إلى اصحاب اللانسر بومة ... سؤال هام

[koko616]

عربيتي لانسر بومة 1300 سي سي ... موديل 2007 ... خليجي

انا كملت 80 الف كيلو و عايز اعمل صيانة ال 80 ... مع العلم ان العربية موديتهاش ولا مرة التوكيل
كنت شاريها مستعملة على 44 الف كيلو و كنت مغير سيور و فلاتر و كله بحاجات كوبي


انا دلوقتي عايز اغير الحاجات بتاعت صيانة ال80 بس تكون اصلية و انا من اسماعيلية
في صفحة على الفيس بوك بيقول انه بيبيع قطع الغيار الاصلية و فيه شحن للمحافظات ... فبفكر اخليه يشحنلي الحاجات الخاصة بصيانة ال 80 ... و اغيرها عند ميكانيكي


و دي الصفحة :

https://www.facebook.com/Egy.parts

هل الكلام ده مضمون ؟؟؟؟

[tarekmaher]

في توكيل في اسماعيلية
طريق نفيشة وكل حاجة هناك هتكون اصلي واظن انه اضمن من انك تشتري من بره

[koko616]

طب ده هيكلف كام ؟ انا عندي مشكلة في الفلوس لو الحوار زاد عن 3500

[J A G U A R]

اشترى انت بنفسك اضمنلك

[tarekmaher]

ممكن توصل لغاية هناك وتسال بس اغلب الظن ان المبلغ يكفي
وممكن عشان الضريبة هات الحاجة من التوكيل واي حد يركبها بره
في محل اسمه العدوي في الافرنج عند فرن العمدة وسوبر ماركت سلمي بتاع زيوت وصاحبه اسمه الحاج مجدي العدوي يقدر يفيدك وهو يسالك في التوكيل والاحسن انك توصل التوكيل اسال بنفسك

[koko616]

اشتري منين انا من اسماعيليية و معرفش حاجة

[koko616]

انت قصدك توكيل نفشية يا طارق ؟؟؟

[BASOOMVIP]

الصراحة معرفش مضمون و لا لا بس هو اغلى من التوكيل بفارق كبير وكذا مرة اسأل و اسال فى التوكيل الاقى التوكيل ارخص .. نصيحة التوكيل هيبقى ارخص و اضمن

[koko616]

انهي توكيل ؟

[amro0000]

شوف ياباشا اجبهالك من الاخر مع احترامي انا شوفت الصفحة دي وبصراحة ناس محترمة وانا متأكد ان حاجتهم اصلي باين من صور قطع الغيار الي حاطينها والشهادة لله انا مشتريتش منهم لاني دايما عندي اقتناع بيني وبين نفسي ان التوكيل هوة الاصلي السليم الي اما اشتري حاجة من عندهم والاقي فيها مشكله هعرف ارجعلهم واتكلم معاهم نصيحة مادام انك من اسماعلية خلي حد كويس من القاهرة يشتريلك الحاجة من دايموند او الرواس ودول مشهورين وبيبيعو قطع غيار اصليه ولو ملكش حد اخطفلك يوم فسحة كدة في القاهرة وبلمرة هات الحاجة بتاعتك بنفسك من التوكيل اضمن واحسن ميت مرة دا لو مكنش عندكو الرواس او دايموند وعلي فكرة انا قريت انك غيرت حجات كوبي وهديلك نصيحة سير الكاتينه اوعاااااااااك اوعاك تغيره كوبي انا الي افتكرة انك في صيانة ال 80 الف المفروض تغير طقم الكاتينه كله سير وبلي الشداد والبوجيهات هيكلفوك حوالي الف جنية وبلمرة غيرلك فلتر بنزين ب 650 جنية وفلتر هوا ب 200 جنية وطبعا لو مغيرتش زيت غيرة واشتري فلتر زيت اصلي من عندهم هتلاقي الفلتر عامل حوالي 70 جنية بس اصلي اصلي وربط عفشه وياسلام لو تعمل ايدل ليزن يعني تنضف الرشاشات لو كانت عربيتك مخنوقة وفية اولسية بيتغير في صيانه ال 80 اسمة اولسية كرنك بس اعتقد ملوش لزمة مادام الاولسية مش جايب زيت عندك او بيرشح زيت لو لاحظت حاجة اكيد لازم تغيرة فورا اعتقد الحجات دي مش هتكلفك حتي الفين جنية او قول الفين جنية بلمصنعية وكدة ونصيحة هات حاجتك الاصلي بنفسك واتمني اني اكون قدرت افيدك علي قد ماقدرت

[koko616]

طيب معلش يا عمرو .... هتكلفني 2000 لو غيرتها في التوكيل ولا لو اشتريت من التوكيل و غيرت برا ؟؟؟

[tarekmaher]

[gdwl]انت قصدك توكيل نفشية يا طارق ؟؟؟[/gdwl]
ايوه توكيل نفيشة

[koko616]

تمام هروحله كده اشوف ايه نظامه ... بس على ما اعتقد ده مركز صيانة مش توكيل معتمد