طلب تسعير لانسر شارك

[Ahmed_Mega]

انا معروض عليتا عربية لانسر شارك 2009 جنوط وشبورة واوتوماتك فابريكة بالكامل ماشية 95 الف كيلو والموتور مش عليه غطا كانت مع واحد من الزيرو وطالب فيها 85 الف هل كدة غالية ولا كويسة وقالي العفشة فيها حاجات ومساعدين وهو هيعملها وحاسس انه هيلصم هل قطع غيارها موجودة برة ولا لاء لاني مش من القاهرة من الشرقية وعاوز اعرف توافرها وهل غالية ولا لاء وشكرا جزيلا ارجو الرد ضروري لاني نفسي امتلك العربية دي ودي انضف حالة شفتها ومضمونة ورقها ودورت على بومة نضيفة عشان اعادة البيع وقطع الغيار والصنايعية اشتغلو فيها كله متهان حاسس ان البومة عربية راحت عليها ومبقاش فيها حاجات حلوة ارجو افادتي بجد

[Ahmed_Mega]

ونسيت كمان العربية مفيهاش abs والراجل اللي اتفرج ع العربية وهو مامون جدا قالي نضيفة وحلوة بس هتخسر لما ابيع

[Ahmed_Mega]

انا محتاج حد يرد عليا يا جماعة بجد انا مش عارف اعمل اية

[Ahmed_Mega]

هو مفيش اي حد هنا من ملاك الشارك ولا اية؟

[محمد معاطى]

لو بدون بويه فعلا اتوكل على الله مفيش حاجه بالسعر دا

[Ahmed_Mega]

هي كاملة فابريكة من الاول للاخر بس فيها خرابيش بسيطة جدا بتاعت العيال دي الفكرة ف ان ده موديل مش هاي لاين هل فعلا تستاهل السعر مع العداد ده واتوكل على الله وبالنسبة لقطع الغيار اية ظروفها واعادة البيع ومتشكر جدا جدا لرد حضرتك

[محمد معاطى]

يا اخى الحبيب العربيه دى لو هاى لاين مش قتقل عن 115 او 117 دى اقل حاجه ليها عندنا هنا فى المنصوره 90 الف قطع الغيار معقوله لو هتجيب اصلى كل محصل بعضه التيل الاصلى 550 والبومه 550 مثلا اعاده البيع بالسعر دا لازم تكسب فيها بس هتكون تقيله شويه عن البومه

[Ahmed_Mega]

ممكن الاقي قطع غيارها فين ف المنصورة والاسعار لو تعرف ومتشكر جدا وعلى فكرة هي اوتوماتك فول اوبشن من غير abs للاسف

[Ahmed_Mega]

واية هو مدى الخسارة من السعر الاصلي في حالة اعادة البيع

[tammmer]

لازم تكشف علي العربية كويس ولازم في التوكيل
العربية قطع غيارها غالية والعفشة خلي صاحبها يغيرها بقطع غيار اصلي ولازم تكون قدامك
واانت مقلتش العربية انهي فئة

[Ahmed_Mega]

اوتوماتيك فول اوبشن بس من غير abs غالبا الفئة التالتة فبريكة برة وجوا

[Ahmed_Mega]

منتظر الشاركاوية

[tarek_asem]

انا لو مكانك هشتريها .. ولو مش هتشتريها قوللي وانا اشتريها انا بدور على شارك ..

[Ahmed_Mega]

والله العربية اتباعت تاني يوم والحمدلله ماليش نصيب فيها ربنا يكرم للي خدها