العربية بتسخن

[elbaradhy]

يا شباب انا معاي لانسر 2006 حصلت معاي مشكلة امبارح لقيت الحرارة زادت قوي و الريداتير بيطلع بخار كتير قوي بس انا زودت الريداتير و القربة و العربية مبطلة
حد يفيدني هو الريداتير باظ ولا ايه المشكلة
و الحاجة التانية حد بيقولي ممكن الموتور يكون جاب وش سلندر عشان زودت العربية و هي مبطلة حد يفيدني

[MITSUKERO]

انت زودتها و هي مبطلة و سخنة ؟

بخصوص السخونة غالبا الريادياتير العلبة البلاستيك ضربت

[elbaradhy]

ايوة انا زودتها و هي مبطلة و سخنة

[MITSUKERO]

انت و رزقك بقي بس المفروض يكون العربية جابت وش بس مش شرط اوقا بتفلت

روح لخالد بتاع المتخصصون خليه يكشفلك عليها ببلاش مش هتخسر حاجة و ربنا يستر

[mostafa hussei]

اصلا هيه العربيه سخنت ليه ممكن كانت المياه فى الردياتير ناقصه وممكن طلمبة الزيت مش شغاله وممكن المروحه مش شغاله على العموم ان سخنت العربيه معاك بعد تزويد المياه احتمال كبير جوان وش سلندر طالما الردياتير بينفخ جامد معاك

[abogoda]

اصلا هيه العربيه سخنت ليه ممكن كانت المياه فى الردياتير ناقصه وممكن طلمبة الزيت مش شغاله وممكن المروحه مش شغاله على العموم ان سخنت العربيه معاك بعد تزويد المياه احتمال كبير جوان وش سلندر طالما الردياتير بينفخ جامد معاك

طرمبة زيت الانسر ما بتبوظش ماينفعش ان العربية من 2006 وما نضفتش الرادياتير ولا غسلتة ولا غيرت المياة الخضرا ؟؟؟؟؟ حرام عليك .............. عالعموم الفيبرة البلاستيك بتاعة الردياتير ضربت وعايزة تتغير ومش غالية بره التوكيل بس عايز صنايعي محترم (((( الفيبرة + التنضيف + المياة الخضرا))) تتكلف في حدود الـ 200 جنيه مش كتير بس لازم تنضف الردياتير وتغير المياة مرة كل سنه وياريت لو تعرف تجيب 5 لتر مياة مقطرة من مصدر موثوق يكون أفضل وأفضل خلي بالك العربية ماشية عالزيت بس يعني ممكن تبهدل الموتور والزيت أكيد بيتحرق شوف اي صنايعي يبص عالردياتير والعربية واقفة يكشف عليها وممكن يفكلك الردياتير وتروح للصنايعي اللي انت عايزه ... خلي بالك ماينفعش تمشي بالعربية ... اللهم بلغت

[starlanos]

ممكن تكون جابت جوان بس نصيحه اقطر العربية للمكانيكي بدل متجر حاجة اكبر

[elbaradhy]

متشكر جدا ليكم يا شباب الحمد لله طلع بس الفيبرة بتاعت الريداتير و مفيش حاجة تاني
السبب كان عدم تنظيف الريداتير و الموتور الحمد لله زي الفل

[abogoda]

في خدمه كل أعضاء الموقع والحمد لله حاجة بسيطة :)