تنضيف العربية - التراب هايجنني

[magued2001]

يا جماعة من ساعة ما اشتريت عربيتي الزيرو و التراب مجنني! العربية ما بتقعدش 48 ساعة على بعض من غير ما تلم طبقة تراب عليها.

سمعت إن في الكار كير بيفرشوا طبقة شمع و أنا لسة مش فاهم الموضوع ده أوي هل بيضر الدهان ولا لأ خصوصاً إن حد قاللي إن فوطة السايس اللي بيمسح بيها كل العربيات دي بتضر الدهان على المدى الطويل.

عاوز نصيحتكم أغسلها في بنزينة ولا كار كير؟ و أرجوكم اللي جرّب كار كير كويس و أسعاره كويسة ينصحني بيه.

[kokowasfy]

متابع وبردو عاوز حل لقطط الى بتمشى على الازاز كل يوم و قرفتنى جداااااا

[amdd]

متابع وبردو عاوز حل لقطط الى بتمشى على الازاز كل يوم و قرفتنى جداااااا

حل نص نص
لو على البربريز ممكن حط عليها حتة كرتونه بعرض الازاز وتقفل عليه المساحات

[amdd]

يا جماعة من ساعة ما اشتريت عربيتي الزيرو و التراب مجنني! العربية ما بتقعدش 48 ساعة على بعض من غير ما تلم طبقة تراب عليها.

سمعت إن في الكار كير بيفرشوا طبقة شمع و أنا لسة مش فاهم الموضوع ده أوي هل بيضر الدهان ولا لأ خصوصاً إن حد قاللي إن فوطة السايس اللي بيمسح بيها كل العربيات دي بتضر الدهان على المدى الطويل.

عاوز نصيحتكم أغسلها في بنزينة ولا كار كير؟ و أرجوكم اللي جرّب كار كير كويس و أسعاره كويسة ينصحني بيه.

على مدى علمى ان طبقة الشمع بتتعمل مرتين فى السنة تقريبا مفيده لجسم العربية كعازل من الرطوبه والمياه لكن بتلم تراب كتير فلو مشكلتك فى التراب اعتقد ان موضوع الشمع مش هيديك النتيجة المطلوبة
فعلا فوطة السايس مع المدى الطويل او اى فوطة فيها تراب بتعمل زى دواير فى الدهان بتبان فى مع تسليط الضوء عليها

[foxhonda2008]

بوص يا باشا
الكار كير حلو و جميل و توحفه بس غالي شويه ممكن تعمله مره في الشهر ب150 و العربيه تتغسل عادي كل اربع و خمس ايام
انا بعاني زيك بالظبط من التراب
و حاول تركنها في جراش متسبهاش في الشارع
بالنسبه للشمع مش بيضر بس مالوش لازمه مع كميه التراب الموجوده
ولو عايز كار كير كويس بعد تجربه حوالي 5 اماكن
و توصلت اخيرا لواحد فعلا بيخليك مبسوط بعد استلام العربيه و على ضمانتي كمان يا عم

[khaled_sabry]

و حاول تركنها في جراش متسبهاش في الشارع
بالنسبه للشمع مش بيضر بس مالوش لازمه مع كميه التراب الموجوده
ولو عايز كار كير كويس بعد تجربه حوالي 5 اماكن
و توصلت اخيرا لواحد فعلا بيخليك مبسوط بعد استلام العربيه و على ضمانتي كمان يا عم

فين الكار كير اللى بتقول عليه ده ؟؟؟

انا بفكر فعلا فى جراش لأنى حشد العربيه سمكره و دوكو و حتبقى صعبانه عليا اسيبها فى الشارع
لكن انا جربت جراش مره قبل كده (وقت الانفلات الامنى فى اول الثوره) و بصراحه ماكملتش الشهر اللى كنت دافع حسابه
لأنى لاقيت ان السايس مش بيلحق ينضف العربيه (لأنى بنزل الشغل الساعه 6 و نص و الباشا مابيبقاش صحى من النوم ) و كمان كنت بحس بكرسى السواق دافى كأن حد كان فيها لغايه لما قفشت السايس افندى طلع بينام جواها - من ساعتها اتعقدت من الجراشات
نفسى فى جراج كده يبقى زى المحل ادخل العربيه فيه و اقفل عليه بمزاجى و ماحدش يلعب فى العربيه و ما اديش مفتاحها لحد

[magued2001]

متابع وبردو عاوز حل لقطط الى بتمشى على الازاز كل يوم و قرفتنى جداااااا

القطط و الكلاب دي حوار تاني بشع، رغم إني باركن في جراج كبير ماسلمتش من الكلاب و للأسف خدشولي الكابوت بعد 3 أسابيع من استلام العربية :(

[magued2001]

بوص يا باشا
الكار كير حلو و جميل و توحفه بس غالي شويه ممكن تعمله مره في الشهر ب150 و العربيه تتغسل عادي كل اربع و خمس ايام
انا بعاني زيك بالظبط من التراب
و حاول تركنها في جراش متسبهاش في الشارع
بالنسبه للشمع مش بيضر بس مالوش لازمه مع كميه التراب الموجوده
ولو عايز كار كير كويس بعد تجربه حوالي 5 اماكن
و توصلت اخيرا لواحد فعلا بيخليك مبسوط بعد استلام العربيه و على ضمانتي كمان يا عم

صدقني باركنها في جراج حواليه سور و أمان جداً لكن ماسلمتش من التراب و الكلاب. خلاص كدة هاصرف نظر عن الشمع، يا ريت تشاركنا بالكار كير اللي استريحت فيه

[magued2001]

يا ريت يا جماعة تشاركونا بكار كير جربتوه على ضمانتكم

[foxhonda2008]

الكار كير ده في المريوطيه فيصل و الله على ضمانتي انا عملت عنده مرتين و فعلا جامد جدا جدا
و لو عايز حد يروح يقولوا انه من طرف احمد بتاع الهوندا السودا و هيعملوا كمان خصم
ولو حد عايز العنوان بالتفصيل
المريوطيه فيصل ش اللبيني بجوار اسواق بلال و كافيه العمده
وده رقمي 01111115933 عشان لو حد معرفش يوصل

[mahmoud_ali]

هوا انت ليه يا باشا مش بتغطيها؟؟؟

[Ahmed.Essam]

حد علىالعربية شمع بس اعمله بنفسك يستحسن
انا جربت من اسبوع Formula 1


سهل جدا في فرشه على العربية لكن رخامته وانت بتشيله واي شمع هيبقى رخامته في تنضيفه واهم حاجة تعمل الشمع على العربية في النور عشان وانت بتشيله من العربية تبقى شايف بواقي الشمع وتشيلها كويس وكل ده طبعا بعد ما تغسل العربية غسلة كويسة
استخدم فوطة لفرش الشمع على العربية
وفوطتين تشيل بيهم الشمع بعد ما ينشف تبدل بينهم عشان لو واحدة مبقتش بتنضف كويس تستخدم التانية

فوايد الشمع اتقالت في المنتدى قبل كده وهي باختصار تدي لمعة للعربية
وبتسهل تنضيف التراب من العربية لانه ما بيزلقش على الدهان
بتقلل من الخرابيش البسيطة اللي بتحصل من القطط او الفوط الزفرة

[magued2001]

هوا انت ليه يا باشا مش بتغطيها؟؟؟

في الزمن ده مابقاش فيه وقت تغطي و تشيل يومياً أو أكتر من مرة ف اليوم، وبعدين أنا باجي بيها الشغل و أسيبها تحت 9 ساعات بتاخد فيها شوية تراب مش بطالين برضو.