للخبراء ( مشكلة صعبة)

[tato2009]

سافرت بالعربية 400 كيلو
وقضيت مشاويري وفي اليوم الثالث لقيت مؤشر الحرارة داخل علي الاتش
المهم وقفت وفتحت الكبوت وشوفت القربة لقيتها مليانة ميه خضراء رحت فتحت الريداتير بعد ما حطيت علية غطاء العربية طبعا
ولاد الحلال ساعدوني بالمية لقيت الريداتير فاضي المهم العربية بردت وتاني يوم رحت لواحد كويس بتاع ريداتير فك ونضف وكبس مالقيش حاجة لا خرم ولا تسريب المهم قفل وانا راجع الـ 400 كيلة حصلت نفس الحكاية مرتين في الطريق
مش عارف اعمل اية واية الموضوع
ارجوكم افيدوني العربية بومة 1300 اوتو 2007

[mahmoud85]

اعتقد الردياتير بينفخ المياه ودي بتحصل لما يكون فيه حاجه في جوان وش السلندر اغلب الظن
حاول تعرضها علي ميكانيكي نضيف وان شاء الله تكون حاجه لسه في بدايتها بس اوصلها عشان ما تكبرش

[abogoda]

فعلاً ممكن يكون جوان وش السلندر ضرب

[fadi atef fayz]

فى احتمالين
الاول ان وش الردياتير فعلا مش محكم الغلق فمع الحرارة العالية و البخار بيتسرب منة
و التانى و يساعد على الاول اتاكد من ان المروحتين شغالين مع بعض مش واحدة بس الى شغالة

[mahmoud_ali]

خلى الميكانيكى يشوفها افضل

[tato2009]

المروحتين شغالين
امتي وش السلندر يضرب دا الحرارة يمكن ما عليتش علي المؤشر اكتر من 5 دقايق وكنت باقف والحقها

[spidars]

ممكن ثرمثتا ت الكوعه لان حضرتك القربه الاحطياطي مليانه والرداتير مفهوش ميه

[AhmedNaeem]

غالبا ثرموستات الكوعة معلق

[tato2009]

شكرا لكم جميعا
لقيت جوان وش سلندر
وعملته الحمد لله امبارح
بس اللي محيرني اية السبب دا انا بحافظ علي العربية جدا
ارجوكم حد يشرحلي عمل المراوح وامتي تشتغل وامتي تبطل
علشان ممكن امشي نصف ساعة والمؤشر ما يوصلش للنص والمراوح لا تعمل
وهل يصح نعمل مفتاح للمراوح
اية رايكم

[mahmoud85]

معني انك تمشي والمؤشر مايوصلش للنص ان العربيه بتبرد وده معناه الوحيد ان ترموستات الكوعه متشال وده بياثر علي عمر الموتور واستهلاك البنزين والافضل تتاكد منه وتركبه لو متشال
الجوان ليه عمر افتراضي وعادي جدا انه ينشف او يشقق او يضرب حتي المهم انك توصله اول ما ااعراضه تبدا في الظهور

[Egy_fan]

السلام عليكم. العربيه ماشيه كم كيلو؟

لأن الجوان بيتغير بعد عدد من كميترات و مش لازم يكون فى مشكله فى حاجه

[abogoda]

نادر جداً ان مراوح البومة تشتغل العربيه حوضها واسع وتبريدها فوق الممتاز وخصوصاً في الشتاء

[abogoda]

موضوع عمل مفتاح للمراوح مضحك شوية (((اعذرني)) اللانسر عربية اعتمادية ومش محتاجة حاجة بس خلي بالك من الصيانة الدورية بس وكل شويه عدي علي مكانيكي أمين ويكون معرفة بما ان خبرتك بالعربيه لسة في بدايتها

[mamd_3000]

شكرا لكم جميعا
لقيت جوان وش سلندر
وعملته الحمد لله امبارح
بس اللي محيرني اية السبب دا انا بحافظ علي العربية جدا
ارجوكم حد يشرحلي عمل المراوح وامتي تشتغل وامتي تبطل
علشان ممكن امشي نصف ساعة والمؤشر ما يوصلش للنص والمراوح لا تعمل
وهل يصح نعمل مفتاح للمراوح
اية رايكم

اتكلف كام ومنين القطع

[tato2009]

السلام عليكم
ها اكشف علي ثرموستات الكوعة
هل لازم اظبط تاكيهات
بعد العملية دي