بخصوص توطية الدبرياج

[amro0000]

سلام عليكم ياجماعة انا معايا لانسر بومة مانوال والدبرياج بتاعها عالي اعتقد ان دا الفابريكة بتاعها كدة فاأنا عاوز اوطية هل دا صح ولا غلط انا بس بوطية عشان متعب في الزحمة بس هل دا صح ولا غلط ولا بيأثر علي اسطوانه الدبرياج في حاجة وهل اما اوطية احسن ححس براحة في الزحمة بلزات ولا لاء؟ وياريت حد يقولي الار بي ام علي السلانسية بيكون علي شرطة كام بلزبط تحديدا ......... وشكرا ليكم

[aldesha989]

اه طبعآ هيفرق معاك فى الزحمه جامد بدل ما ترفع رجلك لأخر الدبرياج ولا لنصه وده فعلآ متعب
كفايه اوى اول مشوار الدبرياج يفصل اهم حاجه بس انك تتعود عليه ومش هيعمل حاجه فى الديسك ولا الاسطوانه ولا حاجه

انا عربيتى الدبرياج مخليه يفصل فى الاول خالص يدوبك اول ما اشيل رجلى تبتدى تتحرك
لما ركبت عربية جوز اختى حسيت ان رجلى جالها كساح دبرياجه فى النص او اعلى من النص بشويه حاجه متعبه جدآ جدآ جدآ مره سوقتها وانا كنت تعبان وعايز اروح ندمت لانى تعبت اكتر ورجلى اتشنجت وكانت حاجه مقرفه

السلانسيه فى اى عربيه من 800 ل 1000 ده على حسب العربيه بتاعتك السلانسيه بتاعها هيستريح على كام لان لو عربيتى خليتها على 800 هتقرفنى وهترجرج جامد فبخليه من 1 ل 1.1 علشان تبقى كويسه ليه بقى مش عارف اشمعنى عربيات تمشى معاها وعربيات لا

عمومآ ممكن تجربه على 800 الاول بس لازم تجربه والعربيه بارده علشان الصبح بدرى بتفرق فى الدواره يعنى لو اقل من المطلوب هتلاقى العربيه بتطلع عينك علشان تدور ولو اعلى من الصح هتأكل بنزين وخصوصآ فى الزحمه وصوت الماتور هيبقى عالى

[amro0000]

انا النهردة وطيت الدبرياج وحقيقي حقيقي فرق جميل اووووووووووووووووووووي اوي اوي اوي حسيت ان رجلي ارتاحت اوي ومفيش تعب غير الاول بس ظهرلي مشكله زي صوت سوسته كدة عند الفورشة بسمعها اما باجي ادوس دبرياج وارفعة سواء العربية مطفية او شغاله الميكانيكي بتاعي حطلي زيت كدة عند الفورشة والصوت السوسته دا بقا بيروح ويجي بس بسمعة والعربية سواء واقفة او دايرة لاكن اثناء الغيارت وانا ماشي بلعربية الامور عادية بس انا خايف ليكون حاجة بتتاكل في الدسك ولا الاسطوانه وهوة دا الي مخليني خايف فهل كدة فية حاجة بتتاكل وصوت السوسته دي اية وياريت الي معاة عربية مانوال ويكون وطي الدبرياج يقولي اة وصحيح انا حسيت ان العربية فايقة عن الاول والسحب اتحسن العربية فاقت فعلا هل دا طبيعي ؟؟؟؟؟؟؟؟ اما اوطي الدبرياج يحصل كدة؟