مرايات الضم للبومة

[salah_86]

بسم الله الرحمن الرحيم
السلام عليكم ورحمة الله وبركاته
ازيكم جميعا يارب تكونوا بالف خير
ياترى فى حد هنا فى الجروب فكر فى مرايات ضم للبومة وركبها قبل كدا ينقلنا تجربتة

[KaLaBsH]

متابع جدا

[mamd_3000]

يارب حد يرد

[hugan]

متابع

[turch]

أنااااااا

بص يا سيدي الفاضل ......
في يوم من الأيام قررت وانا بكامل قواي العقلية أني اركب مرايات ضم العربية كان فيها شغل وقلت اجيبلها مرايتين استيراد بدل المرايات التايواني فلفيت في الحرفيين لقيت تمنهم من 600 ل 800 على حسب اللون والحالة (ده المرايات العادية) لقيت بقى عند واحد المرايتين الضم مع الزرار والفيش من هنا لهنا خلصتهم ب 1000 جنيه بالتمام والكمال ورحت للكهربائي عشان أركبهم .... وكانت المأساة :(

قلتله يجرب المرايات الأول قبل ما يبتدي الشغل ... جربناهم طلعوا شغالين وزي الفل رحت رشيتهم بلون العربية (كانوا نبيتي والعربية كحلي) وجبت 10 متر سلك 1.5 ملم لونين وبكرتين شيترتون والذي منه بناءً على طلبات الكهربائي وبعدين وهو شغال في النص قالي إيه ده !!!! قلتله خير ؟؟؟

قالي الزرار بتاع المراية تاتش يا بيه ... قلتله ماشي مش فاهم ايه المشكلة ؟؟؟!!

قالي لازم تجبلي الكتاوت بتاعها عشان الزرار يشتغل !!!!!

لفيت الحرفيين محل محل اني ألاقي كتاوت ضم لانسر أبداً لا جديد ولا استيراد

رجعتله

قالي طيب هوندا

لفيت تاني مفيش :((

رجعت للي اشتريت من عنده المراية .... قالي آه مضبوط بس الكتاوت ده مش عندي بس في كهربائي شاطر ووصفلي مكانه روح اسأله ... رحتله طلع الراجل شكله فاهم كويس هو بيقول ايه ... لأنه أول ما قلتله لانسر وضم و 2007 قالي من الآخر قدامك حلين .... يا تجيب زرار كريستاله عشان زرار كمترة مش تاتش .... يا تشغلهم مع الكونتاكت وأمرك لله

يا إما بقى لو عايز تستخدم الزرار بتاع الضم في أي وقت .. في حاجة كده انا ممكن أعملهالك هاتتكلف 250 جنيه (مفهمتش ايه الحاجة دي بالظبط بس ما علينا) قلتله معنديش مشكلة يعني اجيبلك العربية ؟؟ قالي لا كل سنة وانت طيب (كنا الاسبوع اللي قبل العيد الكبير اللي فات) قالي بعد العيد هاتهالي وانا عنيا ليك .

اللي هو ميعرفهوش ان انا كنت في أجازة في مصر ومسافر آخر يوم في العيد الكبير :(

المهم رجعت للكهربائي اللي العربية عنده خليته يوصل كل حاجة أكنها شغاله بس يفصل زرار الضم أكنها مرايات عادية وقفلنا كل حاجة (يعني خلصت عنده المهم والمرايات واقفة على الزرار) وان شاء الله لما أنزل الأجازة الجاية ناوي أكمل بقى واشوف الحوار ابو 250 جنيه ده يطلع ايه .... المهم انهم يشتغلوا :(

دي تجربتي أرجوا اني أكون فيدتكم بحاجة ... ولو حد عنده معلومة زيادة يا ريت ينورنا :)

[monamize4]

كنت من فترة عند واحد من تجار الاستيراد ف اسيوط
و لفت نظرى ان عنده مرايات ضم للبومة ,, لان نادرا جدا جدا ان تلاقى مرايات ضم للبومة
المهم ان الجوز ب 800 جنية بالزرار بتاعهم و ممكن تدخلهم ف المرايات القديمة و تدفع الفرق

المشكلة ,, ان المرايات الاستيراد بتبقى راكبة ف عربيات دركسيون يمين و دى يلزمها تعديل قبل ما تركب

[salah_86]

تفرق في ايه دركسيون يمين من شمال فهموهالى دى

[turch]

تفرق في ايه دركسيون يمين من شمال فهموهالى دى

زاوية المرايات غير بعضها على أساس انك بتبص للشمال بزاوية واليمين بزاوية تانية فالاستيراد اليمين بيبقى المرايتين معكوسين فمحتاج تجيبلهم كف مرايات جديد ... والله أعلم

[mamd_3000]

أنااااااا

بص يا سيدي الفاضل ......
في يوم من الأيام قررت وانا بكامل قواي العقلية أني اركب مرايات ضم العربية كان فيها شغل وقلت اجيبلها مرايتين استيراد بدل المرايات التايواني فلفيت في الحرفيين لقيت تمنهم من 600 ل 800 على حسب اللون والحالة (ده المرايات العادية) لقيت بقى عند واحد المرايتين الضم مع الزرار والفيش من هنا لهنا خلصتهم ب 1000 جنيه بالتمام والكمال ورحت للكهربائي عشان أركبهم .... وكانت المأساة :(

قلتله يجرب المرايات الأول قبل ما يبتدي الشغل ... جربناهم طلعوا شغالين وزي الفل رحت رشيتهم بلون العربية (كانوا نبيتي والعربية كحلي) وجبت 10 متر سلك 1.5 ملم لونين وبكرتين شيترتون والذي منه بناءً على طلبات الكهربائي وبعدين وهو شغال في النص قالي إيه ده !!!! قلتله خير ؟؟؟

قالي الزرار بتاع المراية تاتش يا بيه ... قلتله ماشي مش فاهم ايه المشكلة ؟؟؟!!

قالي لازم تجبلي الكتاوت بتاعها عشان الزرار يشتغل !!!!!

لفيت الحرفيين محل محل اني ألاقي كتاوت ضم لانسر أبداً لا جديد ولا استيراد

رجعتله

قالي طيب هوندا

لفيت تاني مفيش :((

رجعت للي اشتريت من عنده المراية .... قالي آه مضبوط بس الكتاوت ده مش عندي بس في كهربائي شاطر ووصفلي مكانه روح اسأله ... رحتله طلع الراجل شكله فاهم كويس هو بيقول ايه ... لأنه أول ما قلتله لانسر وضم و 2007 قالي من الآخر قدامك حلين .... يا تجيب زرار كريستاله عشان زرار كمترة مش تاتش .... يا تشغلهم مع الكونتاكت وأمرك لله

يا إما بقى لو عايز تستخدم الزرار بتاع الضم في أي وقت .. في حاجة كده انا ممكن أعملهالك هاتتكلف 250 جنيه (مفهمتش ايه الحاجة دي بالظبط بس ما علينا) قلتله معنديش مشكلة يعني اجيبلك العربية ؟؟ قالي لا كل سنة وانت طيب (كنا الاسبوع اللي قبل العيد الكبير اللي فات) قالي بعد العيد هاتهالي وانا عنيا ليك .

اللي هو ميعرفهوش ان انا كنت في أجازة في مصر ومسافر آخر يوم في العيد الكبير :(

المهم رجعت للكهربائي اللي العربية عنده خليته يوصل كل حاجة أكنها شغاله بس يفصل زرار الضم أكنها مرايات عادية وقفلنا كل حاجة (يعني خلصت عنده المهم والمرايات واقفة على الزرار) وان شاء الله لما أنزل الأجازة الجاية ناوي أكمل بقى واشوف الحوار ابو 250 جنيه ده يطلع ايه .... المهم انهم يشتغلوا :(

دي تجربتي أرجوا اني أكون فيدتكم بحاجة ... ولو حد عنده معلومة زيادة يا ريت ينورنا :)

بص بق يا سيدى لو هتنزل اخر رمضان نتقابل ونعيش الموضوع دة سوا انشاء الله اجرب فيك واركب بعديك وربنا يسترها علينا وعليك

[magdyelshikh]

زاوية المرايات غير بعضها على أساس انك بتبص للشمال بزاوية واليمين بزاوية تانية فالاستيراد اليمين بيبقى المرايتين معكوسين فمحتاج تجيبلهم كف مرايات جديد ... والله أعلم

مغ كامل احترامى لرأى حضرتك حتى الكف ما ينفعش انا عشت التجربة بس مع المراية العادية وكانت من نصف استيراد بس دريكسيون يمين مانفعتش الا لما غيرت المراية كاملة من نصف تانى دريكسيون شمال

[turch]

مغ كامل احترامى لرأى حضرتك حتى الكف ما ينفعش انا عشت التجربة بس مع المراية العادية وكانت من نصف استيراد بس دريكسيون يمين مانفعتش الا لما غيرت المراية كاملة من نصف تانى دريكسيون شمال

المجرب أصدق .. انا رديت على اللي بسمعوا انما عمري ما جربتها ... حتى المرايتين الضم لفيت شوية على ما لقيتهم بتوع عربية دريكسيون شمال :)

[salah_86]

معنى كدا انه هيطلع عينى علشان الاقى مرايات ضم دركسيون شمال ولازم اجيبهم دركسيون شمال علشان اعرف اشوف كويس

[mamd_3000]

http://www.nilemotors.net/Nile/385156-a.html