ارجو النصيحة(عضو جديد فى عائلة الكريستالة98)

[moh_f2007]

لو سمحت انا لسه مشترى كريستالة 98 جديد من كام يوم واكتشفت انها واطية جدا وطبعا بتاخد اى مطب (مطبات مصر معروفة) كنت عايز اعرف ازاى اعليها بس من غير ما العب فى العربية ولو الموضوع هيبقى جنوط وكاوتش ايه هو مقاس الجنط والكاوتش اللى بتنزل بيهم (الفابريكة) وممكن اعلى لحد كام.
وكنت عايز اعرف لما بتحك فى المطب من تحت بتحك فى الشاسيه ولا الشكمان بس وهل الشكمان سوستة زى ما بيتقال وايه فايدة السوستة اذا كان بيحك برضه فى المطبات.
ولو فى حد عنده نصيحة فى طريقة استعمال العربية بما انى لسه جديد اكون شاكر جدا.

[MITSUKERO]

ركب جلب حديد 3 او 4 سم تحت طبق المساعدين الخلفي كلنا عاملين كده

[moh_f2007]

ركب جلب حديد 3 او 4 سم تحت طبق المساعدين الخلفي كلنا عاملين كده

شكرا لسرعة الرد
طيب والطريقة دي ما بتأثرش علي حاجة في العربية والكلام دة بعد تغيير الجنوط ولا مع الجنوط الحديد
والجلب الحديد احسن ولا الكاوتش وهل اعلي من الخلف بس؟

[MITSUKERO]

في ناس عاملاها مع الجنوط الحديد و ناس عملاها مع الاسبور مش هتفرق

و الجلبة الحديد بتبقي تحت طبق المساعد فبترفع الطبق و مينفعشي تبقي كاوتش

لو عايز جلبة كاوتش يبقي تحا السوسته و هتتقطع مع الوقت

في حاجة اسمها مشوار المساعد لازم تطولة

ازاي ؟

هتقول للعفشجي طول مشوار المساعد بانه يطول العمود بتاع المساعد باي طريقة تريحة

ليه ؟

علشان لما بترفع الطبق لفوق , السوسته بتفتح المساعد للأخر فبيفضل فاتح اغلب الوقت فبيخبط داخليا فبيبوظ اسرع فبنحل المشكلة بتطويل مشوار المساعد

والله اعلي و اعلم

[moh_f2007]

شكرا جزيلا
بس كنت عايز اعرف فى حاجة زى صدادة للاكصدام علشان الخبطات الخفيفة او اللى من الزوايا ما تكسروش ولا اكصدام اللانسر قوى بيستحمل

[husseinsalah]

شكرا جزيلا
بس كنت عايز اعرف فى حاجة زى صدادة للاكصدام علشان الخبطات الخفيفة او اللى من الزوايا ما تكسروش ولا اكصدام اللانسر قوى بيستحمل

عزيزى الوارد الجديد ... مافيش اى حاجة تمنع غباوة سواقين مصر ..... يؤسفنى انى اقولك انسى انك تحافظ على العربية طالما انك لا تستخدم الطريق وحدك .... حيث تأتيك الخبطة من كل مكان من حيث لا تدرى
اخوك فضل حرييييص جدا والمحصلة فى خلال سنتين كالاتى:
-خبطة فى الرفرف الامامى وفى الاكصدام ووقوعة على الارض ....... وهى واقفة
- خبطة فى الجانب الاخر للاكصدام الامامة وكسر فانوس الاشارة ....... وهى واقفة
- خبطة فى داير العجل الخلفى ...... وهى واقفة
-خبطة فى الرفر الاخر ... سواق تروسكل
- خبطة فى فانوس اشارة ونا راكن
- اخيرا ...خبطة من الخلف بغبواة من سواق ميكروباص ..... معلش يابية ... الفرامل سابت
ملحوظة (الخبطات وهى واقفة امام البيت فى مدينة سكنية اقل عرض للشارع 15 متر )

[moh_f2007]

عزيزى الوارد الجديد ... مافيش اى حاجة تمنع غباوة سواقين مصر ..... يؤسفنى انى اقولك انسى انك تحافظ على العربية طالما انك لا تستخدم الطريق وحدك .... حيث تأتيك الخبطة من كل مكان من حيث لا تدرى
اخوك فضل حرييييص جدا والمحصلة فى خلال سنتين كالاتى:
-خبطة فى الرفرف الامامى وفى الاكصدام ووقوعة على الارض ....... وهى واقفة
- خبطة فى الجانب الاخر للاكصدام الامامة وكسر فانوس الاشارة ....... وهى واقفة
- خبطة فى داير العجل الخلفى ...... وهى واقفة
-خبطة فى الرفر الاخر ... سواق تروسكل
- خبطة فى فانوس اشارة ونا راكن
- اخيرا ...خبطة من الخلف بغبواة من سواق ميكروباص ..... معلش يابية ... الفرامل سابت
ملحوظة (الخبطات وهى واقفة امام البيت فى مدينة سكنية اقل عرض للشارع 15 متر )

الله يطمنك انا عارف طبعا ان مفيش حاجة مضمونة وكل واحد ونصيبه
بس سبب السؤال ان انا كان معايا هيونداى اكسيل وكان الاكصدام معقدنى اى تريحة عليه وخصوصا لو من الجنب تبص تلاقيه اتكسر وخصوصا لو انت لسه عامله وراشه ومظبطه لكن طبعا لا يغنى حذر من قدر

[moh_f2007]

مؤشر البنزين لما تبطل الموتور بينزل للاخر.ولا انا عندي مشكله ازاي احددها

[moh_f2007]

المؤشر عندى مش بينزل للاخر