الباجيرو .. و رحلة مفاجآت مع دايموند و الرواس و مصرية ..

[الريس]

السلام عليكم
اشتريت من اسبوعين تلاتة عربية باجيرو 2006 بفضل الله
اللي عجبنى في العربية دي بالذات ان صاحبها بيعمل صيانات في الرواس من الزيرو بالفواتير
المهم قررت اكشف عليها و استبعدت الرواس كنوع من الضمان و قررت اروح التوكيل الجديد دايموند و رحت فرع المعادي..
الفرع فاااااااااااااااضي تماما .. نضيف جدا .. كانه اتفتح امبارح
طلبو مبلغ خزعبلى للكشف .. بالتفاوض نزل ل 480
الناس فلو العربية بمعنى الكلمة 4 ساعات و 5 اختبار طريق و كانو كل ما يشوفو حاجة يندهولى
الخلاصة في شوية مفاجآت:
اولا .. الرواس بيركب قطع غيار غير اصلية و بيحاسب على انها اصلى
ثانيا .. الكشوفات بتاعة الرواس في الفواتير اهملت جوانب مهمة جدا في العربية
ثالثا .. جداول الصيانات غير مطابقة لتعليمات ميتسوبيشي
المهم كلمت كريم قلتله الحقني ادانى نمرة المهندس طارق زويل اللي هو زميلنا هنا و شغال في مصرية
كلمته قاللي الرواس فعلا بيستخدموا حاجات غير اصلي و تعالالى مصرية و الاسعار عندي ارخص و انا بتحدى
قلت ماشي..
رحتله مصريه اللي في قليوب
المهم
المكان زحمة .. ملعبك .. و وريتلو بتوع دياموند طلبو ايه و وعدنى ان الاسعار عنده احسن
بعد 4 ساعات طلعولى مقايسة
و المفاجأة .. 80% من قطع الغيار اغلى من دياموند و الباقى مش موجود و المصنعيات متقاربة جدا
كلمت طارق قلتله قاللي ما معناه .. دي الاسعار اللي عندي
قلتله ده غير اتفاقنا و مش هصلح عندكم
قالولي يبقى تدفع 300 ج كشف ..
خناقة و حكاية .. و بعدين بالزعيق بقو 200 .. دفعتهم غير راضي و العربية حكوها .. و مشيت بادعى على المهندس طارق .. انه جابنى على الفاضي و القصة كانت بس انى اعمل الشغل عندهم .. و كلمت كريم قاللى حقك تحكي اللى حصل على نايل موتورز
رجعت دايموند .. و هناك عرفت ان في موزع قطع غيار معتمد من التوكيل .. اسمه الهدي فيالمعادي
رحت اشتريت منه القطع بخصم 10% عن التوكيل و ركبتها و الحمد لله
الخلاصة
مصرية تستحق سحب التوكيل منها .. عدم اهتمام و لا مبالاه و مغالاه .. قرف
دايموند بيحاولوا يثبتوا نفسهم .. مهندسين مؤدبين و خدمة عملاء جيدة
ملحوظة انا معايا المقايسات بالفواتير علشان المصداقية للى يحب ابعتهمله

[hugan]

1000مبروك الباجيرو
عربتك لونها فضي
وعامله 115000 كيلو

[BASOOMVIP]

هو مش مصرية و الرواس تبع بعض ؟؟؟؟؟؟؟؟؟؟؟

[hilal]

هو مش مصرية و الرواس تبع بعض ؟؟؟؟؟؟؟؟؟؟؟

اعتقد ان المصرية مملوكة لشقيق سمير الريان
اما فرج الرواس فهو الوكيل السابق لميتسوبيشي قبل سحب التوكيل منه واسناده لدايموند

[الريس]

مصرية ملك فرج الرواس و هي وكيل ميتسوبيشي السابق
الرواس ملك اولاد فرج الرواس و كانت بتبيع الخليجي و مراكز خدمة معتمدة
و الصراحة الاتنين اي كلام

[الريس]

1000مبروك الباجيرو
عربتك لونها فضي
وعامله 115000 كيلو

الله يبارك فيك
مش هي

[MITSUKERO]

ايه وجع القلب ده ربنا يكون في عونك و كويس انك سألت قبل التركيب

ربنا يباركلك

[sonybony]

هكذا حال خدمه العملاء وما بعد البيع بمصر للاسف

[الريس]

هكذا حال خدمه العملاء وما بعد البيع بمصر للاسف

للاسف فعلا