سؤال

[amro0000]

انا هغير بكرة او بعدة سير الباور والدينامو اية رأيكو لازم الاصلي ولا فية ماركة كويسة وتكون ارخص من الاصلي انا سامع ان فية سير واحد منهم يعمل حوالي 250 وواحد 125 يعني انا شايف انه غالي شوية وانا سمعت عن سيور كدة الماني نزلت وبيقولو كويسة كان عليها اعلان من فترة مش فاكر فين تقريبا اسمها بوش لو ماخانيش التعبير وياريت الي يعرف فلتر بنزين ماركة كويسة يقول لانه حرام اشتري الحجات دي اصلي بس انا شاري سير الكاتينه والطقم الكاتينه اصلي ولا اية رأيكو ؟؟؟؟؟

[Silent~Dream]

بصراحه بفضل الاصلى فى اى قطعه فى العربيه لان كل قطعه بتكمل عمل التانيه و مهمه للعربيه

[saddam]

صديقي المواطن
مش عايزين حد يضحك عليك أحسن سيور في السوق هي الكورية تليها التايلندية مش عشان حاجة ولكن عشان إنها داخلة إنتاج حديث أول بأول وسعر السير يبدأ من 15 جنيه التايلندي وأخوه الكوري يكون نفس الحجم ب 20 جنيه وأغلى سير في التاريخ للملاكي بيوصل 40 إنت تعمل إيه تخلي الميكانيكي يحل السيور وتاخدها وتروح مملكة السيور في التوفيقية في الوصلة الصغيرة بين شارع زكي والتوفيقية وتديه السيور ويطلعلك عليها إثنين ونصيحة خد طقم إحتياط كمان حطه في شنطة العربية في صندوق العدة للزمن دول نفس محلات قطع الغيار اللي بيضحكوا عليا وعليك ويدونا السير أبو 40 جنيه ب 190 جنيه ويحلفلك خسران بيه بشوفهم واقفين بالدور يشتروا جملة فأرجوك متحطش نفسك تحت رحمة الفشلة من أصحاب محلات قطع الغيار وسيبك من موضوع فلتر بنزين أصلي ده فلتر وحيقوم بالواجب هات حاجة وسط وحتأدي غرضها إنت مش جاي تركب ماستر فرامل ده فلتر يا مواطن
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[madman2002]

عاش الزعيم القائد .. كلامه ميه ميه

[salah_86]

خليك فى الأصلى

[amro0000]

للعلم انا اتصلت بيهم في دايموند ادالي رقم اسمة المركز السعودي سألته بكام قالي سير الباور ب 210 وسير الدينامو ب 130 طبعا قبل الضريبة وقالي فلتر البنزين ب 550 وتيل الفرامل ب 500 جنية يعني دا الي قدرت اعرفة وقولت اقولكم علي الاسعار

[salah_86]

عمرو بيك واحشنى جدا
باشا خليك فى اى حاجة ليها علاقة بالماتور اصلا
مجموعة السيور المقصود بيها ككل طقم الكاتينة اصلى
فلتر زيت اصلى
بوجيهات اصلى
مياة ريداتير اصلى

فلتر هوا يستحسن طبعا الاصلى بس انا بجيب التايلاندى وبغيرة كل 10 الاف
فلتر البنزين برضة بجيب التايلاندى ب 150 جند وبغيرة كل 10 او 15 الف كم

[amro0000]

صلاح باشا ازيك عامل اية والله وانتة كمان واحشني يا باشا شوف انا دائما باخد بنصايحك وخلاص هجيب الاصلي وامري لله انا بيني وبينك قولت حرام اجيب اصلي لاني دماغي طاقة ممكن ابيع في اي وقت بس بصراحة واضح ان مفيش عربيات نضيفة في السوق خليني في الي معايا بقا واجبلها حاجتها الاصلي احسن واهي اعدة

[salah_86]

انت مين بيلعب فى دماغك كل شوية انك تبيع العربية ياحبى لما تبيع يا تركب شارك يا تعلى للهوندا سيفك انما تبيع بومة تشترى بومة انت كدا بتهرج طالما عربيتك مريحاك انما لو مزعلاك دا كلام تانى

[salah_86]

وخد بالك الزيرو اسعاره نار شوف اليارس ال 1300 الجديدة بكام والاورس ولا الكورولا

[ehab1eg]

يا باشا ممكن تتابع تجربتي في نفس الموضوع الاسبوع الماضي علي اللينك ده :

http://www.nilemotors.net/Nile/391158-a.html#post3875305613