طريقة تغيير لون نور العدادات - كريستاله 96 - 2000

[Bonanza]

السلام عليكم و رحمة الله و بركاته


ندخل في الموضوع علي طول

لو عاوز تغير نور عدادك و بتكلفة اقل من خمسة جنيه

لو عاوز نور عدادك يبقي بالشكل ده ( نأسف لعدم جودة الاضائه )





تابع الموضوع


اولا الخامات و العدة المستخدمة





1- حوالي ربع متر ستيكر احمر فامية بتاع الفوانيس ( مش بتاع الزجاج ) من اي محل اكسسوارات ولازم يكون فامية عشان الضوء يبقي قوي و دي الحاجة الوحيدة اللي هاندفع فيها فلوس و التكلفة اقل من خمسة جنيه

2- جيفت او ملقاط رفيع

3- مفك صليبه

4- مقص



ثانيا طريقة الفك و التركيب

و لمعرفة طريقة فك العداد هاستعين بصور اخويا و صديقي محمود MOMO صاحب الصور و الشرح الوافي عليها .. كتر خيرك يا صديقي


اولا ننزل دراع تعديل مستوي الدركسيون لاقل مستوي تحت عشان نعرف نخرج العداد

و بعدين نفك كما بالصور





و نشيل الباغة السوداء بحرص


ثم





و نشيل العداد خالص و ده شرح من MOMO للمبات انارة العداد للافادة




و بعدين نيجي لفك العداد من بعضه بقي


اولا العداد فيه باغة شفافة متثبتة عن طريق كليبسات فقط لا غير من فوق و من اسفل و من علي الجانبين نفك الكليبسات بحرص


و بعدين نفك مسامير الباغة السوداء و كليبساتها








و بكده يبقي عندنا شكل زي كده ( الصورة لعداد اخر و لكن نفس الشكل تماما من الداخل )




ثم نفك مسامير عداد عداد عن طريق المسامير في الصورة التالية





و بعدين نبتدي الشغل بقي

بدون اي فك لورق العداد مجرد تزق بطرف صباعك الورقة للخارج قليلا و تلزق الستيكر عليها من الخلف

ملحوظة " عشان تعرف تشوف الشرطات بتاعة العداد بشكل افضب استخدم نور في الجهة المقابلة لورقة العداد "

نلزق الستيكر بالشكل ده








و بكده نبقي خلصنا اول عداد




نركبة و نفك اللي بعده و نلزق بنفس الطريقة

كل واحد حر في الشكل اللي يعجبة و الوان الستيكر الي يستخدمها بس اهم حاجة انه يبقي ستيكر فامية ( شفاف )

و ده اكتر شكل عجبني اضائة حمرا و ابيض

و ده الشكل النهائي للعدادات بعد التركيب علي العربية












و مبروك عليك اضائة جديدة للعداد بأقل التكاليف

[husseinthemaster]

ممتاز

[amirz]

فكرة حلوة وممكن تنفع لمعظم العربيات

[S O P H O S]

رائع ما شاء الله

[MITSUKERO]

تقرير ممتاز الف الف شكر

[J A G U A R]

مجهود جميل ..
تسلم ..

[amr elsisi]

الله ينور

[momo44]

الله ينور
شغل عااااااااااااااالى

[abdo1234456]

أجمد تعديل حتى الان وفكرة التقطيع دى جباره ... تسلم فعلا :)

[M.Elgergawy]

تسلم ايدك يا سمسم ;-)

Sent from my GT-I9300 using Forum Runner

[ahmed_mashtoly]

تم عمل التجربة يا اسامة وشكلة جميل جدا

[ahmed_mashtoly]

[IMG][/IMG]


[IMG][/IMG]
[IMG][/IMG]

[ahmed_mashtoly]

بس انا معملتهاش بنفس الطريقة بتاعتك بالملى يا اسامة
الحطوط اللى بين العلامه البيضه والعلامه البيضه ده عملتها قطعة واحده على بعضها
ومعلش معرفتش اصور خطوات العمل علشان الموضوع عاوز طولة بال وانا كنت تعبان جدا

[Bonanza]

عاش يا احمد باشا الله ينور عليك

انا ابتديت في الاول زيك كده الشرطات الرفيعة كلها مرة واحدة بس فضلت اني اعمل كل شرطة لوحدها لاني مكنتش عارف حتة الفامية اللي معايا هاتكفي ولا لأ فا مكنتش عاوز اهدر كتير منها .. و النتيجة اني استخدمت للعداد كله حتة اصغر من كف اليد :)

[husseinthemaster]

تمام انا كنت عامل كدة في لانسر بطة بس عداد الكيلومتر نغير لونة ازاي