لانسر بومه تاكيهات ولا كستبنات ؟

[mahmoud85]

السلام عليكم ورحمه الله

الموضوع ده ياجماعه محيرني جدا جدا جدا جدا ومش معقول مافيش حد معاه بومه مايعرفهش عنه حاجه قبل كده سواء عمله او شافه او سمع عنه خبر اكيد.
في ناس بتقول ان البومه ليها كستبانات ودي بلوف زيت بتحتاج تتغير مالهاش ظبط وناس تانيه منهم ميكانيكي كنت بعمل عنده شغل قالي ان ليها تاكيهاات وبتتظبط علي 100.000 كيلو .
انا بصراحه خدت كلام الميكانيكي باستخفاف شديد لاني متاكد انهم بصمجيه وكلامهم مش اكيد عندي غير لما اشوفه او حد بيفهم ياكده.
ياريت حد بقا يقولنا تجربته او معلوماته عن الموضوع ده.

[م أحمد]

" انا بصراحه خدت كلام الميكانيكي باستخفاف شديد لاني متاكد انهم بصمجيه وكلامهم مش اكيد عندي " !!!

[madman2002]

انا سألت مره هنا وقالولى تاكيهات حراريه يعنى مبتحتجش ظبط هيه بتظبط نفسها على حسب الجو .. بس مش عارف ده صح ولا غلط

[mahmoud85]

" انا بصراحه خدت كلام الميكانيكي باستخفاف شديد لاني متاكد انهم بصمجيه وكلامهم مش اكيد عندي " !!!

جربت الصنايعيه في كذا موضوع منهم زيت الفتيس وتنظيف فلتر البنزين وزيت الفرامل لقيت كل واحد بيفتي علي مزاجه ... مع العلم في هنا نقاشات في المواضيع دي علي اساس علمي وفي الاخر اخدت الراي اللي هنا في المواضيع ونفذته وكان تمام ... مع العلم ان كل الصنايعيه (الشاطرين فعلا ) كانو بينفو كل الكلام اللي هنا وخصوصا في الزيوت وانوعها

[best_wack]

تاكهات عادى يا معلم وبتظبط كل فترة مش بلوف خالص والميكانيكى كلامو صح

[mahmoud85]

تاكهات عادى يا معلم وبتظبط كل فترة مش بلوف خالص والميكانيكى كلامو صح

معني كده انك عملتها ؟

[m.elsherif]

تاكيهات يا بيه و بتتظبط عادى فى خمس دقايق ، بيفك وش الموتور اللى فيه غطا الزيت و بيظبطها ببتاع كدة زى المطوة بيبقى ليه كذا مقاس و يربط التاكيه

[mahmoud85]

تاكيهات يا بيه و بتتظبط عادى فى خمس دقايق ، بيفك وش الموتور اللى فيه غطا الزيت و بيظبطها ببتاع كدة زى المطوة بيبقى ليه كذا مقاس و يربط التاكيه

اسمه فيلر وبيتظبط بيه البوجيهات كمان

[m.elsherif]

اسمه فيلر وبيتظبط بيه البوجيهات كمان

نشكركم عالافاده بس ايه ظبط البوجيهات ده؟

[madman2002]

طب حد جرب يظبطها قبل كده يا جماعه .. انا لما سألت هنا قبل كده قالولى ملهاش ظبط .. ومهياش محطوطه فى جدول الصيانات !!!

[mahmoud85]

نشكركم عالافاده بس ايه ظبط البوجيهات ده؟

البوجيهات الشمعه الواحده بيكون ليها فتحه معينه بتتظبط عليها غالبا بتوكن 0.9 او 1.1 مم
علي حسب العربيه بس في اللانسر طبقا للكتالوج المفروض تكون 1.1 هحاول اجيبلك موضوع كان مكتوب في الحكايه دي