العربيه مش راضيه تشتغل

[dr_brave_heart]

السلام عليكم ورحمه الله وبركاته

تواجهنى صعوبه فى تشغيل السيارة وهيا بارده وانا وحظى اما تدور بعد محاولات عديده واما لا
السيارة لانسر كريستاله 1998 اوتوماتيك موتور اتنين كامه 1500
العربيه مارشها شغال والماتور مرة يلقط اكنه عاوز يقوم ومرة لا وهكذا ززز طبعا فى يومين البرد اللى فاتو ولا حياه لما تنادى راسها والف سيف ما تدورش علما بان البطاريه جديده ومليانه وغيرت بوجيهات و نضفت البوابه ونفس المشكله لما تكون بارده تغلبنى فى الدوارة ولما تكون ساخنه تبقى تمااام

جبت ميكا

نيكى البيت يدورهالى ... جرب البوجيهات وشاف البنزين مع الكنتاكت لقاه طالع كويس استبعد طرمبه وبوجيهات ...لف الاسبراتير طبعا ولا حاجه لجد ما قاللى هات راجون وبخ فى ا لبوابه وانا بدور هاا بدات تلقط جربت تانى والحمد لله طبعا ادالها بنزين عشان صوتها يزبط و تسخن قولت الحمد لله ايه المشكله قاالى فى الاغلب رشاشات عاوزة تتنضف طلعت بها مشوار كويس وحطيت منضف رشاشات فى التنك وتانى يوم الصبح نفس المشكله ميكانيكى تحت البيت حاول معاها ونضف رشاشات بس مدارتش علطول برضه بس اهى دارت قاالى نسيبها تبرد لو نفس المشكله نغير رشاشات ... افيدونى يا اهل الخبرة مش عاوز اصرف فى الفاضى

[Ahmed_Ramadan]

ترس بندكس بتاع المارش

[SAMEH_FOUAD]

كدة فية عندك مشكلة فى بلف الايدل , مترسب علية كاربون كتير بيخلى العربية تغيب فى الدوارة صباحا , نظفة وان شاء الله هتظبط

[saddam]

صديقي المواطن
مشكلتك معظمها رشاشات مليانة أوساخ وما دام دارت تاني يوم بصعوبة بس أسهل من اليوم السابق فده طبيعي ﻷن عمر ما منظف الرشاشات اللي بيتحط في التنك يكفيها واحد الواحد ده يتحط مع عربية من الزيرو كل شهر يحط مرة فيشتغل ولكن عربيتك واصلة مرحلة بإنسداد الرشاشات فحتعوز بكره تغير فلتر البنزين والبوجيهات وفلتر الهواء وتملا التنك بنزين وتحط 3 منظف رشاشات من التوفيقة أبو25 جنيه طبعا أفضلهم وينز البلجيكي البنفسجي وحتقرص بالعربية شوية ومنهم ربع ساعة العربية مستمرة على سرعة 140 ولما يوصل التنك أقل من ربع ترجع تمون تاني 92 طبعا والمرة دي حتحط علبتين وتكرر نفس أسلوب القيادة حتلاقي عربيتك حتدور طلقة وترجع سريعة وبعديها بتموينتين ترمي الفلتر وتحط فلتر بنزين تاني عشان حيكون لم تاني كل أوساخ العربية ومفيش حاجة إسمها ميكانيكي جاء وشاف البوجيهات تغيرها على طول بنوع غالي ونفس كود العربية البوجيهات بتخلي عربيات تشتغل مش كل البساتم وهي جديدة وبيحصل أمامي ومرتين تلاتة ولنفس العربية حتى يأتي النوع الغالي النظيف ولو تشتري نفسك وتجيب طقم سلوك جديدة معاها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[dr/hamza]

صديقي المواطن
مشكلتك معظمها رشاشات مليانة أوساخ وما دام دارت تاني يوم بصعوبة بس أسهل من اليوم السابق فده طبيعي ﻷن عمر ما منظف الرشاشات اللي بيتحط في التنك يكفيها واحد الواحد ده يتحط مع عربية من الزيرو كل شهر يحط مرة فيشتغل ولكن عربيتك واصلة مرحلة بإنسداد الرشاشات فحتعوز بكره تغير فلتر البنزين والبوجيهات وفلتر الهواء وتملا التنك بنزين وتحط 3 منظف رشاشات من التوفيقة أبو25 جنيه طبعا أفضلهم وينز البلجيكي البنفسجي وحتقرص بالعربية شوية ومنهم ربع ساعة العربية مستمرة على سرعة 140 ولما يوصل التنك أقل من ربع ترجع تمون تاني 92 طبعا والمرة دي حتحط علبتين وتكرر نفس أسلوب القيادة حتلاقي عربيتك حتدور طلقة وترجع سريعة وبعديها بتموينتين ترمي الفلتر وتحط فلتر بنزين تاني عشان حيكون لم تاني كل أوساخ العربية ومفيش حاجة إسمها ميكانيكي جاء وشاف البوجيهات تغيرها على طول بنوع غالي ونفس كود العربية البوجيهات بتخلي عربيات تشتغل مش كل البساتم وهي جديدة وبيحصل أمامي ومرتين تلاتة ولنفس العربية حتى يأتي النوع الغالي النظيف ولو تشتري نفسك وتجيب طقم سلوك جديدة معاها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

100 100

[MITSUKERO]

غير الرشاشات

[dr_brave_heart]

كدة فية عندك مشكلة فى بلف الايدل , مترسب علية كاربون كتير بيخلى العربية تغيب فى الدوارة صباحا , نظفة وان شاء الله هتظبط

شكرا لسرعه الرد ... كنت منضفه قريب هنضفه تانى واشوف الفرق ..

[dr_brave_heart]

صديقي المواطن
مشكلتك معظمها رشاشات مليانة أوساخ وما دام دارت تاني يوم بصعوبة بس أسهل من اليوم السابق فده طبيعي ﻷن عمر ما منظف الرشاشات اللي بيتحط في التنك يكفيها واحد الواحد ده يتحط مع عربية من الزيرو كل شهر يحط مرة فيشتغل ولكن عربيتك واصلة مرحلة بإنسداد الرشاشات فحتعوز بكره تغير فلتر البنزين والبوجيهات وفلتر الهواء وتملا التنك بنزين وتحط 3 منظف رشاشات من التوفيقة أبو25 جنيه طبعا أفضلهم وينز البلجيكي البنفسجي وحتقرص بالعربية شوية ومنهم ربع ساعة العربية مستمرة على سرعة 140 ولما يوصل التنك أقل من ربع ترجع تمون تاني 92 طبعا والمرة دي حتحط علبتين وتكرر نفس أسلوب القيادة حتلاقي عربيتك حتدور طلقة وترجع سريعة وبعديها بتموينتين ترمي الفلتر وتحط فلتر بنزين تاني عشان حيكون لم تاني كل أوساخ العربية ومفيش حاجة إسمها ميكانيكي جاء وشاف البوجيهات تغيرها على طول بنوع غالي ونفس كود العربية البوجيهات بتخلي عربيات تشتغل مش كل البساتم وهي جديدة وبيحصل أمامي ومرتين تلاتة ولنفس العربية حتى يأتي النوع الغالي النظيف ولو تشتري نفسك وتجيب طقم سلوك جديدة معاها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

شكرا جزيلا لمعلوماتك القيمه ,,, بس برضه معلش عندى استفسار انا بعد ما فكيت الرشاشات ونضفتهم جيت ادورها نهارده الصبح كانت بتحاول تشتغل لمده اربع او خمس محاولات طعا لاختصار الوقت بخيت راجون اسبراى فى الخرطوم اللى داخل من البوابه للمكنه لقطت من تانى مرة ودارت ... ده فعلا مشكله رشاشات ولا اشك فى الطرمبه برضه
وشكرا

[dr_brave_heart]

غير الرشاشات

شكرا لحضرتك .. كنت عاوز اعرف سعرهم كام..؟؟؟؟؟ وبجيبهم منين ؟؟وهل يمكن تركيب رشاشات لانسر 99 1300 او رشاشات بوش .بى ام ولا لازم نفس النوع علما ان الماتور 1600 2 كامه .. وشكرا