دا غير انهم لسه على الشكل القديم من 2008 مفيش تعديل نفس غلطة البومة نفس الشكل من 2003
مكدبش عليكم اصلا مفيش فلوس انى اغير بس لو معايا فلوس ممكن ابتدى افكر فى اى عربية كورى كويسة وفيها اوبشن ولكنى برجع ساعات اقول لا اليابانى يابانى برضة بس للاسف اليابان بقو متأخرين عن الكورى ودا بفرق ملحوظ فى الاوبشن مبالغ فيه ودا شئ محزنى اصلا غير ان السيفك مثلا ب214 الف
والكورولا ب 210 يعنى خلاص مبقاش فيه عربية تحت ال200
الشارك اظن انها163

[J A G U A R]

مبقاش فى فرق دلوقتى بين يابانى وكورى والافضليه للكورى

[Ahmed TRAVCO]

احب اقول لصاحب الموضوع ان اكيد اكيد اكيد الشارك اللي سقتها فيها حاجة غلط... وطبعا انت قايل انها متهانة جدا ومش محدد هي انهي فئة... انما لو حضرتك ركبت الشارك بحالتها ولمسافة كافية هتعرف انها لاتقل ابدا عن السيفيك على الطريق وان السيفيك مش برقبتها ولا اي حاجة... احنا بس في مصر بنحب نبالغ شوية... زي الاستاذ الفاضل اللي قال ان السيفيك بتنزل برة اغلى من الشارك لانها فئة اعلى!!!!!! وياريت حضرته يجيبلنا مصدر معلوماته المغلوطة دي...

الشارك والسيفيك والمازدا 3 والكورولا والفوكس -وحاليا الالنترا والسيراتو والكروز- بينزلوا برة باسعار تكاد تكون متشابهة... وانا هنا بتكلم عن الشارك الgls اللي بتنزل عندنا مش الgt ولا الralliart مثلا لان دول هم اللي فئة اعلى...

الامبريزا برة هي اللي داخلة في فئة اعلى شوية.... مش هنا ب185 الف والسيفيك ب214 الف!!!!!!!

وانا شخصيا من الناس اللي (بتدعي) ان السيفيك اللي عندنا لاتزيد عن الشارك اللي عنرنا في شيء على الطريق... وانا عارف بقول ايه... اه ممكن بقى الكروز كونترول والسنسورز ومرايات الضم؟؟؟ انما على الطريق وثبات وعزم وكده ياريت محدش يحسسنا ان السيفيك دي مرسيدس ويقولنا ان محدش ممكن يدعي ان الشارك توصل لمستواها...

وبالنسبة لي شخصيا الشارك افضل كمان من السيفيك لان ببساطة الشارك ب167000 والسيفيك ب214000... يعني فرق 47000 جنيه!!!!

ممكن بقى الاستاذ صدام يقولنا سعر الشارك برة كام والسيفيك كام؟؟؟؟ علشان بس نعرف التوكيلات بتاعتنا بتستغلنا ازاي في حين ان العربيتين في امريكا مثلا سعرهم حوالي 21000 دولار...

[Ahmedhussein007]

ياباشا مع احترامى ليك بس البومه ركوبه والشارك ركوبه تانيه خاااااااالص جرب عربيه سليمه وقارن