أنا اتخنقت من العربيه دي

[mohamedsaddler]

يا جماعه انا اتخنقت من عربيتي خلاص , كل ما أفتكر ان كل حاجه تمام يطلع لي فيها حاجه جديده

من اول السنه اللي فاتت , علبة ردياتير و جوان وش سلندر و موبينة اسبراتير و بطارية و باب

و دلوقتي الموتور خفيف , و بشم ريحة زيت محروق و فيه زيت على وش الموتور , بس مفيش دخنه خالص و البوجيهات شغاله و العفشه ناشفه

و رحت للميكانيكي قال لي تغيير طقم شنابر و تصليح العفشه هيخش له في 2000 جنيه , بس انا طهقت و بصراحه مش معايا فلوس لكل ده

أنا عايز اعرف , العربيه دي هتستحمل معايا بالوضع ده لحد اخر السنه دي على الأقل و لا فيه خطورة؟
مع العلم اني بمشي بيها كتير

يا ريت حد يفيدني

هي لانسر 98

[mohamedsaddler]

يا جماعه حد يفيدني ربنا يخليكم

[BASOOMVIP]

يا جماعه حد يفيدني ربنا يخليكم

هيه ماشية اد ايه و ايه مشكلة العقشة بظبط ؟؟؟

[saddam]

صديقي المواطن
قولا واحدا كل ما صرفته عليها حاجات بسيطة مش كبيرة زي محضرتك متخيل و 2000 جنيه على عفشة ووش سلندر بيدل إن عربيتك كعفشة مفيهاش شغل كتير ﻷن طقم الشنبر لوحده بزيته بتكاليفه يخش من 800 إلى 1200 يعني الباقي 800 مش حتكفي تغيير مساعدين وغيرها يعني حيعمل الحاجات البسيطة شوية جلب شوية تربيطات شوية خراطة وأي شغل عفشة من غير تغيير مساعدين يسمى معظمه تضييع فلوس
وأنا مش عارف حضرتك محتاج إستشارتنا بإبه حضرتك بتمر بضائقة مالية من هنا ﻵخر السنة فمفيش حل غير إنك تراقب زيت وسخونية السيارة بصورة دورية وتزود زيت كلما نقص أو تعمل كراسي للبوجيهات لما الزيت يبتدي يغرقهم على فترات متقاربة لغاية مربنا يوسع رزقك وتعملها وأسوء ما يمكن أن يحصل غير طقم الشنبر إن بستم ولا بستمين أو دراع دراعين محتاجين يتحكموا أو يتغيروا فوق طقم الشنبر ودي حاجات بسيطة وممكن لو فتحت النهارده بالليل المكنة عشان تعمل طقم الشنبر ممكن تلاقي بستم مشرخ ولا حاجة ودي حاجات عادية لما تفتح مكنة مش غريبة يعني فقولا واحدا إمشي عليها ﻵخر السنة لما ربنا ييسرلك الحال لو إتسدت ب ألفين وإنت معاكش النهارده فمش مشكلة لو إتسدت ب3 آلاف بس حضرتك معاك ودايما حط في مكان مخفي في العربية 220 جنيه لزوم أجرة الونش عشان لو في يوم إنتهت منك خلاص العربية في الشارع تحطها بونش للبيت ونصيحة عربيتك لو جابت مكنة بيعها لو عندك نية بيع حتكسب فيها أكثر من لة إنك صرفت عليها وصلحتها وبعتها
ملحوظة لو لم تكن مزنوق ماديا كنت نصحتك بشوية إضافات أمريكية مع الزيت تشتغل مكان طقم الشنبر خلال 3 شهور بس هي بثمن طقم الشنبر بصراحة فخليك في النصيحة أعلاه
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

[amro0000]

صديقي المواطن
قولا واحدا كل ما صرفته عليها حاجات بسيطة مش كبيرة زي محضرتك متخيل و 2000 جنيه على عفشة ووش سلندر بيدل إن عربيتك كعفشة مفيهاش شغل كتير ﻷن طقم الشنبر لوحده بزيته بتكاليفه يخش من 800 إلى 1200 يعني الباقي 800 مش حتكفي تغيير مساعدين وغيرها يعني حيعمل الحاجات البسيطة شوية جلب شوية تربيطات شوية خراطة وأي شغل عفشة من غير تغيير مساعدين يسمى معظمه تضييع فلوس
وأنا مش عارف حضرتك محتاج إستشارتنا بإبه حضرتك بتمر بضائقة مالية من هنا ﻵخر السنة فمفيش حل غير إنك تراقب زيت وسخونية السيارة بصورة دورية وتزود زيت كلما نقص أو تعمل كراسي للبوجيهات لما الزيت يبتدي يغرقهم على فترات متقاربة لغاية مربنا يوسع رزقك وتعملها وأسوء ما يمكن أن يحصل غير طقم الشنبر إن بستم ولا بستمين أو دراع دراعين محتاجين يتحكموا أو يتغيروا فوق طقم الشنبر ودي حاجات بسيطة وممكن لو فتحت النهارده بالليل المكنة عشان تعمل طقم الشنبر ممكن تلاقي بستم مشرخ ولا حاجة ودي حاجات عادية لما تفتح مكنة مش غريبة يعني فقولا واحدا إمشي عليها ﻵخر السنة لما ربنا ييسرلك الحال لو إتسدت ب ألفين وإنت معاكش النهارده فمش مشكلة لو إتسدت ب3 آلاف بس حضرتك معاك ودايما حط في مكان مخفي في العربية 220 جنيه لزوم أجرة الونش عشان لو في يوم إنتهت منك خلاص العربية في الشارع تحطها بونش للبيت ونصيحة عربيتك لو جابت مكنة بيعها لو عندك نية بيع حتكسب فيها أكثر من لة إنك صرفت عليها وصلحتها وبعتها
ملحوظة لو لم تكن مزنوق ماديا كنت نصحتك بشوية إضافات أمريكية مع الزيت تشتغل مكان طقم الشنبر خلال 3 شهور بس هي بثمن طقم الشنبر بصراحة فخليك في النصيحة أعلاه
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

اسسسسسسسسستاذ دايما بتجيب من الاخر يا استاذ صدام