shark 2013 or tida

[bigAdam]

سلام عليكم ورحمة الله وبركاته

معلش انا مبتدئ شوية في موضوع العربيات وحابب مساعدتكم

انا كنت بفكر اشتري عربية شارك من اللي سمعته من الجروب ومن برة عن انها عربية ممتازة , بس هل فعلا عيبها الوحيد هو قطع الغيار الغالية وهل هيا غالية لحد لايطاق

ولو مقارنة سريعة بينها وبين التيدا مين فيهم اللي هيكسب , ده لو واجه المقارنة هيا الثبات والتوفير وانها متبقاش نزيل دائم في مركز الخدمة وعند الميكانيكية

[Eng_hatemfathy]

الشارك اللى فى السوق دلوقتى خليجى واول فئة ففاضية خالص
علشان تبقى المقارنة ناجحة لازم تقارن ما بين عربيين نفس الفئة وطبعا الشارك هتغلب بمراحل الا فى استهلاك البنزين فهيكون اكبر من التيدا واسعار قطع الغيار فهتبقى اغلى من التيدا
استنى لاخر الشهر او بداية ديسمبر وساعتها شوف ميزانيتك اخبارها ايه وايه الاسعار الجديدة للشارك وربنا يوفقك

[bigAdam]

الشارك اللى فى السوق دلوقتى خليجى واول فئة ففاضية خالص
علشان تبقى المقارنة ناجحة لازم تقارن ما بين عربيين نفس الفئة وطبعا الشارك هتغلب بمراحل الا فى استهلاك البنزين فهيكون اكبر من التيدا واسعار قطع الغيار فهتبقى اغلى من التيدا
استنى لاخر الشهر او بداية ديسمبر وساعتها شوف ميزانيتك اخبارها ايه وايه الاسعار الجديدة للشارك وربنا يوفقك

شكرا علي سرعة الرد بس هل كلام حضرتك معناه ان التيدا استهلاكها قليل بحيث الواحد يعتبرها سيارة اقتصادية , ولا الشارك هي اللي بتحرك بنزين بزيادة عن بقية العربيات من نفس الفئة

[dreslam]

حضرتك عامل حسابك على كام عشان نقولك انهي فئه

[elmkaneeki]

مفيش اصلا تيدا الشكل القديم خلاص
الي لحق لحق

[bigAdam]

حضرتك عامل حسابك على كام عشان نقولك انهي فئه

انا عامل حسابي علي max 130 بس طبعا كل مايكون اقل كل ماهيكون احسن

المهم انها تكون عربية تعيش مش سنتين وابقي عاوز اغيرها

[dreslam]

حضرتك ركبت الاتنين وقيمتهم حسب رغبتك ولا لسه ؟

[bigAdam]

حضرتك ركبت الاتنين وقيمتهم حسب رغبتك ولا لسه ؟

للاسف معنديش حد اعرفه عنده العربيتين , معرفة انه يسبني اجرب عربيته , فعشان كده بدور علي اراء الناس

[dreslam]

لو حتركب لوقت طويل يبقى قيم حسب رغبتك اولا واخيرا ...يعني روح اركبهم في المعرض..لف حواليهم واركب ورا وافتح الشنطه وبص من قريب وبص من بعيد وهكذا..والعربيتين حلوين فشوف رغغغغغبتك اولا

[saddam]

صديقي المواطن
توفيرا وقلة أعطال التيدا أفضل الشارك الكاملة مش الفاضية شكلها أجمل اﻹثنين إعادة بيعهم متقارب بس الناس بتكره الشارك ف التيدا الناس بتحبها وقطع الغيار بتاعت شارك موجودة أكتر
وهذا ما لزم بيانه ودمتم وبالتوفيق وإلى اﻷمام ومن نصر إلى نصر
ودمتم للنضال

[elmkaneeki]

نقول تاني مفيش تيدا جديدة الشكل القديم

[bigAdam]

نقول تاني مفيش تيدا جديدة الشكل القديم

تمام , انا حاطط في اعتباري برضه اني ممكن اجيب العربية كسر زيرو

[MITSUKERO]

شارك

[bigAdam]

شارك علي بركة الله

بس هل فعلا الشارك بتستهلك بنزين 95 ؟ طب لو حطيت 92 هتفرق قوي علي الموتور علي المدي البعيد؟
اصل 95 ده ميزانية لوحده :)

[dreslam]

شارك ولا تيدا بيستخدموا ٩٢ بدون مشاكل ولو الكماليات تفرق معاك ومش فارق ريحه الزيرو والكياس قوي اصطادلك بقا شارك هاي لاين ٢٠١١ بالموتور ١٥٠٠ ومتع نفسك بالزينون والسقف والدلع الجامد :)