مساعده بخصوص الاستلام

[Mandosiom]

لسلام عليكم..

ان شاء الله.. نويت خلاص اشترى اللانسر بومه 1600 اتوماتيك..

لما سألت فى المعرض.. قالى انها فئه واحده بس اللى بتنزل دلوقتى للبومه..

بـــــ 137

ممكن بس اعرف بعد اذنكوا.. هو فيه ايه بستلموا مع العربيه.. علشان اكون عارف..

من ورق و كماليات و استبن و كوريك و غيره..

و لو فيه اى نصائح ياريت اعرفها نظرا لخبرتكوا الكبيره اكيد..

اسف على الازعاج..

[mhmd_farouq]

بص يا باشا انا هحكيلك التجربه من سمير ريان . حجزت وتاني يوم دفعت كاش .. بتاخد وصل تمشي بيه 48 ساعه تقريبا عقبال ما ترخص .. يعد كده بيكلموك تروح ترخص .. بتاخد رخصه العربيه وبتستلم معاها فى المعرض الكوريك استبن اريال مفتاح العجل.. لو فيه ريموت وميداليه .. شماسه وطبعا الدواسات .. مثلث .. وحاول تحصل على اي عرض غطا عربيه او اي حاجه .. مبروووك مقدمااا.. متنساش اما تجيب العربيه انشاء الله تفرشها عشان الفرش الفبريكه ما يبوظش ربنا يكفيك شرها

[mhmd_farouq]

متنساش الكاسيت الكينوود

[ضى القمر]

بالتوفيق ان شاء الله

[Mandosiom]

شكرا ليكم جميعا..

ياريت لو اعرف.. اول صيانه بتبقى بعد كام كيلو.. و اقرب توكيل موجود فى المهندسين او الهرم او الجيزه كمحافظه عامة..

[mhmd_farouq]

أول صيانه بعد الف كيلو .. بعد التليين يعني .. بتغير زيت التليين بزيت 10000 وتربط العفشه ويشيكو عالفرامل وخلافه .. فيه كذا توكيل على حسب انت هتاخد ضمان دايموند ولا حاجه تانيه

[Mandosiom]

انا تعبتك معايا يا باشا.. جزاك الله خيرا..

[mhmd_farouq]

انا تعبتك معايا يا باشا.. جزاك الله خيرا..

يا باشا ولا تعب ولا حاجه لو احتجت اي حاجه انا تحت أمرك ومبروووووك مقدما عالعروسه

[Mandosiom]

ده من زوقك

الله يبارك فيك يا باشا..

تم الاستلام على خير.. الحمد لله..