ارجو الافادة .. كريستالة ولكن

[Zeyad Ashraf]

[justify]

السلام عليكم ..
انا متابع المنتدى من فترة ولكن دي اول مشاركة ليا وحابب نصيحة الاخوه الموجودين

معروض عليا لانسر كريستالة كاملة اوتوماتيك بـ 55 الف .. لكن المشكلة ان العربية كانت مخبوطه من وشها قبل كدا "غالبا حادثه" لكن دلوقتي العربية حالتها شبه جديدة وكل حاجه فيها شغالة وحالتها تمام .. يا ترى ايه نصيحتكم هل ابعد عنها ولا افكر فيها .. ولو هشتريها السعر دا كويس بالنسبة لحالتها ولا لا ؟

وشكراً

[/justify]

[M.Elgergawy]

اهم حاجة سدرها سليم ولا اتغير ولا اترش ولا حصله ايه بالظبط
لو سليم خدها لو اتسمكر واترش او اتغير واتلحم يبقى بلاش منها

[dr/hamza]

السعر غالى اخرها 53 لو سليمة وحالتها كويسة

[sfahmy6]

47 ................اعتقد سعر مناسب بعد الخبطه

دى لو كانت فى الشنب بس


انما لو جوه عن كده شويه ........بلاش منها خاااااااااااااااااالص :)

[Zeyad Ashraf]

شكراً للجميع على النصيحة ..

الخبطة في وش العربية بس ومن جوا فابريكة لكن العربية رشة كله ما عدا السقف والشنطة .. بس من الواضح ان في اجماع على ان السعر غالي

[mohamedxsayed]

غاليه شويه من وجهه نظرى

47 ................اعتقد سعر مناسب بعد الخبطه

دى لو كانت فى الشنب بس


انما لو جوه عن كده شويه ........بلاش منها خاااااااااااااااااالص :)

هو قصد حضرتك انها تكون عاوجه الشاسيه من تحت بسب الخبطه

[amro0000]

السعر 50الف توبها لو حالتها كويسة والخبطة في الشنب بس لو الخبطة عدت الشنب فكك منها نصيحة اخ

[Zeyad Ashraf]

شكراً لجميع الاخوه على الردود .. بالفعل تم صرف النظر عن تلك السيارة لان اهم حاجه عندي لما اجي اغير واشتري عربيه تانيه متعبش في البيع وربنا يوفقني واقدر الاقي عربية تانية كويسة