تنظيف فلتر تكييف اللانسر البومة بالصور

[مصراوي جدا]

فيه كتير من اصحاب اللانسر 1300 و 1600 (البومة) بيشتكوا من ضعف التكييف (سواء العربية جديدة او قديمة شوية) و 99 % من الشكاوي دي بيكون علاجها تنظيف فلتر التكييف وممكن اي حد ينظفه بنفسه.

وكان أخونا العزيز الاستاذ اسلام شاهين عمل موضوع قبل كده عن تنظيف فلتر التكييف لكن كتير من الأعضاء كانوا عايزين توضيح بالصور

علشان كده انا جمعت صور خطوات الفك والوصول للفلتر كالتالي :

1- طبعا مكانه خلف درج تابلوه العربية وبالتالي اول خطوة فتح الدرج لفكه



2- فيه بنز بيعلق الدرج من جوه على اليمين وده ثابت ملناش دعوة بيه ، وفيه بنز بيعلق الدرج من جوه على الشمال وده متحرك وهو ده اللي بيتفك ويطلع (معلش الرسم تعبان شوية)




3- بعد كده بيتم فك الدرج بحيث يكون معلق من الأمام فقط وبالتالي المنطقة اللي خلفه تكون سهل التعامل معها


4- هتلاقي وش الفلتر وله مسمارين فك المسمار الأول




5- فك المسمار التاني




6- اخلع الفلتر



7- نظف الفلتر

رجعه مكانه

ركب المسمارين تاني

رجع الدرج مكانه

رجع البنز المتحرك مكانه

[civilpharaoh]

الله الواحد مش عارف يقول لك ايه...بس بجد تسلم ايدك(مهندس طارق و زملاؤه=فخر توكيل ميتسوبيشي) زي الاستاذ محمد النجدي الي في توكيل مصرية الي في رمسيس(هوه الي حبيبني في اللانسر) بجد ناس خدومة جدا وميتأخروش عليك في اي خدمة

[civilpharaoh]

الله الواحد مش عارف يقول لك ايه

تصحيح بسيط (والله الواحد مش يقول لك ايه)

[medo1970]

الف شكر للمهندس طارق وجزاه الله خيراً

[zizophone]

الف الف شكر على المعلومة

[salehgharib]

موديل 2004 لا يوجد لها فلتر فى هذا المكان

السؤال هل لها فلتر إذا كان موجود أين يوجد

شكرا

[مصراوي جدا]

فعلا يا استاذ صالح

بعد سؤال من احد اعضاء المنتدى عن عربيته والرجوع الى المختصين اتضح ان البومة اللي فيها فلتر تكييف هي موديلات أواخر 2006 وما بعدها

اما ما قبلها فليس فيها فلتر تكييف للأسف

[waoool77]

طيب لانسر 2002 فيها الفلتر ده ولا لأ؟

[beebahly]

شكرا يا بوب بجد انت جااااااااااامد
كان عندي صفارة في التكييف وضاعت لما نضفت الفلتر
عاش يا معلم

[dr.ayman]

طب انا عندى لانسر 2002 و فتحت الدرج مالقيتش المنظر ده خالص
مش عارف فيه ايه مع انها نفس تابلوه البومه ؟
ياريت لو حد عنده 2002 يقولى فى ايه ؟
و ان شاء الله هحاول اصورها و ارفع الصور

[مصراوي جدا]

بعد سؤال المختصين في مركز الصيانة الرئيسي في التوكيل (مصرية) تم التأكد من أن فلتر التكييف مش موجود في اللانسر الا من أواخر موديلات 2006 وما بعدها يعني 2007 و 2008 و 2009

اما 98 و 2002 و 2003 الى أوائل 2006 فمفيهاش فلتر تكييف

[mondy2010]

مشكوووووووووووووووووووووور

[mazagnge]

بعد سؤال المختصين في مركز الصيانة الرئيسي في التوكيل (مصرية) تم التأكد من أن فلتر التكييف مش موجود في اللانسر الا من أواخر موديلات 2006 وما بعدها يعني 2007 و 2008 و 2009

اما 98 و 2002 و 2003 الى أوائل 2006 فمفيهاش فلتر تكييف

يا فندم أحنا مش بنجيب فلاتر .... :ack2:

أحنا حاطين ثلاجات فى العربية و كمان بالايونيزر " و محدش يسألنى يعنى أية " :D

و عاملين لها صمامات أمان ولا الصندوق الأسود ... ربنا يخلى لنا عم لانسر الكبير

[د./اليشع ثابت]

بعد سؤال المختصين في مركز الصيانة الرئيسي في التوكيل (مصرية) تم التأكد من أن فلتر التكييف مش موجود في اللانسر الا من أواخر موديلات 2006 وما بعدها يعني 2007 و 2008 و 2009

اما 98 و 2002 و 2003 الى أوائل 2006 فمفيهاش فلتر تكييف

طيب دة يعتبر ميزة ام عيب

ولو يعتبر عيف اذن كيف يمكننا التغلب علية لارجاع قوة التكييف

مع الشكر لك يا كبير المهندسين/طارق بك

[مصراوي جدا]

في الموديلات اللي بدون فلتر تكييف لو كان التكييف ضعيف بيتعمل تنظيف لثلاجة التكييف مع شحن الفريون وده بيتطلب فك التابلوه بالكامل هي عملية مزعجة شوية ومكلفة كمان (اعتقد حدود 600 جنيه) انما نتايجها كويسة جدا