هو فين ثبات اللانسر ده ؟

[kazamodia]

يا جماعة انا معايا لانسر 2013 كنت ماشي من كام يوم على طريق na وبزود ولما وصلت عند 125 كيلو لاقيت الدريكسيون بيلعب يمين وشمال والعربية بتتنطط وقمت مهدي خالص وكملت بطئ
بصراحة الموضوع ده مضايقني جدا العربية لسه جديدة ومش ثابته مع اني بسمع شعر في اللانسر وثباتها
يا ترى هل ده ممكن يكون سببه ترصيص او ظبط زوايا ؟

[yyy]

عربيتك شارك ولا بومه ؟

[kazamodia]

بومة

[David Micheal]

باشا انا معايا بومه 2007 الاتوماتيك و الاسبوع اللي فات مسافر بيها من الغردقة للقاهره ماشي 150 و 160 وكمان لما دخلت طريق الجيش مشيت 180 و 190 و العربيه كويسه جدا معايا وباخد غرز علي السريع عادي جدا
بس في اي عربيه لازم تلاقي هزه بسيطة بين ال 110 و ال 130 او اعلي شويه انا عندي بعد ال 130 الدركسيون بيكون ثابت بس لازم تكون انت ماسكه عشان تتحكم كويس فيه

[hany63]

موضوع الثبات ده ليه عاملين اول عامل يرجع للعربيه و نظام التعليق و خلافه
تاني عامل و لا يقل اهميه يرجع للسواق و اسمح لي اوضح النقطه دي
لو شخصين ركبوا لعبه خطره في الملاهي احساس كل واحد هيبقى مختلف هتلقى واحد كان مستمتع و واحد كان حاسس ان روحه هتطلع
انا مثلا بشوف فيديوهات لعربيتي بتجيب ٢٢٥ كيلو و اقصى حاجه جبتها ١٨٠ و بتبقى لحظيا و عمري ما افضل ثابت اكتر من سرعة ال ١٤٠ كيلو متر
وحتى لما كنت راكب باسات تربو برضه نفس الحكايه

[madman2002]

رصص العجل

[Maghraby1987]

يا جماعة انا معايا لانسر 2013 كنت ماشي من كام يوم على طريق na وبزود ولما وصلت عند 125 كيلو لاقيت الدريكسيون بيلعب يمين وشمال والعربية بتتنطط وقمت مهدي خالص وكملت بطئ
بصراحة الموضوع ده مضايقني جدا العربية لسه جديدة ومش ثابته مع اني بسمع شعر في اللانسر وثباتها
يا ترى هل ده ممكن يكون سببه ترصيص او ظبط زوايا ؟

الناس اللي بتقول شعر في ثبات اللانسر الشارك مش البومه

[AlGazar2]

اللانسر البومة مش ثابته الى ثابته الشارك
البومة معايا و بعد ال 120 مراجيح خصوصا لو الطريق لف او حاجة

[hugan]

محور na مش هو الطريق اللي تحكم بيه علي ثبات العربيه
الهواء فيه عالي جدا وبيلعب اجدع عربيه

[walidadel81]

البومه للاسف بالشتا والهوا الجامد والطرق المفتوحه بتاثر عليها جدااا عن تجربه طريق الاسكندريه امشي فيه لحد ال 160 العربيه تترقص اطلع المحور امشي 180 مافيش اي هزه نصيحه ماتشغلش بالك القصه كلها من عوامل الجو مدام العربيه عندك سليمه

[svneleven]

ممكن يكون الطريق لأن الصراحة البومة عربية ثابتة لكن طبعا مش وهم يعني.

[magdyelshikh]

البومة مش ثابته ثبات الالمانى خاصة وانا لسه نازال من فكترا بى ملهاش حل فى الثبات ...
بس البومة مش سيئة قوى للدرجة دى يعنى بعد ال 150 عايز طريق كويس سليم منحنيات واسعه تحس هنا بالثبات بتعها اما الطريق الزراعى والدائرى والمحور مثلا عندنا فى اسكندرية كل ده زبلاله وحرام تقيس ثبات البومة عليه ..

[amrico]

ربنا يعينك وبلاش السرعة ايا كانت العربية وربنا يحفظك

[mahmoud85]

انا مسافر عالدولي علي سرعه 140 لمده ساعتين مع العلم ان عندي 3 مساعدين عاوزين يتغيرو ومركب مقص صيني وكاتش الميزان الخلفي عاوز يتغير وعلي الرغم من كده زي الفل والحمدلله
مافيش طريق مشيت عليه في مصر لحد الان بيحترم ادميه البشر فامابالك بالحديد

[أبو إياد]

العربيه بتاعتك مش مظبوطه راجع على ترصيص العجل واظبط زوايا امامى وخلفى واتا كد من حاله الكاوتش

وقصه ان البومه مش ثابته دى فعلا حقيقيه بس مع العربيات اللى بتكون حالتها تعبانه وصيانتها مهمله