إعـــــــلان

Collapse

.

,
See more
See less

مشكله فى فتيس cvt - لانسر بومه

Collapse
X
 
  • Filter
  • الوقت
  • Show
Clear All
new posts

  • مشكله فى فتيس cvt - لانسر بومه

    السلام عليكم. تحيه لكل ملاك اللانسر البومه

    ندخل فى المشكله. كنت بغير فانوس و اكصدام امامى بعد خبطه صغيره كده. لما استلمت العربيه من السمكرى لقيت لمبه N بتنور مع وضع D و العربيه سحبها ضعيف. رحت للميكانيكى قعد يشيك على شويه حاجات و الاخر قال ان فيشه selector switch بتاع الفتيس كانت مهزوزه و ركبها و كله بقى تمام و السحب 100 100

    تانى يوم و انا سايق عادى. مره واحده لقيت لمبه N نورت و السحب بقى ضعيف تانى. رحت توكيل مصريه اللى فى ش 9 فى المعادى و شيك على الزيت و على كل حاجه و فصل كابل البطاريه و بعدين عمل ريسيت للفتيس و من ساعتها و العربيه تمام و الحمد لله.

    سؤال: هل دى بدايات تلف selector switch و لا فعلا الفيشه كانت مهزوزه و محتاجه عمل ريسيت للفتيس بعد تركيب الفيشه ؟

    سؤال كمان: حد يعرف سعر selector switch كام لو احتجت له لا قدر الله؟

    ملحوظه : العربيه عامله 95 الف كم

    شكرااااااااااااااااااااااا

  • #2
    فين الردود يا شباب. محدش يعرف حاجه عن selector switch h او فيشه الغيارات؟؟؟

    Comment


    • #3
      متابع
      ما بين تسلمـ الايادي و تتشل الايادي .. هناك ايادي مش لاقية تاكل !!
      أفيقوا يرحمكم الله

      Comment


      • #4
        عمري ما سمعت انه اتغير في البومة اقصي حاجة بيحتاج يتعمل له ريست و تنضيف
        [CENTER]ربي قد مسني الضر و انت ارحم الرحمين
        لا إله إلا انت سبحانك اني كنت من الظالمين[/CENTER]

        Comment


        • #5
          مشكلة الفيتيس بتاع البومه CVT إنه لازم يكون مكانه مظبوط أوي .. حصلت عندي مشكلة مشابهه و كانت بسبب إن الميكانيكي ماكانش مقعد الفيتيس في مكانه بالظبط .. كانت فروق بسيطة أوي بتعمل مشاكل رخمه .. ماعتقدش خالص إن الـ selector switch عندك فيه مشكلة .. لإنه لو فيه مشكلة هتظهرلك المشاكل دي كل يومين .. ماتنساش إن الخبطة البسيطة دي ممكن تكون سمعت في أي مكان في الشاسيه خلى الفيتيس مش مستريح في مكانه مثلا أو سمعت معاه بأي طريقة .. لازم الأول تطمن تمام إن الفيتيس مظبوط تمام في مكانه و القواعد تمام .. سيبك من الميكانيكي اللي بيجرب و يقولك اتكل على الله .. يفضل ترفعها على كوريك من اللي في أي مركز صيانة كويس و تشيك على الدنيا دي .. لو عربيتك بعد ماروحت التوكيل لحد دلوقتي مافيهاش مشاكل يبقى بالتأكيد الفيتيس تمام و السويتش كمان تمام بإذن الله .

          ماعرفش سعر السيليكتور سويتش ده هنا في مصر بكام .. هو على النت بيعمل تقريبا 500 جنيه بس بصراحه أنا مش فاهم بيتغير إزاي لإن فيه شغل كهربا أنا مش فاهمه كويس .. و ماشوفتش أي حد بيغيره في البومه قبل كده !!!

          Comment


          • #6
            السلام عليكم. انا بالفعل رفعتها فى التوكيل لما شيكوا على كل الفيش و محدش قال ان الخبطه اثرت على القواعد او الفتيس. و الحمد لله من ساعه ما عملت ريسيت للفتيس فى الوكيل و اللمبه ما نورتش تانى.

            ربنا يطمنكوا و يكون بيتعملوا ريسيت بس و ما يتغيرش يحسن العربيه دى مصاريفها كتيييير

            شكرا للجميع

            Comment

            Working...
            X