استفسار لانسر شارك 2014

[mahmoudhany]

اشتريت شارك 2014 ال half sport بس مفهاش فتحة سقف ولا usb فهل هى فعلا كده ولا ايه
جبتها من سمير ريان ب 155
ياريت حد يفيدنى

[mosolini2]

الف مبروك على العربية بس موضوع فتحة السقف دا اعتقد انة فى اعلى فئة بس مش متاكد و الusb واتاكد من الموضوع دة عشان انا معايا شارك 2012 مكانها غريب شوية جوة درج الطابلوة افتح الدرج حد ايدك على السقف بتاع الدرج هتلاقى غطا افتحة هتلاقى ال usb لو هيا موجودة فى نفس المكان الى فى عربيتى

[Hosam_Optrawy]

حسب المواصفات اللى أعلن عنها الوكيل المفروض أخر فئتين فيهم usb

اما فتحة السقف والسبويلر والبصمه فى أعلى فئه

[J A G U A R]

مفيهاش فتحه سقف .. بس تقريبا فيها usb

[Ahmed TRAVCO]

يا باشا فتحة الـusb موجودة جوة درج الطابلوه ومش هتقدر تشوفها بسهولة لازم تمد ايدك لحد ما تلمسها... هي مكانها عجيب فعلا... بس لي سؤال: عندك الكاسيت سي دي عبارة عن شاشة تتش زي اللي في الهايلاين؟ وهل فيه صب ووفر في الشنطة؟

وألف مليون مبروك... عربية تستحق كل مليم يندفع فيها وان شاء الله تاخد خيرها...

[Ramy Reda]

باشا انا كمان اسه جايب الفئه قبل الاخيريه 2014 فئه e38
فيها فتحه جوه درج التابلو
لو عاوز اى استفسار كلمنى على 01227433644

[dr/hamza]

جوة التابلوه خللى باللك لانها ساعات بيتكهرب

[mahmoudhany]

متشكر جدا ، فعلا لقيتها جوه درج التابلوه
بس مكان غريب يعنى ،والكاسيت سى دى عادى مش تاتش
وربنا يباركلكم جميعا
بس انا حاسس انها فقيرة جدا فى الكماليات

[MOTOR HEAD]

انت اتفوجؤت ولا ايه ههههه

[mahmoudhany]

هههههه، فعلا اتفاجئت مكنتش متوقع كده
يلا ابقى اشوفلها شوية اكسسوارات يظبتوها شوية

[sherifwahab]

السلام عليكم ممكن من الجميع يقولولى اية اخبار الشارك معاكم وهل مازلتم تنصحوا بشرائها؟
بافاضل بينها فول اوبشن وبين الكورولا الاتوماتيك فول اوبشن اتوماتيك الاتنين زيرو 2014؟

[Egy_fan]

و انا بفاضل بينها و بين سيراتو 2 فئه

[mahmoudhany]

هو انا كنت ناوى على الكورولا بس مكنتش موجودة وطبعا كان فى حجز والاستلام بعد مدة طويلة واوفر بريس وكده
وكانت السيراتو موجودة وكنت هجيبها بس لقيت الصاج بتاعها ضعييييييف جدا كانه فيبر
فتوكلت على الله وجبت الشارك . هى طبعا مفيش فخامة للدرجة ولا اوبشنز والعزل مش قد كده