ايه رايكم فى الشارك يا رجالة

[khaabas]

ايه مميزاتها وايه عيوبها وانا بكلم على الشارك 2014
لانى سمعت ان موتورها اتغير عن الموديلات القديمة وهل هى عربية بهدلة وسفر مسافات طويلة ولا عربية تعبانة
قطع غيارها عاملة ايه وهل متوفر الاصلى والمضروب خارج التوكيل ويا ريت رنج الاسعار
سعر اعادة البيع كويس ولا وحش
يا ريت الافادة

[semsem5144]

بغض النظر ياكبير انك من المتعصبيين للكوري والجدال معاك صعب جدا فواضح ان الاسعار الخيالية بدأت تغير اتجهاتك

- الشارك من اول 2012 1600 cc موتور مايفك 117 حصان فتيس 4 نقلات INVECS-II وانا عن نفسي شايف ان ال1600 حلو اوى الفتيس ال4 نقلات او 5 عليها وال6 كتير اوى لانها بتنقل كتير فى الزحمه وعلى السرعات العالية وعن تجربة التويوتا اللى معايا لما بثبت السرعه على 200 والطريق يكون فيه مرتفعات العربية بتنقل من السادس للخامس ولو علي الطريق اكتر بتنزل للرابع عشان تحافظ على معدل التسارع ودى حاجه تخنق لان الموتور صوته بيعلى ( بس اكيد ال6 بيقلل استهلاك البنزين )
- الصالون شيك وواسع خاماته كويسه والعدادات شكلها حلو والكراسي مريحه جدا فى السفر
- عزل العربية وحش والسبب الاساسي الكاوتش الدانلوب
- الشنطة صغيره على عكس حجم العربية الاولويه عندهم كانت للكنبة الخلفيه
- العربية فى السفر حلوه جدا جدا عافشه مالتي لينك وموتور صوته حلو مش مزعج تسارع ممتاز مع التكييف وعدد الركاب معاك مابيأثرش على سحب العربية
- قطع الغيار اسمع انها متوفره فى الحرفيين واماكن تانيه كتير اصلي وتجاري وزي كل العربيات الجديده اسعارها غالية
- اعادة البيع بحكم ظروف السوق والاسعار اتحسنت عربيتي 2012 ماشيه 5500 كيلو كانت ب 136 عرضتها من كام شهر جابتلى 128 الف كنت ناوي اجيب استرا بس للأسف سعرها زاد اوى فقولت خليها واقفه فى الجراج وانا كده كده مسافر

[khaabas]

يا باشا الف شكر
وموش تعصب والله ولا حاجة بس دلوقتى فعلا الاسعار اصبحت متقاربة يبقى اليابانى يكسب والتوكيلات بتاعته مهما كانت احسن
وانا حاليا محتار بين الهوندا سيتى وبين الشارك وموش عارف اخد قرار

[heka_m_y]

السلام عليكم

اتفق مع الاستاذ سمسم فى كل اللى قاله وانا معايا 2012 وكان معايا بومة قبلها وقبها مكواة بس عايز اضيف كام حاجة كده :

اولا : الشارك عربية لا يعرف قيمتها غير اللى راكبها بس .

ثانيا : العربية من وجهة نظرة تجمع بين شيئين بجد مش لقيتهم فى عربيات تانية كتير جدا وهى ان العربية عالية عن الارض وفى نفس الوقت ثابتة جدا جدا جدا يعنى ممكن يركب خمسة فى العربية وادخل على اى مطب وقلبك جامد مش هتحك صدقنى وفى نفس الوقت على السرعات انا عن نفسى جربت لحد تقريبا 180 وكانت بسم الله ما شاء الله .

ثالثا : بأكد الكلام ماتورها ممتاز فى السحب ولا تأثير للتكيف اطلاقا على السحب حتى لو راكب 6 أفراد فى السيارة وانا ركبت اللى قبل 2012 اللى ماتورها 1500 ونفس الكلام علشان اللى بيتكلمو عن ال1500 انا مش شايف اى تغيير بين ال1500 وال1600 الاتنيين تقريبا واحد .

رابعا : عفشتها رهيبة يمكن ناشفة شوية بالاخص من الخلف علشان عفشة مالتى لينك ومش تسألنى عن المالتى لينك لانى مش اعرفه بس اللى اعرفه انه زى الالمانى ودى بيخلى العربية تستحمل الظروف القاسية وكمان بتدى ثبات رهيب للعربية .

خامسا : صاجها زى اى صاج عربية جديدة وبلاش كلمة القديم بقى علشان معدش تقريبا فى حاجة اسمها قديم كل العربيات تقريبا متشابهة فى موضوع الصاج .


سادسا : عيبها الوحيد فعلا عدم العزل الجيد فى المقصورة وعلى فكرة خامات العزل غالية جدا ولو عملو خامات العزل جيدة اعتقد ان سعر العربية هيبقى عالى جدا .

سابعا : العربية انا شايف ان شكلها حلو جدا من وجهة نظرى على عكس الكثير اللى بيقولو ان شكلها مش حلو .

ثامنا . الشنطة ضيقة فعلا وقطع الغيار اغلى من البومة بالتلت تقريبا يعنى لو قطعة غيار بومة ثمنها الف جنبه تبقى فى الشارك 1300 جنيه .

تاسعا : الصالون واسع عن البومة كتير واشيك والتابلوه مالوش حل بالاخص لما تشيل السى دى بتاعها وتركب الدى فى دى بتاعها وهو متوافر وانا مركبه عندى اللى 8 بوصة وبجد جامد جدا وفى كل الاوبشن اللى انت عايزة .

عاشرا : موضوع اعادة البيع سيبها على الله انت فى بلد لسه بتتكلم عن البيجو 1979 وبتتحاكى بيها ولما بيحبوا يرفعوا من عربية بيخلو اللانوس بى ام وانا اعتقد ان سبب سوء السعر فى اعادة البيع هم التجار بالاضافة للوكيل اللى نزلها فى 2008 بسعر مقارب للاوكتافيا فانا لو هاشترى هاشترى اوكتافيا طبعا .

الخلاصة : عربية ممتازة ماتور قوى عفشة قوية شيك وصالونها شيك وثابتة وعالية انا مش عايز حاجة اكتر من كده ... ولو فكرت ابيع لو ربنا كرمنى علشان اجيب حاجة اعلى مش هابيع بسعر السوق حتى لو فضلت اتفرج عليها وهى واقفة والناس لو عملوا كده العربية هيبقلها شأن اخر .

حاجة اخيرة نفسى اللى يتكلم عن الشارك يكون جربها وساقها على الطريق علشان يحكم عليها .

اه نسيت حاجة تكيفها انا مش هتكلم عنه يكفى انى دايما بقلل من درجة البرودة علشان فعلا ممتار ده بالاضافة ان المروحة بتاعت التكييف 8 درجات ولو شغلتها على 5 اللى قاعد ورا اكنه قاعد فى الامام .

بالمره بقى فى عيب تافهة شوية وهو ان الدرج الكبير اللى فى التابلوه خامة الفايبر بتاعته غريبة شوية بيتخربش بسرعة يعنى اللى قاعد جنبك لو لسمه بمفاتيح مثلا او طفل لعب فيه بأى حاجة فى ايده هايتخربش بسرعة وده ليه حل لو كترت الخرابيش انك تبطنه جلد وواحد قالى على المعلومة دى وهو سروجى سيارات وهو اللى عاملى العربية جلد .

[semsem5144]

يا باشا الف شكر
وموش تعصب والله ولا حاجة بس دلوقتى فعلا الاسعار اصبحت متقاربة يبقى اليابانى يكسب والتوكيلات بتاعته مهما كانت احسن
وانا حاليا محتار بين الهوندا سيتى وبين الشارك وموش عارف اخد قرار

الهوندا عربية لا غبار عليها بس السيتي مبيعاتها ضعيفه فى العالم كله يعنى قطع الغيار صعب تلاقيها برا التوكيل ولو حتى استيراد
وسعر بيعها قليل اوي فاكيد اللانسر تكسب
ربنا يوفقك للاختيار الصح

[khaabas]

موش عارف اشكركم ازاى سؤال كمان بقى واستحملونى معلش
هل ظهر فيها عيب شائع مثلا زى الالنترا md فيها عيب شائع علبة دريكسيون
فهل الشارك ظهر فيها عيب شائع معين

[semsem5144]

موش عارف اشكركم ازاى سؤال كمان بقى واستحملونى معلش
هل ظهر فيها عيب شائع مثلا زى الالنترا md فيها عيب شائع علبة دريكسيون
فهل الشارك ظهر فيها عيب شائع معين

قبل ماشتري العربية قريت كل كلمة اتقالت عليها هنا فى المنتدى ومنتديات تانية مافتكرش ان في عيب شائع اتكرر مع ملاكها
وبرضو اللى يفيدك اكتر حد يكون معاه موديل 2008

[Rehab Ahmed]

شارك وللا هوندا سيتى وللا بيجو 301 ؟؟؟؟

الشارك عربية جميلة جدا طول عمرها بتعجبنى والحمد لله ان الموضوع ده فيه تقييم للشارك

عشان انا عاوزة اشترى عربية جديدة ومحتارة جدا شوية اقول الهوندا سيتى (يابانى وجميلة لكن اعادة البيع الناس بتشتكى منها) وشوية اقول الفلوانس (جذابة وواسعة واصلا كان نفسى اوى اوى فى العداد الديجيتال لكن الناس بتقول بلاش فرنساوى عشان اعادة البيع برده )وشوية اقول لأ الياريس الجديدة ( يابانى وآخر موديل واكيد هتكون موفرة فى البنزين عشان موتورها ال 1300) .. لكن فى الآخر بحاول ابعد عن تفكير البنات واعجابهم بالشكل فقط

المهم ... عاوزة افكر معاكم بصوت عالى وآخد رأيكم مثل صديقكم هنا ..

دلوقتى انا سواقتى عنيفة مثل الشباب (يمكن عشان اتعلمت على لادا :) فبمشى مش بيهمنى وخصوصا لما بكون متعصبة عصبيتى بتطلع فى السواقة (فبالتالى عاوزة عربية تستحملنى) وعقلى صغير مع اي حد بيغلس على فى السواقة مش بهدى غير لما بسبقه وطبعا لكم ان تتخيلوا كم الشتايم اللى بخدها من الناس طول ما انا ماشية ( مش عشان بسوق غلط لكن عشان بسوق بسرعة فى شوارع داخلية :) وساعات ببقى عاملة زي الميكروباص )

ثانيا عاوزة عربية عالية (كنت هشترى السانديرو الستيب واى) اللى منعنى بس انها مانيوال.. برغم ان ناس قالولى ان طالما انا بحب السواقة وبستمتع بيها وبسوق عدد ساعات طويلة يبقى المانيوال هو الافضل بالنسبة لى ..... لكن بصراحة برضه الشوارع بقت زحمة بدرجة متعبة تخلى اى حد محتاج للاوتوماتيك... كفاية يوم زى مظاهرات جامعة الازهر دى .. وصلت شغلى فى 3 ساعات...

ثالثا نفسى نفسى فى عربية لما ادخلها اكون منعزلة عن العالم يعنى لما اقفل الزجاج مسمعش غير نفسى بيتهيألى صعبة دة :)

رابعا .. كنت فكرت برضه فى الاوبل كورسا الجديدة .. عشان قولت لنفسى سواقتى دى عاوزة حاجة المانى عشان تستحملنى وفى نفس الوقت شبابية وصغيرة لكن الناس رجعت خوفتنى من اعادة البيع وغلو قطع الغيار.. وفى حد قالى متجيبيش عربية اوتوماتيك اقل من 1600 وانتم اكيد عارفين ان الكورسا 1400 بس . ( واصلا مش عارفة مدى صحة المعلومة)

خامسا استبعدت النيسان تيدا الجديدة نظرا لغلو سعرها (160000) كتير جدا على هاتش باك

سادسا كنت هتجنن على البيجو 208 لكن استبعدتها برضه عشان الشاشة قالوا لو باظت محدش هيعرف يصلحها :(((((

وانتقلت اختياراتى للهوندا سيتى والشارك و البيجو 301 و الياريس الجديدة السيدان...

اكثرهم اقرب لنفسى الياريس ثم الهوندا ثم الشارك ثم البيجو

الياريس 1300 ( ده هيخليها موفرة فى البنزين ) وفى نفس الوقت يابانى موديل 2014 لكن بخصوص ان الاوتوماتيك مش حلو فى موتور 1300 (مش عارفة مدى صحة المعلومة) !! وسعرها (14000) اول فئة اوتوماتيك
السيتى 1500 ( بحبها لكن المنتدى هنا بيقول انها تقريبا مش ماشية فى الشارع وبالتالى هنخسر فيها عند اعادة البيع واعتقد انها واطية كمان ) سعرها (150000) اول فئة اوتوماتيك
البيجو 1600 ( طبعا انا شايفة ان فى انحياز ليها جدا سواء فى المنتدى هنا او فى المعارض ) بس مش عارفة ليه نفسيا انا مش مقبلة عليها سعرها ( 136000) اعلى فئة للاوتوماتيك
واخيرا
الشارك 1600 مش متأكدة من سعرها لكن سعرها على كونتاكت كارز (150000) لأول فئة اوتوماتيك
ومش عارفة انتم بتقصدوا ايه من موضوع ان عيبها عزلها ؟؟؟؟؟ لكن اللانسر عموما لا يختلف عليها اتنين واعتقد برضه برغم قلة انتشارها مقارنة بالبومة لن يلغى كونها يابانى واعتمادية ومعمرة واعادة بيع جيدة..

تعبت بقى ساعدونى فى الاختيار

[David Micheal]

الشارك عربية جميلة جدا طول عمرها بتعجبنى والحمد لله ان الموضوع ده فيه تقييم للشارك

عشان انا عاوزة اشترى عربية جديدة ومحتارة جدا شوية اقول الهوندا سيتى (يابانى وجميلة لكن اعادة البيع الناس بتشتكى منها) وشوية اقول الفلوانس (جذابة وواسعة واصلا كان نفسى اوى اوى فى العداد الديجيتال لكن الناس بتقول بلاش فرنساوى عشان اعادة البيع برده )وشوية اقول لأ الياريس الجديدة ( يابانى وآخر موديل واكيد هتكون موفرة فى البنزين عشان موتورها ال 1300) .. لكن فى الآخر بحاول ابعد عن تفكير البنات واعجابهم بالشكل فقط :o_stupid[1]:

المهم ... عاوزة افكر معاكم بصوت عالى وآخد رأيكم مثل صديقكم هنا ..

دلوقتى انا سواقتى عنيفة مثل الشباب (يمكن عشان اتعلمت على لادا :) فبمشى مش بيهمنى وخصوصا لما بكون متعصبة عصبيتى بتطلع فى السواقة (فبالتالى عاوزة عربية تستحملنى) وعقلى صغير مع اي حد بيغلس على فى السواقة مش بهدى غير لما بسبقه وطبعا لكم ان تتخيلوا كم الشتايم اللى بخدها من الناس طول ما انا ماشية ( مش عشان بسوق غلط لكن عشان بسوق بسرعة فى شوارع داخلية :) وساعات ببقى عاملة زي الميكروباص )

ثانيا عاوزة عربية عالية (كنت هشترى السانديرو الستيب واى) اللى منعنى بس انها مانيوال.. برغم ان ناس قالولى ان طالما انا بحب السواقة وبستمتع بيها وبسوق عدد ساعات طويلة يبقى المانيوال هو الافضل بالنسبة لى ..... لكن بصراحة برضه الشوارع بقت زحمة بدرجة متعبة تخلى اى حد محتاج للاوتوماتيك... كفاية يوم زى مظاهرات جامعة الازهر دى .. وصلت شغلى فى 3 ساعات...

ثالثا نفسى نفسى فى عربية لما ادخلها اكون منعزلة عن العالم يعنى لما اقفل الزجاج مسمعش غير نفسى بيتهيألى صعبة دة :)

رابعا .. كنت فكرت برضه فى الاوبل كورسا الجديدة .. عشان قولت لنفسى سواقتى دى عاوزة حاجة المانى عشان تستحملنى وفى نفس الوقت شبابية وصغيرة لكن الناس رجعت خوفتنى من اعادة البيع وغلو قطع الغيار.. وفى حد قالى متجيبيش عربية اوتوماتيك اقل من 1600 وانتم اكيد عارفين ان الكورسا 1400 بس . ( واصلا مش عارفة مدى صحة المعلومة)

خامسا استبعدت النيسان تيدا الجديدة نظرا لغلو سعرها (160000) كتير جدا على هاتش باك

سادسا كنت هتجنن على البيجو 208 لكن استبعدتها برضه عشان الشاشة قالوا لو باظت محدش هيعرف يصلحها :(((((

وانتقلت اختياراتى للهوندا سيتى والشارك و البيجو 301 و الياريس الجديدة السيدان...

اكثرهم اقرب لنفسى الياريس ثم الهوندا ثم الشارك ثم البيجو

الياريس 1300 ( ده هيخليها موفرة فى البنزين ) وفى نفس الوقت يابانى موديل 2014 لكن بخصوص ان الاوتوماتيك مش حلو فى موتور 1300 (مش عارفة مدى صحة المعلومة) !! وسعرها (14000) اول فئة اوتوماتيك
السيتى 1500 ( بحبها لكن المنتدى هنا بيقول انها تقريبا مش ماشية فى الشارع وبالتالى هنخسر فيها عند اعادة البيع واعتقد انها واطية كمان ) سعرها (150000) اول فئة اوتوماتيك
البيجو 1600 ( طبعا انا شايفة ان فى انحياز ليها جدا سواء فى المنتدى هنا او فى المعارض ) بس مش عارفة ليه نفسيا انا مش مقبلة عليها سعرها ( 136000) اعلى فئة للاوتوماتيك
واخيرا
الشارك 1600 مش متأكدة من سعرها لكن سعرها على كونتاكت كارز (150000) لأول فئة اوتوماتيك
ومش عارفة انتم بتقصدوا ايه من موضوع ان عيبها عزلها ؟؟؟؟؟ لكن اللانسر عموما لا يختلف عليها اتنين واعتقد برضه برغم قلة انتشارها مقارنة بالبومة لن يلغى كونها يابانى واعتمادية ومعمرة واعادة بيع جيدة..

تعبت بقى ساعدونى فى الاختيار

انتي ماقولتيش الميزانيه عايزاها في حدود كام ؟؟ علي العموم انا شايف انه الشارك طبعا تفوز و البيجو 301 الناس بتتهبل عليها و جامده برضوا و ماتنسيش انه البيجو عفي و يستحمل السواقه الجامده

[Rehab Ahmed]

عشان الميزانية لا وجود لها :) لا املك سوى 40000 وسوف اقسط الباقى .. فمش فارقة هقسط 100 او 110 مش هتفرق كتير..

لكن يعنى هى البيجو هتستحمل اكتر من اللانسر ؟؟؟ حضرتك شايف كده؟

[Ahmed_Mega]

الناس بتقول بيجو 301 ﻻن سعرها واطي بالنسبة لعوامل اﻻمان والكماليات اللي تقريبا كاملة وهتحتاجها ف اي عربية لكن لو هندخل ف مقارنة مع الشارك او السيتي او هوندا هيختلف الكﻻم ﻻن الشارك اثبت من البيجو واريح واشيك واوسع لكن لو الميزانية مش واصلة للشارك وقتها بنقول ان احسن اختيار هو البيجو ياريت يكون وصلك معلومة ليه الناس هنا متحيزين للبيجو ﻻنها عطيتك الامان مقابل سعر اقل وتحت شركة محترمة زي البيجو

[Ahmed_Mega]

ولو بتفكري ف البيع وعدم الخسارة انا كنت ببيع عربيتي الكريستالة كل الناس تعرف انها مانول تسيبها مع ان اصلا كل اﻻوتو فيها متركب متغير يعني دة غير ان المانول ف الحديث سعره اﻻرض ف اعادة البيع لكن لو اوتو هتتباع هوا واريحلك وممكن تدخلي على مواقع بيع السيارات المستعملة وتشوفي المشاهدات ف المانول وسعرها مقابل لﻻوتو عامل ازاي

[mohsen_anwar]

انا راكب ياريس في السعودية وعندي الشارك في مصر .. عاوزة تقفلي الازاز ومتسمعيش حاجة ييبقى الياريس .. موضوع الاتوماتيك مع 1300 متقلقيش منه انا معايا الياريس اوتو ماتيك وزي الفل .. الارتفاع عن الارض وتحمل مطبات يبقى الشارك .. الوسع الداخلي شارك .. قوة الموتور والعزم والسحب مع زحمة القاهرة مفيش فرق الاتنين زي الفل .. طبعا كدة محتارة .. انا لو مكانك هجيب الياريس سيدان 2014 شكلها هيفضل جديد فترة طويلة واعادة البيع هتمسك نفسها كتير .. بينما الشارك وارد ان يغيرو شكلها 2015 وهتبقى الحالية قديمة وتفقد من سعرها .. ابعدي عن الاوروبي .. عربيات عظيمة ولكن تكاليف التشغيل واعادة البيع زفت .. هو ده سوقنا .. هنعمل ايه بقى

[David Micheal]

عشان الميزانية لا وجود لها :) لا املك سوى 40000 وسوف اقسط الباقى .. فمش فارقة هقسط 100 او 110 مش هتفرق كتير..

لكن يعنى هى البيجو هتستحمل اكتر من اللانسر ؟؟؟ حضرتك شايف كده؟

lمش هاقولك اكتر من انه انا معايا بيجو 504 بتاعي والدي الله يرحمه كنت بحتفل بعيد ميلادها ال 40 من كااااااام يوم و ماشيه زي القطاررررررررررر

[madman2002]

انا اول عربياتى كانت عربيه والدى 504 اتعلمت عليها وفضلت اسوقها ييجى عشر سنين .. بعد كده اول ما اشتغلت جبت او لعربيه فى حياتى كانت 132 قلت وقتها بلاش 128 عشان طولى وعايز حاجه قويه قريبه من البيجو ... وبعدهم جبت لانسر مكواه ... اللانسر قوى وعتمادى ومش هيخونك .. بمعنى واحد زميل سواقته زى ما بتتكلمى كده كان معاه لانوس خد مطب كسر اكس الفرده اللى ورا وطارق رشقت فى قزاز العربيه اللى وراه ..

الخلاصه خليكى فى الشارك

تانى حاجه ... ونصيحه وعن تجربه .. الاقساط بتضيع جزء كبير من بهجه العربيه .. بتحسى انك ماشيه مديونه .. دور على ياريس استخدام نضيف هتبقى فى بدايه الستينات او مكواه