أجمل عربية متسوبيشي شوفتها في حياتي

[abogoda]

مع اني من ملاك البومة الا اني لما شوفت العربيه دي قلبي كان هيطير ما كنتش مصدق ان في عربية بالجمال ده والاغرب ان الموديل ده مابينزلش مصر بينزل دول الخليج بس بس خطوطها وانسيابيتها ومتانتها خلوني نفسي اشتريها بس اتعقدت لما عرفت ان كل المنها في مصر يتعدو عالايد حد عنده تفاصيل اكتر عن متسوبيشي جالانت دي ملك واحد صحبي بيحكيلي عن ثباتها وعن قوتها وومتانتها حاجة خرافة بيمشي بيها أكتر من 200 كم/ ساعة ولا أي اندهاش




jpg images

أتمني فعلاً اني أمتلك وحده زيها

[مهند-النجار]

شوفت منها قبل كدة بس موديلادت قدينة

فعلا عربية جميلة جدا

[kar!m]

موجودة عند واحد زميل من زمان من الزيرو .. بس شامبين .. مش عارف باعها ولا لأ .. بقالي فترة مشفتهاش.
طول عمر موديلات الجالنت جميلة و مميزة و تقريبا الشكل ده كان واخد جايزة أحسن عربية في العالم أيامها في فئتها .. كان عندي مجلات مكتوب فيها الجوايز بتاعتها زمان.

[saddam]

صديقي المواطن
لو تدور وتصبر وتتعب شوية حتلاقي أكثر من 200 وحده في مصر مش قد صوابع اليد ولا حاجة العربية قليلة بس موجودة وممكن تروح لبتاع قطع غيار إستيراد وتسأله مين من زباينك معاه واحده وقول له ليك 1000 جنيه وهاتلي وحده وهو حيقنع صاحب العربية يبيعهالك بكل سهولة والعربية سريعة جدا ولا علاقة لها بالمدعوة لانسر وليها أخت كمان ستيشن واقفة في أول شارع الدقي صاروخ 3000 سي سي كان معابه واحده بره إستيشن 97
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[horas3000]

يا راجل يا طيب
انا كنت داخل و في دماغي حاجه تانيه خالص

الجالانت عربيه كويسه طبعا
و الشكل ده كان اخر شكل ياباني منها قبل ما تتحول و تبقي امريكي
و للاسف برضه علي قد ما الموديل ده عمل مبيعات حلوه علي قد ما عمل سمعه وحشه للجالانت لان كان في مشاكل بتحصل في الفتيس بتاعها
و ده مخلي المستعمل منها برخص التراب

اما اجمل عربيه من ميتسوبيشي من وجهة نظري
هي و بلا منازع ال 3000 GT

[abogoda]

هي مسألة أذواق ولولا اختلاف الاذواق لبارت السلع الجالانت في منها 3000 برضه


ونسيب الحكم لشباب في الموقع

[أبو إياد]

موجوده موديلات 98 ل2000 واسعارها بتتراوح من 70 الى 80 الف

[hamisa08]

فى واحد فى الحرفيين فى شارع المرسيدس

هتلاقى على اخر الشارع على شمال وانتة داخل الحرفيين عنده العربية دى نصين

او مش فاكر نص واحد قدام

بس راى شخصى بلاش موديلات قديمة وبلاش العربيات النادرة حتى لو اثبتت كفاءة ,,, وذلك لصعوبه توافر قطع الغيار وجهل الصنايعية بيها ,, هتكون انتة التجربة ,,

[Hunting_Eagle]

هي ممكن شكلها يكون كويس بس هي كعربية عادية جدا و اقل من العادية كمان كل اللي فيها موتور كبير حبتين

وخلي بالك موديل قديم يعني تكنولوجي قديم و مشاكل كتير

و لو هي زي ما احد الأعضاء بيقول موديل 98 ل 2000 ب 70 او 80 الف يبقى مالهاش لازمة

بالتوفيق

[S O P H O S]

ما شاء الله حلوة

[HOSSAM99]

من أجمل ما أنتجت ميتسوبيشي حتي الآن
لو هاتشتري لازم تكون بحالتها و مفيش صنايعي مصري فتي و أخترع في العربيه
و العربيه دي مبيقدرهاش إلا محبي العربيات المميزه
العربيه طبعا أداءها ممتاز ثبات و سحب

يا راجل يا طيب
انا كنت داخل و في دماغي حاجه تانيه خالص

الجالانت عربيه كويسه طبعا
و الشكل ده كان اخر شكل ياباني منها قبل ما تتحول و تبقي امريكي
و للاسف برضه علي قد ما الموديل ده عمل مبيعات حلوه علي قد ما عمل سمعه وحشه للجالانت لان كان في مشاكل بتحصل في الفتيس بتاعها
و ده مخلي المستعمل منها برخص التراب

اما اجمل عربيه من ميتسوبيشي من وجهة نظري
هي و بلا منازع ال 3000 gt

العربية دي كانت بتركن في شارع مدرستي الثانوي سوداء من حوالي 10 سنين و فضلت متواجده حوالي 4 سنين مبتتحركش و كل يوم و أنا رايح و راجع من المدرسة كنت لازم أعدي عليها (مع إنه طريق معاك لطريقي )و أبص في تابلوها و كان هاين علي أكلمها و أختفت بعدها

[J A G U A R]

فى واحده فى اسكندريه فى السيوف

[atala]

هي ممكن شكلها يكون كويس بس هي كعربية عادية جدا و اقل من العادية كمان كل اللي فيها موتور كبير حبتين

وخلي بالك موديل قديم يعني تكنولوجي قديم و مشاكل كتير

و لو هي زي ما احد الأعضاء بيقول موديل 98 ل 2000 ب 70 او 80 الف يبقى مالهاش لازمة

بالتوفيق

علي فكرة هي اكبر حجما من الانسر وهي تعادل الكامري في التيوتا والسوناتا في الهيونداي فطبيعي جدا ان موتورها يكون كبير بس بصراحة انا كنت بشوفا في الخليج كتير وكانت عجباني جدا

[horas3000]

العربية دي كانت بتركن في شارع مدرستي الثانوي سوداء من حوالي 10 سنين و فضلت متواجده حوالي 4 سنين مبتتحركش و كل يوم و أنا رايح و راجع من المدرسة كنت لازم أعدي عليها (مع إنه طريق معاك لطريقي )و أبص في تابلوها و كان هاين علي أكلمها و أختفت بعدها

ال 3000gt اول مره شفتها كانت سنه 94 تقريبا
و اول ما شفتها افتكرتها فيراري و جريت عليها و اذ بي افاجئ بلوجو ميتسوبيشي عليها
و رجعت كان عندي مجله عربيات فيها كل موديلات 94 و دورت عليها و عرفت اسمها و مواصفاتها
و كنا بنشتري جالانت 96 و لما رحت التوكيل مع اهلي و شفتها و ركبتها اتوهمت بيها اكتر ما انا موهوم و كان حلمي وقتها اركب واحده و فضل اعجابي يزيد بيها لحد ما انتاجها اتوقف و مكانش ليا نصيب اركبها او اسوقها

[m_kamal]

انا مش مصدق نفسى ... الناس مبهورة بالجالانت موديل 2000 ... لك الله يا مصر

أنا آسف والله يا جماعة و بعتذر لصاحب الموضوع ... مش قصدى اى اساءة و لا احباط لحضراتكم .. بس انا برده ماتخيلتش خالص ان عنوان الموضوع يكون على العربية دى .. اللى قربت تختفى من الخليج ... و عاوز اقول لحضراتكم ان سعرها هنا فى الكويت لا يتعدى 10000 او 12000 جنيه .

ربنا يتوب علينا من الجمارك اللى مقفلاها علينا من كل ناحية