عطل القفل لشنطة البومة ده عيب عام ولا ايه

[dadoonly]

جايب بومة مستعملة 2004 فيه مشكلة في فتح الشنطة بالمفتاح ( القفل فيه مشكلة)
بكلم صاحبي معاه بومة 2007 جايبها جديدة عنده نفس المشكلة وقالي لو عرفت حد كويس يصلحهالك ابقى قولي
وبالمناسبة حد يعرف اذ1ا كان ممكن نفتح الشنطة بالريموت وازاي لان الكهربائي قالي مش هتبقى زي الفبريكة وممكن تعمل مشكلة

[kador]

انا برضه اشتريت العربية موديل 2006 مستعملة وكانت مبتفتحش بالمفتاح و حطيت زيت بتاع الموتور و wd40 كذا مرة وخلصت علبة كاملة ومرة وحدة اشتغل الحمد لله

[dadoonly]

ههههههه مبرووووك
اشكل العربيات المستعملة بحالات !!!!!!!!!!طيب
انا مفرض دلوقتي اعمل ايه ::: احط زيت في فتحة الشنطة ولا المفتاح ولا اوديها لواحد بتاع اقفال ولا ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ماذا تفعل لو كنت مكاني

[amz2011]

انا عربيتى 2007 من الزيرو و برده فىها نفس العيب و كل شويه احط شحم و زيت على الكالون و القلب اللى بيدخل فىه المفتاح من جوه عن طريق فتح الشنطة و يشتغل شويه و يفصل شويه

[dadoonly]

طيب عايزين نشوف حل ولو حد ركب سنتر للشنطة بحيث تفتح بالريموت يا ريت يشاركنا التجربة
وله الاجر والثواب عند ربنا ان شاء الله

[Ralliart]

لسة رايح امبارح عند واحد بتاع مفاتيح في بولاق الدكرور فك الكالون وفك السنون اللي فيه ونضفهم واحدة واحدة وشحمهم وظبطلي السلك اللي بيفتح علشان كان بيعلق
وقالي ان دا عيب شائع في البومة مع انه أول مره يحصل معايا بعد 8 سنين من الاستخدام

خلي بالك الشحم على التراب مش هيعمل حاجة لازم يتنضف الأول

[mohamedxsayed]

وانا كمان بطلت تفتح بالمفتاح
واضح انه مرض فى البومه

[m.elsherif]

انا كمان لما اشتريت العربيه لقيتها كده وديتها لواحد بتاع مفاتيح و كوالين و فك القلب و نضفه و اشتغل تانى و قالى ان ده عيب فى الانسر عموما و حله انى معتمدش عالفتح من جوه بس ابقي استخدم المفتاح كل شويه

[ehabahmedie]

السلام عليكم

لما جبت العربية بتاعتي مستعملة (موديل 2007) كان فيها العيب ده، جبت اسبراي wd40 وفتحت الشطنة ولقيت ان القفل بيبقى ظاهر من جوه يعني القلب مفتوح وباين من جوه الصاج، رشيت على الأجزاء الظهرة مع لف القفل بالمفتاح كإنك بتفتح الشنطة كام مرة لحد ملقيت القفل بقى كويس

وجربتها في شنطة كمان لبومة واحد صاحبي والحمد لله كويسة

المهم انك ترش الاسبراي وتحط المفتاح وتلفه كام مرة لحد ماتلاقي القفل بقى سهل، وخلي معاه قماشة عشان تمسح الزيت الزيادة عن البوية أول بأول، وكمان امسح المفتاح عشان هيكون عليه زيت ويبقع جيوبك

[dadoonly]

ehabahmedie الف شكر يا باشا لمشاركتك القيمة
انا قابلتني مشكلة :::
المفتاح بيدخل ويخبط في حاجه ومابيلفش )(قافش)
عالعموم هاجيب السبراي واجرب مش هنخسر حاجه -----------مليون شكر لكل اللي شاركونا

[m.elsherif]

ehabahmedie الف شكر يا باشا لمشاركتك القيمة
انا قابلتني مشكلة :::
المفتاح بيدخل ويخبط في حاجه ومابيلفش )(قافش)
عالعموم هاجيب السبراي واجرب مش هنخسر حاجه -----------مليون شكر لكل اللي شاركونا

نصيحة لو قررت تعمله بنفسك و نن غير ما تفك القلب يبقى اعمله بمفتاح اسبير عادى من ابو عشرة جنيه عشان لاقدر الله لو اتقطم جوة ماتبقاش خسرت مفتاح الفابريكة و خصوصا لو كان بريموت

[dadoonly]

نصيحة لو قررت تعمله بنفسك و نن غير ما تفك القلب يبقى اعمله بمفتاح اسبير عادى من ابو عشرة جنيه عشان لاقدر الله لو اتقطم جوة ماتبقاش خسرت مفتاح الفابريكة و خصوصا لو كان بريموت

علم وينفذ :)) m.elsherif وشكرا على سرعة الرد
ويارب ما نعدم النصايح المهمة دي

[seven777]

وانا اللى كنت فاكر المشكلة دى عندى انا بس :]
انا معايا بومة 2008 و المفتاح مش بيفتح الشنطة من 3 سنين كدة بتفتح من جوة بس

[ehabahmedie]

وانا اللى كنت فاكر المشكلة دى عندى انا بس :]
انا معايا بومة 2008 و المفتاح مش بيفتح الشنطة من 3 سنين كدة بتفتح من جوة بس

طيب جرب وادعيلنا وقوللنا ايه الأخبار

[dadoonly]

انا جربت wd40 على القفل وجوه القفل ولكن بلا فائدة
واحد قالي اكمن المفتاح اللي معاك مش اصلي ( لاني شاؤيها مستعملة )
هو مفتاحه الانسر 2004 الاصلي بيتباع بكام وفين؟؟؟
ان شاء الله اول ما ركب سنتر للشنطة هاكتب التفاصيل ان شاء الله