خايف من الشارك

[yaser adel]

السلام عليكم ورحمه الله وبركاته
ي جماعه الموضوع باين من عنوانه انا حابب شكل الشارك جدا وكماليتها تحفه لو قارنتها بالبوما بس في نفس الوقت الناس بتخوفني منها ودلوقتي انا محتار اجيب ايه :(
عايز بس نصيحه من الناس المحترفه الله يكرمكم

[saddam]

صديقي المواطن
قولا واحدا الشارك عربية محترمة وسيبك من كل الدعايات العشوائية ولكن خلاص راحت عليها مينفعش في 2014 وداخلين على 2015 حد يطلع فلوس شقيان بيها ويروح يجيب عربية زيرو شكلها بقه دقه قديمة وبقاله سنين وسنين وسنين في الشوارع أما تجيب إيه فالخيارات كتير ممكن تجبب من اﻵخر وتاخد فلوانس وممكن تجيب من نص اﻵخر وتجيب 301 وممكن لو عديت الناحية التانية تجبب 508 بيجو
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[shawke hamed]

صديقي المواطن
قولا واحدا الشارك عربية محترمة وسيبك من كل الدعايات العشوائية ولكن خلاص راحت عليها مينفعش في 2014 وداخلين على 2015 حد يطلع فلوس شقيان بيها ويروح يجيب عربية زيرو شكلها بقه دقه قديمة وبقاله سنين وسنين وسنين في الشوارع أما تجيب إيه فالخيارات كتير ممكن تجبب من اﻵخر وتاخد فلوانس وممكن تجيب من نص اﻵخر وتجيب 301 وممكن لو عديت الناحية التانية تجبب 508 بيجو
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

+1

[ضى القمر]

عربية محترمة

[metal_slime]

أؤيد الكلام السابق من الزملاء الأعزاء ... انا فعلا بحب شكلها جدا وعربية محترمة جوه وبره ... بس متجيبهاش زيرو .... أنا لسه كاشف على واحده شارك عشان واحد صاحبى عايشتريها موديل 2008 ب 75 ألف و حالتها جيدة جدا ... فلو عايز تجيبها جيب مستعمل من 2009 وانت طالع

[abohend]

بومة!!!!!

بومة
حد لسه بيفكر فالبومة
يا ناس ياهوه......أركب عربية زيرو بتنزل من أكتر من 6 سنين
يا رااااجل
حرام عليك أولادك و أهلك تظلمهم
أسمع كلام صدام و شيل اﻷفكار دي من دماغك

[Ahmed TRAVCO]

الشارك مفيهاش حاجة تخوف، بالعكس عربية في منتهى الاحترام واداءها على الطريق يناطح عربيات اعلى منها سعرا...
كل الحكاية زي ما اغلب الزملاء قالوا... العربية شكلها ما اتغيرش من 2008 وده واضح انه عيب خطير عند بعض الناس فلو انت منهم وفارق معاك الشكل الاجدد يبقى مش هتمشي معاك وتخش بقى على السيراتو الفلوانس الكورولا الأسترا الالنترا وهكذا...
بعض الناس التانية زي حالاتي ولا فارقة معاهم لأن العربية ما نزلش شكل جديد عليها يحسسني انها قديمة... كل اللي فرق معايا ان العربية فوق الممتازة وسعرها رائع جدا... والياباني عموما فيه ميزة عدم تغيير الشكل قبل 5-7 سنين في الطبيعي... انما عندك الفلوانس على سبيل المثال غيرت شكلها في اقل من 3سنين... يعني لو واحد معاه موديل 2012 عربيته بتمشي في الشارع كأنها بقالها 10 سنين لأن الفيس ليفت موجود... وده لا ينطبق على الشارك، ينطبق على البومة اللي اساسا لا تجوز مقارنتها بالشارك كعربية قصاد عربية...
فشوف انت دماغك ايه وتوكل على الله... الشارك بس عايزة واحد غاويها وحاببها شكلا وموضوعا...

[J A G U A R]

انا شايف ان الشارك سعرها ببلاش مقابل امكانياتها .. وحكايه شكلها قديم او بقالها 6 سنين مغيرتش شكلها تفرق من شخص لاخر ..

[yaser adel]

الله يكرمكم كلكم زي العسل ونصايحكم ع راسي من فوق طبعا الف الف شكراا :)

[yaser adel]

أؤيد الكلام السابق من الزملاء الأعزاء ... انا فعلا بحب شكلها جدا وعربية محترمة جوه وبره ... بس متجيبهاش زيرو .... أنا لسه كاشف على واحده شارك عشان واحد صاحبى عايشتريها موديل 2008 ب 75 ألف و حالتها جيدة جدا ... فلو عايز تجيبها جيب مستعمل من 2009 وانت طالع

معقوله ي فندم 2008 75 الف بس طيب هوا ليه سعرها واقع كدا والحاله الممتازه منها اللي مفهاش غلطه تعمل كام