تركيب فوجات اوكتافيا للانسر

[Dr.lancer]

عدلت فانوس اللانسر الأصلى بفانوس أوكتافيا A5
الفانوس الجديد زواياه مختلفة عن الأصلى طبعا بس مع بعض تعديل فى الأكصدام بتركب.
اللى عاجبنى فيه أنه فيه عاكس و بيفرش كويس أحسن من الإسبرانزا. بس كانت المشكلة أن لمبة الزينون مش راكبه كويس فى قاعدة الفانوس بس اللى عملتها عنده واحد محترف إكصدامات و تعديلات و ضبطها زى ما باين فى الصور


فى الأول عدل شوية زوايا من الفانوس




وهنا ثبت الفانوس بخوص داخلية




هنا ثبت اللمبة الزينون فى الفانوس بخوصة برضه




بعد التركيب و قبل ما يقفل الزوايا بسيليكون علشان يملى الفراغات




وده شكل نهائى

[amr011111]

مبروك
ومنظرها ما شاء الله جميل

[dr/hamza]

جميلة ...ممكن برضوا فوانيس اوبترا بتركب على نفس الاكصدام..

[monamize4]

جميلة ما شاء الله ,,
بس حاسس ان حجم شبورة الاسبرانزا كانت هتبقى اقرب لمقاس شبورة البومة

[صعيدي]

بسم الله ماشاء الله
ربنا يباركلك فيها

[Dawns_Mist]

مبروك يا باشا .. أنا مركب عندي برضه فوجات الأوكتافيا .. أحسن بكتير في الإضاءة و كمان في الشكل

[ABO MALEK]

ما شاء الله.
سعر الفوجات كام والمصنعية ومنين واخد التركيب وقت اد ايه؟؟
كمل تقريرك بقى ولا هتبخل علينا؟ (:

[S O P H O S]

ما شاء الله
حلوين

[J A G U A R]

مبرووك .. جميله ما شاء الله
بس متزهقش بيهم الناس ..

[Dr.lancer]

ما شاء الله.
سعر الفوجات كام والمصنعية ومنين واخد التركيب وقت اد ايه؟؟
كمل تقريرك بقى ولا هتبخل علينا؟ (:

الفوجات جبتها 250 التايوانى ماركة ديبو و مصنعية 70 جنيه لأنه تعب فيها.

[Ahmed Saad]

ماشاء الله الف مبروك عليك ومنظرهم اهم حاجه لايق علي العربيه ماتحسهمش متعدليين

[hplv]

اولا الف مليون مبروك
بس عايز اعرف الفوانيس واللمبات منين بالظبط وبكام -هتحتاج كتاوت ولا ايه ومين الى انتا ركبت عنده وشكرا جزيلا

[abogoda]

كان ممكن تركب الفوجات الاصلية اللي بتيجي من الاستيراد (( الفوانيس اللي في الموديل الامريكي )) انا شفتها عند واحد من بتوع الاستيراد بدل ما كنت بوظت الاكصدام

[mamd_3000]

كان ممكن تركب الفوجات الاصلية اللي بتيجي من الاستيراد (( الفوانيس اللي في الموديل الامريكي )) انا شفتها عند واحد من بتوع الاستيراد بدل ما كنت بوظت الاكصدام

السلام عليكم
اسف على الازعاج بس فوانيس اية الى بتيجى امريكى وبتيجى تركب على الانسر ولا الكتفياء وبتتعدل على الانسر