افضل لون فى اللانسر الشارك ؟؟

[flavio_egypt]

الالوان الموجودة
فضى -- رصاصى (رمادى)-- --أحمر --- بيج فاتح(دهبى)

رايكم فى اجمل لون من الالوان الاربعة فى اللانسر الشارك واللى ميبنش عليه البهدلة بسرعة ؟؟؟؟

[jojojojo]

الفيراني كويس جدا وشيك

[Ahmedhussein007]

الدهبى جميل اوووى او السيلفر اكتر لونين مش بيبان عليهم البهدله سواء وسخ او خدوش انا معايا كحلى مزهقنى

[flavio_egypt]

الفيراني كويس جدا وشيك

بصراحة انا محتار جدا بينه وبين الفضى والدهبى

[flavio_egypt]

الدهبى جميل اوووى او السيلفر اكتر لونين مش بيبان عليهم البهدله سواء وسخ او خدوش انا معايا كحلى مزهقنى

بصراحة انا استبعدت الاحمر لانه ملفت اوى للنظر وانا مش بحب كده
بس محتار ما بين الفضى والدهبى والفيرانى :

[Mohamedgam]

ابعد عن العربيه دي
نصيحه لوجه الله
انا جبتها وندمت

[spidars]

ابعد عن العربيه دي
نصيحه لوجه الله
انا جبتها وندمت

ندمت ليه ماله العربيه دي ممكن تقولنا مالها

[seven777]

لو عايز حاجة ميبنش عليها البهدلة يبقى خليك فى السلفر
بس انا شايف النبيتى حلو و إن شاء الله احجزها و اختار النبيتى

[Mohamedgam]

العزل سيئ جدا جدا جدا
تحس انك راكب تريللا مش عربيه ابدا
العربيه مش ناعمه نهائي
نهائي

[flavio_egypt]

العزل سيئ جدا جدا جدا
تحس انك راكب تريللا مش عربيه ابدا
العربيه مش ناعمه نهائي
نهائي

طيب ناعمه بمعنى العافشة ناشفة زى السيراتو الشكل القديم ولا ايه ؟؟؟ ارجوك وضح شوية
وجزاك الله خيرا

[ninjaahmed]

هي الشارك 2014 نزلت بكل الفئات ؟؟ أصل سألت من شهر كده قاللي فئة واحدة بس اللي هي أول فئة أوتوماتيك و لسه 2014 هتنزل نص شهر 12

[Dr . Mohamed]

فى اعلان انهارده فى الأهرام عن اللانسر الجديدة ex تبدأ من 136 ألف اوتوماتيك

لكن هل صوتها فى العزل أسوء من البومة ؟

[Ahmed TRAVCO]

بص يا باشا يا ريت تجرب العربية بنفسك علشان تتأكد انها عربية فوق الممتازة والكلام اللي اتقال في مشاركة هنا كلام غير حقيقي -مع الاحترام الكامل... العزل مش سيء جدا جدا جدا زي ما الأستاذ قال... الا لو كان راكب مرسيدس مثلا فساعتها هقولك اوكي الفرق كبير في العزل... وفي الحالة دي مش الشارك بس اللي هتبقى سيئة ده تقريبا كل فئتها... العربية موتورها صوته رياضي (مش مزعج) وصوت الكاوتش الدنلوب هو اللي عالي فعلا على الاسفلت الخشن... عموما انا عزلها مش عاجبني برضه بالنسبة لأنها عربية بالمستوى المبهر ده... بس برضه مش لدرجة انه سيء جدا جدا جدا ومخليها تريلا!!!! الرجاء عدم المبالغة لأني لما اجرت كارينز 2011 هايلاين انزل بيها من مرسى علم للقاهرة مكنتش مصدق ان الازاز مقفول من شدة سوء العزل... والعربية الوحيدة في الياباني كله اللي عزلها كان افضل هي الكورولا... ومحدش يقولي السيفيك لأنها بعد الـ120 بتسمع صوت هوا برضه مش عارف من فين -خصوصا لو قاعد ورا... والفلوانس شرحه (انا سقت الـ2011)... والحاجة الوحيدة في الكوري اللي حسيتها فارقة في العزل هي السيراتو فقط لا غير... الكروز والالنترا تحديدا عزلهم افضل نسبيا من الشارك بس مش الفرق اللي هوه...

مش عايز اتكلم اكتر من كده في النقطة دي لأن العربية معايا من شهر فبراير والحمد لله جبارة في كل شيء ومكنتش هخسر حاجة لو قلت ان عزلها سيء جدا جدا جدا... لأ احنا نقول انه متوسط أو اقل من المستوى المطلوب في عربية زي دي مش اكتر...

بالنسبة للون انا معايا الفيراني وشكله بسم الله ما شاء الله تحسه بيتحول!!! في الشمس تحس العربية رصاصي مايل للسماوي شوية... ولما الشمس بتبدأ تغيب تلاقيها زي ما تكون مدية على بترولي!!! لون تحفة بصراحة هو والأبيض -لو موجود...

[xname2004]

طيب حضرتك بالنسبه للعزل حضرتك بتقول انها زى الفلوانس و أقل من التويوتا ؟؟
لأن انا محتار بيت فلوانس و شارك و تويوتا 2013

بالنسبه للعفشه مع المطبات بتحس بهبده ف المطبات علشان هى عفشه رياضيه انا معايا bmw و مش عاجبنى العفشه الرياضية اللى بتخليك تحس بالنقر و المطبات عاوز عربيه ناعمه و هى انعم و لا الفلوانس و التويوتا ﻷن انا بسافر على الرزراعى كتير و عاوز عربيه ناعمه و مش فارق معايا الثبات قوى ﻷنى مش بعدى سرعه 120 كيلو

اللى مع حضرتك ماتور 1500 و لا 1600 ؟؟
و بالله عليك حضرتك تقولنا ايه اهم مميزاتها و ايه اهم العيوب

[shano 500]

النبيتى والابيض من احسن الالوان فى الشارك