سؤال لملاك الشارك

[Egy_fan]

السلام عليكم و كل سنه و انتم طيبين بمناسبه السنه الجديده

انا زميلكم فى قسم ميتسوبيشى و معايا بومه و كنت بفكر اغير و اجيب الشارك (او السيراتو) و كنت عايز اعرف ايه نظام قطع الغيار ؟

الاصلى اكيد اغلى من البومه بس هل البدائل كويسه و تؤدى الغرض و خصوصا انا بفكر فى الزيرو؟

و ياريت لو العربيه فيها مشاكل غير العزل حد يقولى

شكرا للخبراء

[Eng_hatemfathy]

الشارك طبعا مختلفة عن البومة تماما لصالح الشارك والفرق فى قطع الغيار الاصلية فى التوكيل مش بعيده قوى عن البومة
مشكلتها اللى بخلاف العزل فهى اتساع الشنطة لانها ضيقة جدا والصاج ضعيف شوية ودهانه خفيف جدا اى خدش صغير بيوصل للصاج
غير كده متلاقيش تقريبا مشاكل
استخير وربنا يوفقك بس طبعا متجيبش اى فئة مفيهاش اى بى اس واير باجعلشان تحق الامان المطلوب وفى نفس الوقت تلاقى رفاهية تحسسك انك راكب عربية محترمة

[Egy_fan]

شكرا يا باشمهندس. بس محتاج اعرف هل قطع الغيار متوفره بره التوكيل و فى الاصلى و فى بدايل تانيه و لا لأ؟؟؟

[Eng_hatemfathy]

اعتقد ان اللى فى السوق يختلف عن اللى فى التوكيل
فى حاجات ممكن تتجاب من بره وحاجات لازم من التوكيل

[Egy_fan]

شكرا يا باشمهندس و ربنا يبارك لك فى شاركك

[Citrooh]

ياريت تقولولي تقصدوا ايه بالعزل ؟؟؟؟؟؟

[abogoda]

المقصود بالعزل هو العزل الصوتي للكابينة عن الاصوات الخارجية وصوت الموتور وعزل الشارك مش أد كده ممكن تعمل بحث في الموقع عن عزل الصوت في الشارك وهو بيتكلف في حدود 1000 جنيه

[uniform]

المقصود بالعزل هو العزل الصوتي للكابينة عن الاصوات الخارجية وصوت الموتور وعزل الشارك مش أد كده ممكن تعمل بحث في الموقع عن عزل الصوت في الشارك وهو بيتكلف في حدود 1000 جنيه

ابوجوده باشا....مين اللي بيعمل العزل ب1000 جنية وياريت لو تدينا لينك الموضوع بتاع العزل ده يبقي جزاك الله خير

[Citrooh]

تمام
انت تقصد يعني العزل بتاعالارضية زي صوت اي خبطة طوبة في اي دوسة ازازة بلاستيك ؟؟؟؟
الاصوات دي يعني