حاجة مهمة جدا حصلت وحبيت احكيها بخصوص الكهربة

[amro0000]

بصو في البداية هوة الكلام مش علي الانسر بس الحكاية وما فيها اني شوفت عربية هونداي زيرو من كام يوم بتولع في الدقي في شارع التحرير عربية زيرو زيرو بمعني الكلمة المهم بعد ما هدي الموقف والحمد لله الناس ساعدو صاحب العربية وكنت من ضمنهم بعد ما وقفت مع صاحبها بسأله ازاي دا حصل فقالي انه فية مطب جامد كان علي اول الشارع اخدة المهم المطب دا كسرله الفوجتات الي هيا الشبورة وطبعا اللمض وقعت واتفضل السلوك بتاعتهم قامت السلوك دي لمست في بعض والكلام دا طبعا الي حصل فحاجة بسيطة جدا زي دي شوفو ضيعت عربية وضفيرة عربية زيرو عشان سبب تافة اوي الي هيا الكهربة فياريت ياجماعة ناخد بالنا اوي من اي حاجة في الكهربة بلخصوص ودا طبعا لاني اكتشفت انها حاجة مهمة جدااا لاني كان ليا موقف سيئ جدا مع اول عربية ليا في حياتي بسبب استهواني بلكهربة فقولت اقول الموضوع دا بس للافادة والتنبية يمكن اكون سبب في توعية شخص يجهل بحاجة بسيطة زي دي

[Ahmed_Ramadan]

تصدق أنا عندى الفوجات مكسورة من زمان و متشالة و السلوك بتاعتها كانت عريانة و نازلة تحت العربية و سبحان الله أنا من نفسى فى مرة جبت شيكرتون و لفيته على أطراف السلوك علشان أعزلها علشان موضوع التلميس ده

[misho2008]

بصو في البداية هوة الكلام مش علي الانسر بس الحكاية وما فيها اني شوفت عربية هونداي زيرو من كام يوم بتولع في الدقي في شارع التحرير عربية زيرو زيرو بمعني الكلمة المهم بعد ما هدي الموقف والحمد لله الناس ساعدو صاحب العربية وكنت من ضمنهم بعد ما وقفت مع صاحبها بسأله ازاي دا حصل فقالي انه فية مطب جامد كان علي اول الشارع اخدة المهم المطب دا كسرله الفوجتات الي هيا الشبورة وطبعا اللمض وقعت واتفضل السلوك بتاعتهم قامت السلوك دي لمست في بعض والكلام دا طبعا الي حصل فحاجة بسيطة جدا زي دي شوفو ضيعت عربية وضفيرة عربية زيرو عشان سبب تافة اوي الي هيا الكهربة فياريت ياجماعة ناخد بالنا اوي من اي حاجة في الكهربة بلخصوص ودا طبعا لاني اكتشفت انها حاجة مهمة جدااا لاني كان ليا موقف سيئ جدا مع اول عربية ليا في حياتي بسبب استهواني بلكهربة فقولت اقول الموضوع دا بس للافادة والتنبية يمكن اكون سبب في توعية شخص يجهل بحاجة بسيطة زي دي

تعديل بسيط الكهربا عمرها ما تكون واصلة للسك المقطوع الا لو كان مشغل الفوج لايت
لكن لو الدنيا كانت نهار هيشغل الفوج لية؟؟؟؟؟

[hilal]

حصلت معايا زمان
كان عندي عربية رينو وحبيت اعمل سمكرة في الرفرف اليمين
السمكري اضطر يفك الفانوس الايمن وللاسف ترك السلك مدلدل
روحت بالليل عشان اروح لبتاع الدوكو الصبح
الضفيرة ولعت وجزء من التابلوه ساح ولحقتها قبل ما تولع كلها بعد ما شفت الدخان طالع منها وانا في البلكونة
تحذيرك في غاية الاهمية ومشكور على التنبيه

[mahmoud_ali]

شكرا على التنبيه وربنا يحمينا جميعا

[Silent~Dream]

شكرا على التنبيه

[wahibmichael]

المفروض الفيوز اللي يضرب مش الضفيره اللي تولع

[samakaerror]

ربك يسترها علينا جميعآ

[rotanamasoud]

لا عمره ما يكون سبب ابدا
الفوجات على فيوزات واللى حيحصل انه الفيوزات تضرب
اكيد لو زيرو عيب صناعه

[amro0000]

تعديل بسيط الكهربا عمرها ما تكون واصلة للسك المقطوع الا لو كان مشغل الفوج لايت
لكن لو الدنيا كانت نهار هيشغل الفوج لية؟؟؟؟؟

ومين قال لحضرتك ان الدنيا كانت نهار الموضوع دا حصل الساعة 9 بليل والكلام دا كان بليل ومعتقدش اني جبت سيرة ان الموضوع دا حصل الصبح نهائيا يعني انا اية مصلحتي اني اكتب موضوع زي دا مثلا انا بنبة حضرتك والاعضاء تقوم تشكك في كلامي

[amro0000]

حصلت معايا زمان
كان عندي عربية رينو وحبيت اعمل سمكرة في الرفرف اليمين
السمكري اضطر يفك الفانوس الايمن وللاسف ترك السلك مدلدل
روحت بالليل عشان اروح لبتاع الدوكو الصبح
الضفيرة ولعت وجزء من التابلوه ساح ولحقتها قبل ما تولع كلها بعد ما شفت الدخان طالع منها وانا في البلكونة
تحذيرك في غاية الاهمية ومشكور على التنبيه

اوعا تكون كانت رينو فيوجو حكم انا حصلت معايا في عربيتي رينو فويجو وكانت اول فرحتي كمان

[misho2008]

ومين قال لحضرتك ان الدنيا كانت نهار الموضوع دا حصل الساعة 9 بليل والكلام دا كان بليل ومعتقدش اني جبت سيرة ان الموضوع دا حصل الصبح نهائيا يعني انا اية مصلحتي اني اكتب موضوع زي دا مثلا انا بنبة حضرتك والاعضاء تقوم تشكك في كلامي

استاذى الفاضل لا سمح الله انى اشكك فى كلامك
الموضوع ابسط من كدة وتنبية حضرتك يحترم
الموضوع فنى بحت مش تكذيب لسيادتك
اى حاجة توصلها كهربا لازم يكون ليها سويتش زى لمبة البيت لو الزرار مقفول يعنى مفيش كهربا واصلة
وزى بعض الاعضاء قالو ان فية فيوز بيضرب قبل ماتوصل لحريق لا سمح الله

[أبو إياد]

حصل معايا والفوجات كانت شغاله ولقيت واحد جاى من ورايا بسرعه وقالى فى نار تحت العربيه ونزلت لقيت فعلا كان فى نار مسكت فى الفوج وتم السيطره عليها بسرعه الحمد لله بس اللى حصل ان اللمبه وقعت جوه الفوج والسخونيه ولعت فيه