تنتيشة وسحب ضعيف فى البومة 2008 اوتوماتيك

[amoor881999]

السلام عليكم
عربيتى لسه شاريها من شهرين ومن ساعة ما اشترتها فيها تنتيشة رخمة خصوصا وهى باردة الصبح
غيرتلها البوجيهات مرتين وفلتر الهواء وفلتر البنزين والميكانيكى كشف على اسلاك البوجيهات والموبينة وقال مفيهومش حاجة
هتجنن ومش عارف التنتيشة دى من ايه؟
اه نسيت اقول ان سحب العربية ضعيف جدا
يعنى الصبح وهى لسه باردة بتجيب 40 او 50 ك م فى الساعة
وحتى لما مؤشر الحرارة يوصل لقبل النص بتجيب 120 بالعافية
ياريت الافادة من الخبراء

[mafify]

رشاشات

[mem]

افصل كابل البطاريه ربع ساعه وبعد كده ركبه وجرب
لو متحلتش المشكله شوف حساس ال tps ونضفه او غيره ونضف البوابه

[mahmoud85]

متابع
الافضل الكشف بكمبيوتر

[amoor881999]

شاكر الاهتمام وسرعة الرد
بس أنا جربت افصل كابل البطارية كذا مرة ومجابش نتيجة
يعنى القصة دى بعيدة عن طلمبة البنزين؟
وياريت لو حد يعرف أسعار الرشاشات وطلمبة البنزين يقولى لانى هروح لخالد بتاع المتخصصون اخر الاسبوع وكنت عاوز اعرف اسعار الحاجات دى جديدة واستيراد عشان لو هيتغير حاجة فيهم
وان شاء الله هقولكم النتايج
وشكرا مرة تانية لسرعة الاستجابة

[mahmoud85]

اعتقد الرشاشات تعملها 2000
بس لو طلمبه البنزين اعتقد هتكون التنتيشه هتفضل مستمره طول الوقت
اسمع الكلام واعمل كشف كمبيوتر الاول
وحاول تشوف حد يقيس ضغط طلمبه البنزين قبل ما يغيرها

[amoor881999]

بسم الله ما شاء الله 2000 دى فى التوكيل جديدة ولا استيراد؟
وعلى فكرة أنا حطيتها على جهاز اول ما جبتها والفنى قاللى مفيهاش حاجة

[amoor881999]

الحمد لله سألت واحد بتاع استيراد فى مدينة نصر
طلمبة البنزين 350ج - عند خالد بتاع المتخصصون لما سألته فى التليفون قالى 400ج بس مش عارف بالتركيب ولا بدون
مسطرة الرشاشات 400ج
يبقى أكيد موضوع الـ 2000ج دى جديدة من التوكيل
إن شاء الله منتظر أقرب وقت فاضى عندى اخر الاسبوع وهروح لخالد عشان أنا مش حاسس لحد دلوقتى إنى بسوق عربية يابانى
من غير سحب حاسس إنى بسوق عربية 128

[amoor881999]

متابع ...

[mahmoud85]

يعني طقم الرشاشات المستعمل ب 400 جنيه ؟ده انا اجيب اتنين بقا

[amoor881999]

يعني طقم الرشاشات المستعمل ب 400 جنيه ؟ده انا اجيب اتنين بقا

فعلا انا لما سألت على الرشاشات الولد اللى فى المحل قاللى المسطرة بالكامل بـ 400ج

[MAAAG]

معلش يا باشا بعد اذنك أنا كنت عاوز أعرف آخر المشكلة كانت طلعت ايه ؟؟؟

[waelsafty]

متابع