صوت صفير هوا فى لانسر 2009

[samy_e]

السلام عليكم ورحمة الله وبركاتة

اشتريت عربية لانسر سوبر اكشن 2009

من حوالى شهر و لما وصلت السرعه على 80 فما فوق والزجاج كله مغلق بسمع صفير هواء من الجزء الخاص بالسواق ولكن لا يدخل السيارة فقط صوت خارجي .

مع العلم كان معاية قبلها لانسر 2005 وكنت بمشي على 160 ومكنش فيه الكلام ده خالص .

مع العلم ان العربية الجديدة ماشية 77 الف والحالة جيدة وروحت لسمركى اتشقلب فى العربية ما بين الكارتيرات والفوانييس والأبواب وعزلهم ... ومفيش فايدة

والتوكيل نفس النظام بيقولى من جرايد الزجاج الأمامى وبرضوا نفس صوت الهوا من سرعه 80 لما فوق ..

فهل ده طبيعى فى الموديل ده ولا ايه ؟

[David Micheal]

معتقدش يا زعيم انه ده الطبيعي انا معايا 2007 و بجيب ال 190 و مش بسمع اي هوا
شيك علي الازاز القداماني شويه الاصلي ولا متغير لو متغير ممكن لما تقفل يكون الكاوتش مش راكب في حته كويس او الجرايد بتاعت الازاز معوجه سنه ولا حاجة

[samy_e]

الزجاج الأمامى اصلي ... والسمكرى شافه وشاف الكاوتش لاقاه راكب كويس

...

طيب مين تانى يشوف موضوع الزجاج ده غير السمكرى ؟

[moe gawad]

ممكن حضرتك تراجع الموضوع عند واحد بتاع ابواب او بتاع زجاج كويس, فيه مثلاً محلات السباعى للزجاج فى ميدان الاسماعيليه ,
و ممكن كمان يجون فى مكان الفوجات فى الاكصدام الامامى او مكان تهوية الشبكه.
لو تحب نبوصلك عليها كلمنى

[samy_e]

ممكن حضرتك تراجع الموضوع عند واحد بتاع ابواب او بتاع زجاج كويس, فيه مثلاً محلات السباعى للزجاج فى ميدان الاسماعيليه ,
و ممكن كمان يجون فى مكان الفوجات فى الاكصدام الامامى او مكان تهوية الشبكه.
لو تحب نبوصلك عليها كلمنى

انا من المنصورة ... وجاتلى فكرة انى الصق سولتيب عريض على جوانات الزجاج الأمامى وزجاجى الباب للسواق وكمان قايم الباب علشان اقفل كل الفراغات الموجودة فى الناحية دى.

لدرجة واحد ضحك عليا وقالى ناقص تحطها فى كارتونة وبرضوا الصوت موجود هوا هوا ولا زاد ولانقص ...

وعديت على السمكرى تانى ووريتة اللى عملته وشاف الكارتيرات تانى وشيك على كل حاجة فى الكبوت ... ومفيش فايدة

[madman2002]

انا مش عارف انت قصدك على حاجه زى كده ولا لا .. بس انا طلعت عندى المشكله مشكله بليه العجله الاماميه .. هيه اللى كانت عامله الصوت ده

[samy_e]

صوت هوا واضح وليست صوت صفارة احتكاك ...

يعنى بالظبط اكنك فاتح الشباك حاجة بسيطة كده بتمسع هوا ولكن مفيش هوا بيدخل للصالون فقط الصوت من الخارج ..زي ما تكون حاجة بتجمع الهوا فتعمل الصوت ده من برا ...

[BASOOMVIP]

طب جرب شوف فتحة التكيف اللى جنب شباك السواق يمكن يكون فيها تنفيس و لا حاجة

[د.أبونضال]

شوف بوابة الهوا الخارجي بتاعة التكييف ...

[madman2002]

صدقنى يا باشا .. انا فاهم قصدك وطلعت عندى البليه

[samy_e]

طب جرب شوف فتحة التكيف اللى جنب شباك السواق يمكن يكون فيها تنفيس و لا حاجة

شوف بوابة الهوا الخارجي بتاعة التكييف ...

انا لسه جاى حالا من الطريق السريع وكنت قفلت فتحات الشبكة الأمامية ( امام الرداتير ) ومشيت بسرعه اكتر وحسيت انه من الهوايات تحت المساحات بكرة إن شاء الله اجرب اسدها واشوف كده

صدقنى يا باشا .. انا فاهم قصدك وطلعت عندى البليه

إن شاء الله اشوفها برضوا واشيك كده على العفشة

[samy_e]

للأسف حتى بعد ما قفلت الشبكة الأمامية و كمان قفلت الهوايات تحت المساحات و كمان حطيت اسفنج فى فواصل الباب نفس صوت الهوا موجود ...

بصراحة بدأت ايئس من حل للموضوع ده ... :(