العربية مش حلوه على الطريق(بومه 1600)

[aboayman64]

اولا السلام عليكم..
انا كنت النهارده ماشي على المحور حوالي الساعة 9.30 و لقيت الطريق فاضي اولت اشوف العربية دي اخرها كام بس العداد وقف عند 170 و مرضاش يزيد مع اني كنت مدي كيك داون و لكن ال rbm كان على 5
وكمان العربية سحبها على الطريق مش حلو بتاخد وقت كتير على متجيب 140
مع العلم ان العربية لانسر 2005 سبورت و لسا شاريها جديد و عملة 115000 كيلو

[muhmado_furp]

انا هقول لحضرتك علي حاجه
هي العربية لو لسه مع حضرتك من فترة قريبه فالواحد بياخد وقت علي ما يعرف ياخد الي عاوز منها وازاي يحرق وكده بالذات المواتير الرياضية
فممكن ده سبب
ولو حضرتك قلقان من حاجه او شايف انها سبب غيرها يعني فلاتر وبوجيهات وانجكشن وكده علشان تشوف هيحصل فرق ولا لا
بس كنت عاوز اسألك علي موضوع الكيك داون بتعمله ازاي علي الفتيس الاوتو لاني معرفش بصراحه

[aboayman64]

هو فعلا انا مغيرضش الفلاتر و البوجيهات لما جبتها الميكانيكي قالي مش محتاجة بس غيرت سير الكاتينة و ان شاء الله هغيرهم و اجرب
بالنسبة للكيك داون كل الي انا عملته اني جبت اخر الدواسة . هو فيه في الفتيس ds انا بصراحة مجربتوش على الطريق
و شكر جدا لحضرتك على الاهتمام

[Mamoud salah H]

غييير الفلاتر اهم حاجو والبوجيهات ونزل الزيت الي فيها وحط زيت محترم تكون ارف معاد تغييره وفول تفويلة نضيفة واطلع وجرب
لان السرعة بتاعت حضرتك دي غريبة جدا ومش منطقية عشان انا معايا 1300 اوتوماتيك وبجيب بيها 175:180

[Silent~Dream]

اولا الف مبروك و ربنا يديلك خيرها و يكفيك شرها ثانيا انت مش عارف الى قبلك عمل صيانه امتى ولا اى حاجه و سيبك من كلام الميكانيكى هتغير زيت الموتور و لو موتورك مش بياكل زيت و لسه بحالته استخدم نوع نص تخليقى 40\10 و غير فلتر الزيت و فلتر البنزين و فلتر الهواء و البوجيهات و السيور كلها و ابقى روح ربط العفشه و اعمل عليها تشيك و تابع مستوى مياه الردياتير و ابقى اكشف على زيت الفتيس لو محتاج يتزود و يفضل تغيره و زيت الفرامل و البور و حاجه محتاجه تتغيير ولا لا ؟

[aboayman64]

غييير الفلاتر اهم حاجو والبوجيهات ونزل الزيت الي فيها وحط زيت محترم تكون ارف معاد تغييره وفول تفويلة نضيفة واطلع وجرب
لان السرعة بتاعت حضرتك دي غريبة جدا ومش منطقية عشان انا معايا 1300 اوتوماتيك وبجيب بيها 175:180

انا فعلا نازل بكره اغير الزيوت و الفلاتر و البوجيهات وهفول من الوطنية و ان شاء اجرب تاني
و شكرا لحضرتك على الاهتمام

[aboayman64]

اولا الف مبروك و ربنا يديلك خيرها و يكفيك شرها ثانيا انت مش عارف الى قبلك عمل صيانه امتى ولا اى حاجه و سيبك من كلام الميكانيكى هتغير زيت الموتور و لو موتورك مش بياكل زيت و لسه بحالته استخدم نوع نص تخليقى 40\10 و غير فلتر الزيت و فلتر البنزين و فلتر الهواء و البوجيهات و السيور كلها و ابقى روح ربط العفشه و اعمل عليها تشيك و تابع مستوى مياه الردياتير و ابقى اكشف على زيت الفتيس لو محتاج يتزود و يفضل تغيره و زيت الفرامل و البور و حاجه محتاجه تتغيير ولا لا ؟

الله يبارك فيك
انا فعلا نازل بكره اغير زيت بس انا مش عارف ايه هو الزيت النص تخليقي 10/40
انا اول ماجبتها حطيت زيت موبيل 5000
و شكرا لحضرتك على الاهتمام

[Mamoud salah H]

وكمان غير زييت الفتيس بالفلتر بتاعة عشان تبقي عملت سيرفس كامل علي ايدك وعارف التغيير القادم هيبقي امتي

[aboayman64]

تمام بس المشكلة ان انا من بنها و مش عارف اجيب الزيت نوع ايه و منين عشان ال cvt

[amro0000]

تمام بس المشكلة ان انا من بنها و مش عارف اجيب الزيت نوع ايه و منين عشان ال cvt

ياراجل اطلع طيب خد الزراعي القاهرة واطلع علي الرواس او المصيلحي في قليوب دايموند وهاتهم حاجة اصلي عربيتك تستاهل يتصرف عليها حجات اصليه وانشاء الله هتحس بتغير

[Mamoud salah H]

معلش ثواني هو البومة 2005 كانت اوتوماتيك عادي مش cvt
الفتيس الcvt كان من بعد 2009 او2010

[aboayman64]

معلش ثواني هو البومة 2005 كانت اوتوماتيك عادي مش cvt
الفتيس الcvt كان من بعد 2009 او2010

لا ال cvt موجود من 2005 لحد 2010 بعد كده الفتيس بقا steptronic الاختلاف الوحيد فيه ال2005 - 2006 هو الشبكة و الاكصدام و التاره و الباقي كله واحد
و ان شاء الله هيغر زيت الفتيس في اقرب وقت و شكرا

[Ralliart]

طالما حضرتك من بنها يبقى خد الزراعي في اتجاه القاهرة وقبل كوبري قليوب هتلاقي التوكيل القديم (مصرية) عاليمين يافطته لونها فضي وعليها علامة ميتسوبيشي وفي على الناصية عمارة بتتبني والتوكيل جوة الشارع مش على الطريق بره
قولهم على مشكلتك وغير زيت وفلتر زيت وفلتر هواء وخليهم ينضفو الانجكشن وشوف لو محتاجة بوجيهات وخليهم يشوفو زيت الفتيس وأكد عليهم انك عايز بتاع الـcvt علشان لو شافو واحد مش فاهم بيحطو العادي
وأهم حاجة اوعى تغير فلتر هواء مش أصلي علشان بيخلي صوت العربية عالي
وهتطلع من هناك مبسوط جداً ان شاء الله

[Silent~Dream]

الله يبارك فيك
انا فعلا نازل بكره اغير زيت بس انا مش عارف ايه هو الزيت النص تخليقي 10/40
انا اول ماجبتها حطيت زيت موبيل 5000
و شكرا لحضرتك على الاهتمام

يعنى شل hx7 درجه لزوجته 40\10يعنى كاسترول ماجنتيك بردو نفس اللزوجه و فيه انواع كثير فى السوق من شركات زيوت كثير اختار شركه مضمونه و اهم حاجه المكان يكون مضمون و الزيت مش مغشوش و هتابع لزوجه الزيت و معدل البخر و تنزله لما لزوجته تقل و تبقى زى المياه و فى حدود 8-12 الف مثلا ممكن اكثر و ممكن اقل حسب طريقه سواقتك و الطريق الى ماشى عليه و انصح حضرتك تشوف الموضوع ده

http://www.nilemotors.net/Nile/341680-a.html

[aboayman64]

[QUOTE=Ralliart;3875268436]طالما حضرتك من بنها يبقى خد الزراعي في اتجاه القاهرة وقبل كوبري قليوب هتلاقي التوكيل القديم (مصرية) عاليمين يافطته لونها فضي وعليها علامة ميتسوبيشي وفي على الناصية عمارة بتتبني والتوكيل جوة الشارع مش على الطريق بره
قولهم على مشكلتك وغير زيت وفلتر زيت وفلتر هواء وخليهم ينضفو الانجكشن وشوف لو محتاجة بوجيهات وخليهم يشوفو زيت الفتيس وأكد عليهم انك عايز بتاع الـcvt علشان لو شافو واحد مش فاهم بيحطو العادي
وأهم حاجة اوعى تغير فلتر هواء مش أصلي علشان بيخلي صوت العربية عالي
وهتطلع من هناك مبسوط جداً ان شاء الله

تمام انا ان شاء الله هروحلهم و هعملها صيانة كاملة و شكرا على اهتمام حضرتك