سؤال هام للاستاذ طارق عن عيب باللانسر

[elamerstar]

برجاء مساعدتى وانا اريد شراء لانسر 2008 او 2009 الشكل القديم خليجى عن وجود عيب بالانسر وهو صوت طقة خفيفة فى المطبات هناك من يقول انها بسبب ان الاسكترا بعلبة الدريكسيون خفيفة وهناك من يقول انه عيب فى كل اللانسر حتى بشهادة مركز الصيانة لاحد العربيات وهناك من يقول ان الصوت فى الخلف فى المطبات
برجاء مساعدتى هل هذا العيب موجود فعلا فى اللانسر ام لا

[S H @ F T]

أول مرة أسمع الكلام ده

[Sharky]

برجاء مساعدتى وانا اريد شراء لانسر 2008 او 2009 الشكل القديم خليجى عن وجود عيب بالانسر وهو صوت طقة خفيفة فى المطبات هناك من يقول انها بسبب ان الاسكترا بعلبة الدريكسيون خفيفة وهناك من يقول انه عيب فى كل اللانسر حتى بشهادة مركز الصيانة لاحد العربيات وهناك من يقول ان الصوت فى الخلف فى المطبات
برجاء مساعدتى هل هذا العيب موجود فعلا فى اللانسر ام لا

الموضوع دا كام عندى فى لانسر 98 و كان دايما بغير حاجة إسمها تيش دريكسيون

[hazem_khidr]

متهيالي مافيش حاجه بالمنظر دا
انا ركبت لانسر 1600 سبورت موديل 2008
و ركبت 1300 موديل 2008 و 2009
ما سمعتش اي اصوات فيها نهائي

[mragh]

أنا عندي ١٦٠٠ منوال موديل ٢٠٠٨ مصري لسة مكمل ال ١٠٠٠ كيلو من إسبوع و عندي صوت التكة ده في علبة الدركسيون

لما رحت التوكيل عشان صيانة ال-١٠٠٠ ألو الصوت دة هيختفي بعد تربيط العفشة و لكن ما زال الصوت موجود


و نفس الصوت دة كان عندي زمان في لانسر ٩٨ بس مابنش إلا بعد مدة

بس أنا قبل ال-١٦٠٠ كان عندي ١٣٠٠ أوتوماتيك خليجي موديل ٢٠٠٦ و مكنش فيها الصوت دة حتى الآن

[مصراوي جدا]

هو فيه عملاء اشتكوا من صوت بعلبة الدركسيون عبارة عن تكتكه تصدر في حالة المرور على عين قطة او مطب مع الفرملة مع كسر الدركسيون شمال

أرجو مراجعة الموضوعين دول وهما لأحد الأعضاء اعتبر الصوت ده مشكلة رهيبة وحكى قصته معاها والحل اللي توصل له


http://www.nilemotors.net/Nile/showthread.php?t=11370&page=4



http://www.nilemotors.net/Nile/showthread.php?t=25815

أنا عجبني رد الأستاذ أحمد لما قال :

لقد حصل معى هذا الصوت مرة واحدة فقط كالتالى، كنت اسير على الكورنيش و عند عين القط ضغطت الفرامل بقوة نوعا ما مع كسر الدريكسيون شمال لتفادى تاكسى كان يريد قطع الطريق و سمعت هذا الصوت و لكن أرجعته للabs مثلا و فى جميع الاحوال لم أعر الموضوع اهتماما لانه لم يتكرر و لا يؤثر على توجيه أو أداء السيارة.

بالمناسبة سيارتى كولت 2007 و عامله 3000 كم فقط فغالبا هذا الصوت هو مجرد شىء فى تصميم الميتسوبيشى و يصدر فى ظروف خاصة (فرامل قوية نسبيا مع كسر الدريكسيون شمال).

[Sharky]

و نفس الصوت دة كان عندي زمان في لانسر ٩٨ بس مابنش إلا بعد مدة

فعلا أنا بدأ يبان عندى تقريبا من 40 الف كم و فضل معايا لحد ما بعتها و كان يروح لما بغير تيش الدريكسيون و بيرجع تانى كل فترة تقريبا كل 15 الف و فى الأخر كان المفروض أغير العلبة و طنشت

[limo]

هو فيه عملاء اشتكوا من صوت بعلبة الدركسيون عبارة عن تكتكه تصدر في حالة المرور على عين قطة او مطب مع الفرملة مع كسر الدركسيون شمال

انا كان عندى برضو يا بشمهندس زى ما حضرتك بتقول بالضبط
كان فى صوت لما الف الدكسيون على الاخر وانا واقف
وكمان صوت خبطه جامده (كأن طوبه خبطت فى العربيه من تحت )مع مطبات عين القطه وانا واخدها بسرعه

بس الحاجات دى كانت عندى قبل ما اعمل صيانه ال1000 كم
بعد صيانه ال 1000 مسمعتش الصوت ده نهائى وانا عامل بالعربيه دلوقتى 4600 كم

وكل الى عمله المركز امامى فى صيانه الاف انه ربط العفشه معملش اى حاجه تانيه