ارجوكم ساعدونى

[mohamed salhin]

السلام عليكم
انا جاى لحضراتكم من منتدى هيونداى وعندى امل فى الله اولا ثم فيكم انكم تحلولى المشكلة دى :
1- عداد الار بى ام مش شغال ووديته لكهربائى ومعرفش يعملو
2- فى لمبه منورة فى التابلوه وهى srs ومش عارف هى بتاعت ايه ؟
3- ممكن حد يبعت كتلوج العربيه وهى متسوبيشى لانسر بومه موديل 2008
والسلام عليكم ورحمة الله وبركاته

[amro0000]

انتي مشاكلك في العربية بصراحة كهربة واضح كدة ولازم تروح لكهربائي كبير او التوكيل لان الكهربة حساسة لو يشتغلك فيها اي واحد مش فاهم تبقي مشكله انصحك تروح التوكيل او تتصل بورشة المتخصصون تقولهم الموضوع دا وهمة ينصحوك تعمل اية ودة رقم الاسطي خالد وبلنسبة للورشة دي ورشة مشهورة الي شغالين فيها بيشتغلو اصلا في توكيل ميتسوبيشي وهيفيدوك جدا جدا وتفضل رقمهم 01221512918
دا رقم الاسطي خالد وبلنسبة للكتالوج انا معايا بتاع 2007 مش عارف هيفيدك ولا لاء بس قولي ازاي انزله هنا او عاوز تستفسر عن اية وانا اقولك

[mohamed salhin]

انا شاكر حضرتك جدا
اولا انا ساكن فى الاقصر ومش هقدر اسافر للقاهرة عشان بصراحه مشوار ممل وطويل جدا تانى حاجة لو ممكن ينفع ابعت الكتالوج على الايميل دا m.salhein@yahoo.com

[mohamed salhin]

طيب لمبه srs بتاعت ايه ؟

[amro0000]

اللمبة دي بتاعة الاير باج الوسادة الهوائية ودي ساعات بتنور بسبب مشاكل كهربة او بسبب شريط الايرباج انه فية عطل ودا غالي بحوالي الف جنية

[dr/hamza]

طيب لمبه srs بتاعت ايه ؟

دى لمبة الايرباج...ممكن يكون حساس الايرباج..اكشف عليها فى مكان محترم دى كهربا مش لعبة..

[amro0000]

فعلا عندك حق مشكله الكهربة بلخصوص مش لعبة تخيل حضرتك عشان واحد اكل مطب قوي في الجيزة كسرله الفوجتات الي تحت الشبورة يعني قامت السلوك لمست قامت الضفيرة ساحت والعربية ولعت بسبب مطب حاجة بسيطة لا يمكن ان تخطر علي عقل واحد وعربية موديل 2013 هونداي كمان اوعا تهزر في موضوع الكهربة او تستهون بية اللهم بلغنا

[mohamed salhin]

انا شاكر حضراتكم جدا بس العربيه مش بتعتى العربيه دى بتاعت عمى وسايبها عندى وكانت الحاجات دى سألنى عليها وانا قلتله هسأل الرجالة هنا فى المنتدى

[mohamed salhin]

طيب لو عملت ايدل ليرن ممكن تروح المشكلة ؟

[amro0000]

طيب لو عملت ايدل ليرن ممكن تروح المشكلة ؟

معتقدش بس عموما جرب شيل كابل البطارية وحطة بعد عشر دقايق ولا ربع ساعة وجرب يمكن

[أبو إياد]

عداد rpm هاتعمل حاجتين هاتروح للميكانيكى يشوف الفيشه اللى راكبه فى حوض العربيه وهايقدر يعرف هى سليمه ولا فيها مشكله
الحاجه التانيه فى حاله ان الفيشه سليمه هايبقى اكيد باذن الله عيب فيوز

اما srs ده شريط الكلاكس الموجود داخل الطاره اكيد اتقطع وده لازم يتغير وسعره استيراد دلوقتى وصل ل 500ج وده بيتقطع بسبب عدم ظبط زوايا العجل باستمرار ولو العيب زاد معاك مش هتلاقى كلاكس شغال