تنظيف البوابه و الايدل - لانسر بوما

[Egy_fan]

السلام عليكم. كنت عايز اعرف رأى الخبراء فى موضوع تنظيف البوابه و الانجكشن. انا كنت قريت موضوع هنا ان التنظيف على الاقل كل 20 الف كم و انا لسه منظف من 9 الف. انا عملت الصيانه امبارح و غيرت كل حاجه و حاسس ان العربيه ممكن تسحب اكتر من كده؟؟؟


هل تنظيف البوابه و الايدل كل 10 الف كم فى مشكله و لا لأ؟؟؟؟


شكراااا

[moe gawad]

الافضل كل 20000, والموضوع هنا يعتمد على طريقة التنظيف , يعنى بلاش موضوع wd40 , وبلاش والعربيه مبطله ,

[akmm]

تنظيف البوابه له اسبراى خاص ................

[Egy_fan]

يعنى بلاش كل 10 الف و يفضل كل 20 الف

و بلاش wd-40 . انا كنت اشتريت من مصريه اسبراى اصفر كده

انا بعمله طول عمرى و العربيه مبطله . هل فى طريقه تانيه؟؟؟

طيب لو العربيه لسه مكتومه شويه ايه اللى ممكن يكون كاتمها و الحل ايه؟؟؟


شكرا يا شباب

[amirz]

ممكن تحط منظف دورة البنزين فى التانك ويفضل على فلتر بنزين جديد عشان تكمل عملية النظافة

[Egy_fan]

اعتقد ان منظف البنزين بيكون فى اخر الصيانه لأن يفضل تغيير فلتر البنزين بعده

شكرا