إيقاف اذار السرعة

[marionawy]

من فضلكم أنا عايز ألغى الانذار بتاع السرعة اللى بيشتغل على 120 علشان بصراحه مزعج جدا، و روحت لرضا الكهربائى اللى فى الحى السابع مدينة نصر وقاللى مش عارف بيتعمل ازاى فالو حد يعرف أعملو فين ياريت يقولى أو لو ممكن أعملو بنفسى وخلاص بس إزاى؟؟؟

وشكرا

[mahmoud_ali]

الغربيه ان عربيتى مفيهاش انذار السرعه ده مش عارف ليه

[أسامه طياره]

مزعج فعلا وفي عربيات تانيه ممله اكتر بتنور في التابلوه وتدي انذار عشان ربط الحزام كمان .. مدينة نصر في مركز صيانه كبيره واكيد الموضوع ليه حل متدايقش نفسك

[takerdx]

السلام عليكم :)
انا كان عندي نفس المشكلة بضايق منوا و لفيت كتيير كلة اجمع ان بلاش تعملوا
عشان هو دا ضمن كمبيوتر العربية و صعب تعديلو
الحل : انا عن نفسي بعلي الكاسيت

[abogoda]

الانذار مهم جداً لان الواحد ممكن يسرح وما يخدش باله ان العربية عدت ال120

[فتح الباب]

هو عباره عن سماعه صغيره جدا
ابحث عن مكان تثبيتها وافصل فيشتها
ولا اى ضرر وما زال الكومبيوتر يصدر اشاراته للفيشه التى تم الغاؤها اى بدون صوت
يختلف مكان الاسبيكر من سياره لاخرى وموديل لاخر

[mamd_3000]

الغربيه ان عربيتى مفيهاش انذار السرعه ده مش عارف ليه

العربيات الخليجى مفيهاش انذار سرعة ذى عندى

[ahhazem]

ياباشا عاوز تلغيه ليه؟
الانذار ده معمول علشان ينبهك لو سرحت وعديت ال ١٢٠
انا نفسي اركبه في عربيتي مع العلم انها موديل ٢٠١٢ ومش عارف ازاي مفيهاش انذار سرعة
حد يعرف ممكن الواحد يعمل ايه؟

[mahmoud_ali]

العربيات الخليجى مفيهاش انذار سرعة ذى عندى

انا قولت كده برضوا

[MR . Gold]

العربيات الخليجى مفيهاش انذار سرعة ذى عندى

ياباشا بالعكس انذار السرعة بينزل فقط في الانسر الخليجي .. انما الوكيل مش بينزل فية

[mahmoud_ali]

ياباشا بالعكس انذار السرعة بينزل فقط في الانسر الخليجي .. انما الوكيل مش بينزل فية

طب ما انا يا باشا عربيتى خليجى ومفيهاش انذار سرعه

[yousefsemsem]

بص هو الموضوع صعب شويه بس ممكن تعمله هتفك العداد تمام
وهتلاقي حساس صغير كده بسلك مربوط في عداد السرعه من الخلف والمسمار بتاعه اللي مربوط بيه ملمس ارضي مه الخريطه فكهه واربط المسمار تاني وتمام كده فصل

[MR . Gold]

طب ما انا يا باشا عربيتى خليجى ومفيهاش انذار سرعه

ياباشا اي عربية خليجي كويتي او سعودي بتنزل بالانذار غير كدة لا .. يبقي عربية حضرتك وكيل او خليجي اردني والاتنين مش بينزلوا بالانذار .. حياتي لحضرتك