يا جماعه بالله عليكم اللي يعرف يفيدني في التوكيل يبقي كتر خيره

[sharkawyhiline]

عايز منكم رد قاطع ونهائي
أشتري شارك خليجي ولا مصري بمعني أكتر أنا بتكلم علي الوكيل
الرواس ولا دايموند بغض النظر عن مواصفات العربيه لأني عارف ان معظم الناس هترشح المصري علشان ال 100000 كم والفبره اللي علي الموتور بتاع العازل
بس الفكره ان انا ميال للخليجي اكتر علشان التكييف وجودة التقفيل من كلام معظم اللي أعرفهم
فأرجوا منكم الافاده ضروري
وشكراً

[horas3000]

خليك في التوكيل
الضمان مهم

[MITSUKERO]

مفيش فرق في التكييف و التقفيل الاتنين زي بعض

[sharkawyhiline]

خليك في التوكيل
الضمان مهم

ماهو يا باشا الخليجي فيه ضمان 3 سنين او 60000 كم ايهما اقرب
والمصري 3 سنين او 100000 كم ومن وجهة نظري ان لو لقدر الله العربيه فيها حاجه مش هنعرف ناخد حق ولا باطل مع اي من التوكيلين او علي الاقل هيطلع عين الواحد الاول وبعد كده ممكن يطلع بحاجه وبرضوا بيتهيألي ان طالما العربيه عدت ال20000 كم من غير عيوب صناعه يبقي ان شاء الله مش هيحصل حاجه او لو حصل التوكيل مش هيعترف بعيوب صناعه ويقولك عيب يوزر

[sharkawyhiline]

مفيش فرق في التكييف و التقفيل الاتنين زي بعض

والله يا باشا ناس كتير بتقول ان فيه فرق علشان دول الخليج اشد حراره من عندنا لذلك بتفرق في البويه وقوة التكييف واعرف واحد معاه النترا خليجي بيقول ان الفرق واضح جدا حتي في خامة التابلوه والله اعلم

[Ahmed TRAVCO]

يا باشا وكيل ميتسوبيشي هو دايموند، يبقى بدون تفكير حضرتك تشتري من دايموند علشان لا قدر الله لو حصل حاجة تلاقي حد تكلمه وتشتكيه لليابان لو اضطريت... وربنا ما يجيبش حاجة وحشة!!

بالنسبة لموضوع المصري والخليجي، احب اقولك ان الشارك كلها -بلا استثناء- خليجي... يعني ايه؟؟ يعني كل العربيات الشارك اللي بتنزل لنا مواصفات خليجية وده بيبقى مكتوب على قايم باب السواق... انا عندي مكتوب ان العربية مطابقة للمواصفات القياسية لدول مجلس التعاون الخليجي... فمفيش قلق ان شاء الله لأن تكييف الشارك تلاجة والمراوح شدتها 8 درجات اراهنك لو استحملت تعليها عن 4 في عز عز الصيف...

مبروك مقدما بس أرجوك بلاش الفئة الأولى الفاضية خالص دي... لو مش متوفر انك تاخد اعلى فئة (تحفة) يبقى على الأقل تخليك في الفئة اللي فيها abs واتنين ايرباجز...

[spidars]

طب ايه افرق بين اعلي فئه في الخليجي والمصري يعني نفس الكمليات

[Ahmed TRAVCO]

طب ايه افرق بين اعلي فئه في الخليجي والمصري يعني نفس الكمليات

نفس كل حاجة لأن مفيش خليجي ومصري... كل الشارك خليجي زي ما قلت... زمان بقى كان فيه اختلافات بين الكويتي (اللي كان بينزل مصر) وبين الأردني والسعودي ودول كان فيهم بعض الاختلافات...
والله اعلم!!

[sharkawyhiline]

يا باشا وكيل ميتسوبيشي هو دايموند، يبقى بدون تفكير حضرتك تشتري من دايموند علشان لا قدر الله لو حصل حاجة تلاقي حد تكلمه وتشتكيه لليابان لو اضطريت... وربنا ما يجيبش حاجة وحشة!!

بالنسبة لموضوع المصري والخليجي، احب اقولك ان الشارك كلها -بلا استثناء- خليجي... يعني ايه؟؟ يعني كل العربيات الشارك اللي بتنزل لنا مواصفات خليجية وده بيبقى مكتوب على قايم باب السواق... انا عندي مكتوب ان العربية مطابقة للمواصفات القياسية لدول مجلس التعاون الخليجي... فمفيش قلق ان شاء الله لأن تكييف الشارك تلاجة والمراوح شدتها 8 درجات اراهنك لو استحملت تعليها عن 4 في عز عز الصيف...

مبروك مقدما بس أرجوك بلاش الفئة الأولى الفاضية خالص دي... لو مش متوفر انك تاخد اعلى فئة (تحفة) يبقى على الأقل تخليك في الفئة اللي فيها abs واتنين ايرباجز...

ربنا يكرمك يا باشا ويجازيك خييييير ووالله انت واحد من الناس اللي حببتني في الشارك وانا حجزت تاني فئة بس كان عندي سؤال بعد إذنك مع انه سابق لأوانه ... لو حبيت أركب كاميرا خلفيه لازم في التوكيل علشان الضمان ولا ينفع بره عادي ولو في التوكيل بكام ؟

[amro0000]

الخليجي احسن في كل حاجة ودا شي معروف هتلاقي التكيف اقوي والبوية العربية بتستحمل اكتر وغير كدة يافندم الخليج والدول دي بيدخلولهم الحاجة انضف واحلي مواصفات مصر دي بيجيبولها حاجة درجة تانيه وتالته انما دول الخليج بيجيبولها احلي حاجة طبعا لان الناس دي عندهم رقابة وعندهم ناس شغاله بجد مش زي عندنا تيجيلك العربية يسرقو منها الفلاتر ويحطولك فلاتر مضروبة انا رأي خليك في الخليجي

[Ahmed TRAVCO]

الخليجي احسن في كل حاجة ودا شي معروف هتلاقي التكيف اقوي والبوية العربية بتستحمل اكتر وغير كدة يافندم الخليج والدول دي بيدخلولهم الحاجة انضف واحلي مواصفات مصر دي بيجيبولها حاجة درجة تانيه وتالته انما دول الخليج بيجيبولها احلي حاجة طبعا لان الناس دي عندهم رقابة وعندهم ناس شغاله بجد مش زي عندنا تيجيلك العربية يسرقو منها الفلاتر ويحطولك فلاتر مضروبة انا رأي خليك في الخليجي

طيب ما هو اللي الوكيل بينزلها خليجي والله وده مكتوب على لوحة متبرشمة في قايم باب السواق + ان الخليجي بيكون رقم الشاسيه محفور في مقدمة التابلوه ناحية السواق (تشوفه من برة العربية) وده بالظبط اللي موجود في عربيات الوكيل...
دايموند هو وكيل ميتسوبيشي في مصر والخليج وكذا دولة اسيوية وغربية كمان، فالعربيات اللي عندنا هي نفسها اللي عند غيرنا وده من أول ما دايموند اخد التوكيل من الرواس... ده حتى كتالوج العربية بيقول وبيأكد انها مواصفات خليجية!!

[besokate]

انا انهاردة لفت نظرى حاجه صغيرة ان الخليجى بينزل فيها كاسيت صغير وكينوود لكن الوكيل بينزل فيها الكاسيت الاصلى

[Ahmed TRAVCO]

انا انهاردة لفت نظرى حاجه صغيرة ان الخليجى بينزل فيها كاسيت صغير وكينوود لكن الوكيل بينزل فيها الكاسيت الاصلى

ده لأن الرواس بيقلب العربية من الكاسيت الأوريجينال وليس لاختلاف المواصفات بين عربيات الوكيل او غيره!