هل التغيير افضل

[ابو ندى]

معايا متسوبيشى 2013 كلاسيك اتوماتيك وعاملة 15000ك وبتعمل 180ك فى الصفيحة وبفكر ابيعها واشترى سيارة تكون اقتصادية فى البنزين تنصحونى باية ولو بعت تعمل كام فلوس

[adel1212]

اهدى وبلاش تهور
تبيع ليه عربيتك لسه جديده
-طريقك شكله اية زحمة ولا فاضى ولا مخلط
-بتحط بنزين من بنزينه معينه ولا اى بنزينه
-بتحسب الاستهلاك ازاى
-طريقة سواقتك اية
على فكرة كل العربيات بتعمل في حدود 200كم/20 لتر
تحياتي

[Mico_Mico]

معايا متسوبيشى 2013 كلاسيك اتوماتيك وعاملة 15000ك وبتعمل 180ك فى الصفيحة وبفكر ابيعها واشترى سيارة تكون اقتصادية فى البنزين تنصحونى باية ولو بعت تعمل كام فلوس:copy of majd(4):

منصحكش تبيع بس لو هتبيع قوللى حالة العربية وعاوز كام ومكان المعاينة فين

[ابو ندى]

اهدى وبلاش تهور
تبيع ليه عربيتك لسه جديده
-طريقك شكله اية زحمة ولا فاضى ولا مخلط
-بتحط بنزين من بنزينه معينه ولا اى بنزينه
-بتحسب الاستهلاك ازاى
-طريقة سواقتك اية
على فكرة كل العربيات بتعمل في حدود 200كم/20 لتر
تحياتي

شكرا لأهتمامك الطريق مخلط وبمشى بهدوء وفى الاشارات بحط الفتيس على الn وبمون من بنزينة وطنية او شيل
باحسب الاستهلاك / بمون على اول فصله واستهلك وبعد كده امون على اول فصله واقسم عدد الكيلو متر المستهلك على عدد اللترات التى مونتها بيعطى استهلاك اللتر بيعمل كام كيلو اضربو فى 20 بيدينى كام ك فى الصفيحة بنيت حكمى على ان استهلاكها زيادة ان اخواتى معاهم سيارات الأستهلاك بتعها فى حدود 240 ك وسياراتهم انواعها ( شيرى & برسونا ) واحدة صينى والتانية ماليزى مش يابانى

[kazamodia]

فعلا اللانسر استهلاكها عالي اوي وعربية مش حلوة انا كمان بفكر ابيع

[manfromegy]

بص يا باشا نصيحة ماتبعش.أنا معايا نفس الموديل و بتعمل 200 في المشي جوا و برا البلد و يمكن 240 في الطوالي
جرب تنضف فلتر البنزين و تعمل أيديل ليرن و إحسب المسافه علي عداد الرحلات و شكرا