إعـــــــلان

Collapse

.

,
See more
See less

محتاج نصيحتكم

Collapse
X
 
  • Filter
  • الوقت
  • Show
Clear All
new posts

  • محتاج نصيحتكم

    السلام عليكم ورحمة الله وبركاته
    دي أول مشاركة ليا في المنتدي الرائع ده
    ندخل في الموضوع علي طول علشان ما أطولش عليكم
    أنا نويت ان شاء الله (أجازف ) وأشتري لانسر شارك بس انا خبرتي في العربيات مش واسعه اوي فكنت عايز اعرف شوية حاجات في العربيه والتوكيل
    يعني مثلا اعرف ان فيهع خليجي وفيه مصري
    وعلي حسب علمي ان الفرق ما بين الخليجي والمصري ان المصري الكاسيت بلت ان وفيه فبره علي الموتور بتعمل عازل بيبقي مكتوب عليها ميفك والمصري ضمان 3 سنين او 100000 كم ايهما اكتر طبعا دا غير انها أغلي من الخليجي وتوكيلها دايموند الغني عن التعريف اللي كرهته قبل ما أتعامل معاه من كتر شكوي الناس منه
    أنا بصراحه ميال للخليجي اكتر رغم انها 60000 كم او 3 سنين ضمان بس انا هقول وجهة نظري في الخليجي بس بدون تريقه
    بيتهيألي ان الخليجي تقفيله أحسن والبويه بتاع العربيه أحسن علشان بتتحمل الشمس والحر اللي في الخليج والتكييف أعتقد أقوي دا غير ان الكاسيت أقدر أغيره في أي وقت مكونش مرتبط بالبلت ان اللي مينفعش يتغيير غير بواحد بلت ان برضوا
    فإيه رأيكم اجيب الخليجي ولا المصري ؟؟؟وهبل فيه شكوي من الرواس زي دايموند ولا عادي ؟؟
    ومين أرخص مكان أجيب منه العربيه ولا أحسن حد فين ؟ وهل الاستلام علي طول ولا هاقعد شويه ؟ ولو شويه هيبقي أد ايه ؟
    ولكم جزيل الشكر

  • #2
    بص انا اسمع انها عربيه ورق مش متينه بس ربا يبارك ويكيك شر الطريق

    Comment


    • #3
      المشاركة الأصلية كتبت بواسطة elkholy22 مشاهدة المشاركة
      بص انا اسمع انها عربيه ورق مش متينه بس ربا يبارك ويكيك شر الطريق
      ربنا يكرمك يا باشا بس يعني ايه ورق بالضبط ؟
      بس برضوا مش زي الاوبترا او الالنترا مثلا ولا ايه ؟

      Comment


      • #4
        اولا مبروك مقدما على العربية سواء شارك او غيرها
        انت ناوي تجيب اول فئه ولا هاي لاين ؟
        الشارك المصري فى الاساس هي خليجي لأن الوكيل ملك للخرافي والتوكيل فى مصر والكويت والسعوديه واحد ولما تفتح باب السواق هتلاقي مكتوب ان العربية مطابقة للمواصفات السعودية
        موضوع الكاسيت مش فارق اوي انا عن نفسي اشتريت شاشه بدل الكاسيت البيلت ان فكله بيتغير بسهوله

        الشارك ياباني 100 % تصنيع وتجميع موتور مايفك عمره الافتراضي اعلى بكتير من غيره وسحبه ممتاز
        عفشة مالتي لينك بتديك اعلى ثبات على الطريق وخصوصا فى الملفات والسرعات العالية وعن تجربه كنت باخد غرز على 180 وانا متطمن العربية عاليه عن الارض حتى لما كنا 5 فى العربية ماحكتش فى اي مطبات وثبات العربيه وسحبها مابيتأثرش بالوزن صالون شيك وكراسي مريحه جدا وتكييف ممتاز
        ياريت بقى الاستاذ اللي بيقول انها ورق يوضح ايه بالظبط اللى ورق فيها وايه فى نظره الحديد ؟! النترا مثلا !!!
        dr Ahmed Samy

        Comment


        • #5
          المشاركة الأصلية كتبت بواسطة semsem5144 مشاهدة المشاركة
          اولا مبروك مقدما على العربية سواء شارك او غيرها
          الله يبارك فيك يا باشا وان شاء الله شارك بس ألاقيها
          انت ناوي تجيب اول فئه ولا هاي لاين ؟
          والله أنا كنت ناوي أجيب الهاي لاين بس بصراحه خايف من البصمه لتعمل مشكلة فيما بعد واتعب معاها انا عارف انها وجهات نظر بس تقول ايه بقي وعموما ان شاء الله لو ربنا سهل هتبقي الفئة قبل الأخيره
          الشارك المصري فى الاساس هي خليجي لأن الوكيل ملك للخرافي والتوكيل فى مصر والكويت والسعوديه واحد ولما تفتح باب السواق هتلاقي مكتوب ان العربية مطابقة للمواصفات السعودية
          موضوع الكاسيت مش فارق اوي انا عن نفسي اشتريت شاشه بدل الكاسيت البيلت ان فكله بيتغير بسهوله
          هو ينفع اني أغير الكاسيت البيلت ان بكاسيت تاني ولو ينفع مش فيه فتحات التكييف بتبقي مع الكاسيت ولا ايه ؟

          الشارك ياباني 100 % تصنيع وتجميع موتور مايفك عمره الافتراضي اعلى بكتير من غيره وسحبه ممتاز
          عفشة مالتي لينك بتديك اعلى ثبات على الطريق وخصوصا فى الملفات والسرعات العالية وعن تجربه كنت باخد غرز على 180 وانا متطمن العربية عاليه عن الارض حتى لما كنا 5 فى العربية ماحكتش فى اي مطبات وثبات العربيه وسحبها مابيتأثرش بالوزن صالون شيك وكراسي مريحه جدا وتكييف ممتاز
          ياريت بقى الاستاذ اللي بيقول انها ورق يوضح ايه بالظبط اللى ورق فيها وايه فى نظره الحديد ؟! النترا مثلا !!!
          هو الصاح ورق دي منتشرة في كل العربيات الحديثة بس بتفاوت أعتقد ان الشارك مش زي ما هو متخيل

          Comment


          • #6
            البصمه دي اختراااع عندي فى التويوتا اوريون من كتر ماعجبتني فكرت اشتريها واركبها فى الشارك بس فيها مشكله واحده لازم افك شريحة تشفير الايموبلايزر واركبها فى زار engine start stop عشان تشتغل فخايف افتح مجال لسرقة العربية , وقطع غيار البصمة رخصت جدا سواء الزرار او بلوتوث الابواب وعموما ده شيء يرجعلك
            الكاسيت البيلت ان بيجي بفتحة التكييف كانه نازل فى العربية

            اخترت لون ايه ؟
            ربنا يباركلك فيها ويبعد عنك العين
            dr Ahmed Samy

            Comment


            • #7
              ما تبص على السيراتو الجديدة نازل عليها خصم 8000 جنية ومسمعتش اي واحد قال عليها كلمة وحشة
              انا لسه شاري بومة وبفكر اغيرها بسيراتو وكمان متنساش ده اخر شكل للشارك والسنة الجاية نازل منها شكل جديد

              Comment


              • #8
                المشاركة الأصلية كتبت بواسطة semsem5144 مشاهدة المشاركة
                البصمه دي اختراااع عندي فى التويوتا اوريون من كتر ماعجبتني فكرت اشتريها واركبها فى الشارك بس فيها مشكله واحده لازم افك شريحة تشفير الايموبلايزر واركبها فى زار engine start stop عشان تشتغل فخايف افتح مجال لسرقة العربية , وقطع غيار البصمة رخصت جدا سواء الزرار او بلوتوث الابواب وعموما ده شيء يرجعلك
                هو اختراع وكل حاجه بس مش عارف ليه مقلق منه ياريت لو تعرف تقولي ايه المشاكل اللي ممكن تواجهني
                الكاسيت البيلت ان بيجي بفتحة التكييف كانه نازل فى العربية

                لو حبيت أغير الكاسيت بيبقي صيني ولا ياباني وفي حدود كام تقريبا ؟؟
                اخترت لون ايه ؟
                لسه محتار ما بين الرمادي والشامبين والأبيض
                ربنا يباركلك فيها ويبعد عنك العين
                ربنا يخليك يا باشا ويجازيك خير

                Comment


                • #9
                  المشاركة الأصلية كتبت بواسطة kazamodia مشاهدة المشاركة
                  ما تبص على السيراتو الجديدة نازل عليها خصم 8000 جنية ومسمعتش اي واحد قال عليها كلمة وحشة
                  انا لسه شاري بومة وبفكر اغيرها بسيراتو وكمان متنساش ده اخر شكل للشارك والسنة الجاية نازل منها شكل جديد
                  والله يا باشا أنا ميال للشارك أكتر ومش هيفرق معايا الريسيل وتغيير الشكل لأن ان شاء الله هغير بعد فتره وشكراً لمرورك يا باشا

                  Comment


                  • #10
                    المشاركة الأصلية كتبت بواسطة sharkawyhiline مشاهدة المشاركة
                    ربنا يخليك يا باشا ويجازيك خير
                    اعطال البصمة مش هتطلع من الريموت وزرار التشغيل وكلها قطع موجوده والكمبيوتر مع التوصيلات صعب تعطل بس بصراحه ماشوفتش اى عربية بصمه فيها مشكله فمش هقدر افيدك فى الموضوع ده
                    الكاسيت البيلت ان مفيش منه ياباني كله صيني بس جودته معقوله جدا وسعره تقريبا 3500 بالكاميرا والتركيب
                    فى نظري الرمادي من احلى الالوان والاختيار يرجعلك
                    dr Ahmed Samy

                    Comment


                    • #11
                      المشاركة الأصلية كتبت بواسطة semsem5144 مشاهدة المشاركة
                      اعطال البصمة مش هتطلع من الريموت وزرار التشغيل وكلها قطع موجوده والكمبيوتر مع التوصيلات صعب تعطل بس بصراحه ماشوفتش اى عربية بصمه فيها مشكله فمش هقدر افيدك فى الموضوع ده
                      الكاسيت البيلت ان مفيش منه ياباني كله صيني بس جودته معقوله جدا وسعره تقريبا 3500 بالكاميرا والتركيب
                      فى نظري الرمادي من احلى الالوان والاختيار يرجعلك
                      معلش يا باشا هاتعبك معايا كنت عايز اعرف هي ايه فكرة البصمه بالضبط وطريقة عملها من الخارج والداخل
                      بمعني اكتر بفتح العربيه من بره بالريموت ولا بالبصمه ومن جوه ايه النظام بتحط الكارت في مكان معين زي الرينو كده وبعد كده تدوس ستارت انجين ولو مفيش مكان للكارت وبتخليه في جيبك وتدوس علي زرار الاستارت ده مش خطر او يخلي العربيه معرضه للسرقه اكثر
                      معلش انا مش فاهم الدنيا دي اوي
                      وان شاء الله احتمال بنسبة 90 % اللون هيبقي رمادي

                      Comment


                      • #12
                        السلام عليكم جميعا,,
                        عندي عربية لانسر بومة اتوماتيك موديل 2007 -1300 سي سي علبة الدركسيون عندي فيها بوش ورحت ظبطه عند عفشجي بس قالي لازم تجيب علبة دركسيون -فمن فضلكم افيدوني بكام سعر علبة الدركسيون الجديدة وانواعها واحسن نوع ومنين اجيبها ..وشكرا

                        Comment


                        • #13
                          المشاركة الأصلية كتبت بواسطة sharkawyhiline مشاهدة المشاركة
                          معلش يا باشا هاتعبك معايا كنت عايز اعرف هي ايه فكرة البصمه بالضبط وطريقة عملها من الخارج والداخل
                          بمعني اكتر بفتح العربيه من بره بالريموت ولا بالبصمه ومن جوه ايه النظام بتحط الكارت في مكان معين زي الرينو كده وبعد كده تدوس ستارت انجين ولو مفيش مكان للكارت وبتخليه في جيبك وتدوس علي زرار الاستارت ده مش خطر او يخلي العربيه معرضه للسرقه اكثر
                          معلش انا مش فاهم الدنيا دي اوي
                          وان شاء الله احتمال بنسبة 90 % اللون هيبقي رمادي
                          الشارك اللى معايا مش هاي لاين بس انا هقولك على التويوتا اوريون اللى معايا وغالبا ال2 واحد
                          الريموت ممكن تفتح بيه وتقفل الابواب والشنطه عادي من الزراير او تخليه فى جيبك وتدوس على زرار فى اكرة الباب هيفتح وعندي فى التويوتا مجرد مالمس الاكره بتفتح العربية والشنطه نفس الكلام مجرد ماتدوس عليها بتفتح والكلام ده لو انت قريب من العربية فى حدود نص متر تقريبا مجرد ماتبعد خلاص الزرار اللى فى اكرة الباب بيفصل
                          تشغيل العربية والريموت لسه فى جيبك بتدوس على دواسة الفرامل برجلك وتدوس على الزرار تشتغل العربية , من غير الفرامل بتشغل الكهربا بس وبتطفيها بدوسة زرار
                          - ميزة البصمه اني نسيت الريموت طول مانا برا البيت فى جيبي مابطلعوش
                          - لو نزلت من العربيه ونسيت الريموت جواها ودوست على الزرار عشان تقفل بتعمل صفاره وتكتب على -الشاشه ان الريموت جوا العربيه
                          - لو الريموت برا العربية عمرها مابتشتغل حتى لو انت ماسكه ومطلعه من الشباك
                          - الريموت فيه ايموبلايزر (شريحه متشفره ومتكوده على العربية يعنى عمر العربية ماتشتغل من غير الشريحه ولو حد قدر يسرق ارقام التشفير وعمل ريموت وشريحه برضو مش هتشتغل لان الشريحه دي لازم تتكود على كمبيوتر العربية )
                          dr Ahmed Samy

                          Comment


                          • #14
                            انا الصراحه لما بشوف عربيه شارك بحسن انها موش ماسكه نفسها يعني بتشنشن بسرعه بعكس البوما مهما بتقدم ( اللهم صلي على النبي ماشاء الله ) علشان الحسد بس بتبقى ماسكه نفسها و محتفظه برونقها

                            Comment

                            Working...
                            X