إعـــــــلان

Collapse

.

,
See more
See less

استشارة من مغترب و مش عارف اسأل مين برجاء المساعدة

Collapse
X
 
  • Filter
  • الوقت
  • Show
Clear All
new posts

  • استشارة من مغترب و مش عارف اسأل مين برجاء المساعدة

    السلام عليكم يا جماعة . معلش انا عندي شوية استفسارات وبما اني بشتغل في الامارات كل الصنايعية هنا هنود ومش عارف اسأل مين فيريت تجوبوني وتساعدوني يا ولاد بلدي .
    انا اول مرة اشتري عربية اشتريت لانسر 2009 1300 سي سي
    المهم انا مبفهمش في العربيات خالص ولا في صياتنها العربية لما باجي افرمل بيبقا في صفارة فيها ياتري المشكلة ديه ايه . كمان عايز اسأل ايه الي المفروض اغيرهولها زي الزيت والرداتير وكدة . بشكل عام عايز اعرف ايه الي المفروض اعمله لما اشتري عربية مستعملة عشان لو في اي مشاكل اتجنبها ان شالله
    شاكر ليكم جدا ومستني مساعدتكم ان شالله ده اول مشاركة ليا معاكو متكسفونيش بالله عليكم

  • #2
    أولا الصفاره بتاعة الفرمله دي بتكون لسببين.
    إما لسوء خامة ونوعية التيل المستخدم.(و ممكن عمره قرب يخلص)
    ثانيه نتيجة وجود رطوبه أو مياه على لقمة التيل.
    ____________________________________
    تاني حاجه الصيانات المفترض تعملها لعربيه مستعمله.
    تغيير جميع السيور سواء سير دينامو-تكييف-باور-كاتينه
    زيت المحرك-زيت الفتيس-مياه التبريد-التأكد من زيت الفرامل و تيل الفرامل
    بس كده بالإضافه لما يستجد عند الفحص
    [CENTER]م/محمد علاء[/CENTER]
    [CENTER][SIZE="2"][/SIZE][/CENTER]
    [CENTER]مش شرط اعجب كل الناس .....لان مش كل الناس بتعجبني[/CENTER]
    eng:mohamed سابقا

    Comment


    • #3
      اوﻻ الصفارة دي من التيل اثناء تافرملة ودة يا التيل وحش يا خﻻص بيننهي وﻻزم تغيره
      اما بالنسبة تعمل اية اما تجيب عﻻبية مسنعملة
      هتغير سيور المجموعة والكاتينة وبلية الكاتينة مهم جدا
      هتغير فلتر الزيت والزيت بتاع المكنة وتغير زيت الفتيس بالكامل
      هتغير فلتر هوا وهتغير فلتر البنزين لو العربية عاملة 80 الف كيلو وتنضف البوابة بسبراي
      كل اللي فات دة مهمين التغيير ضروري
      هتنزل تحت بقى تشيك ع التيل امامي وخلفي وتعمله لجلالش وتشوف اية اللي عايز يتغير وتجيبه وهتبص على المساعدين كدا بالمرة زهو رافع تشوف في حاجة مرشحة زيت وﻻ ﻻء وتبص على المقصات وجلبها وتروح جاي مربط ع العفشة وتمشي وتتوكل على الله
      متنساش تسجل انت غيرت السيور على كام ﻻنك لو هتغير اﻻصلي هتمشي عليه 60 الف لو تجاري هيتغير على 40 الف
      وكذلك الفلتر الهوا بيقعد 40 الف اﻻصلي والتجاري 10 اﻻف والبنزين بيقعد 80 الف اﻻصلي والتجاري 20 الف
      اتمنى اكون فدتك وربنا معاك

      Comment


      • #4
        يا جماعة الخير اولا لازم تعرفوا اسعار تغيير مجموعة السيورر والكلام دة مش باالساهل زى مصر هنا مثلا فى السعودية علشان تغير سير كاتية (تيمن ) دة اسمة هنا بيتكلف من 650- 850 ريال حسب حالة الميكانيكى دة المصنعية بس وقيس على كدة كل دول الخليج فانت شوف التيل بس الاول ودة الانسب وشيك على باقى السيور انما متغيرش من باب انك عايز تغير ودة راى
        Last edited by محمد بازيد; 16-12-2013, 12:44 PM. سبب آخر: تغيير الحروف
        [CENTER]---------------------------------
        [CENTER][SIGPIC][/SIGPIC]

        [/CENTER]
        [/CENTER]

        BAZED2006 سابقا

        Comment


        • #5
          الصفارة اللى فى الفرامل دى مشكلة تيل سىء النوع وكله نحاس او التيل خلصان فى الحالتين غيره بنوع كربونى
          لو معاك تليفون اللى انت شارى منه العربية ممكن تكلمه و تعرف هوه مغير السيور اخر مره امتى دى هتوفر عليك جامد لانها لو متغيره من اقل من 30 او 40 الف كيلو استنى عليها شويه ... لكن لو مفيش معلومات يبقى لازم تغيرها احسن ... بقيت الحجات من زيوت و فلاتر مش هتبقى مشكلة قوى لانها رخيصة مقارنة بتمن السيور

          Comment


          • #6
            متابع

            Comment

            Working...
            X