اسعار قطع غيار الكريستاله

[mohamedattia]

كامة الماتور 200 استعمال
الشواكيش بحاوال 120 للشاكوش
وش ماتور كامل + طرمبة بنزين 2500
اسبراتير استعمال خارج جيد جدا 600
سير كاتينا الماني 100
سير دينامو + تكيف 60

[Ahmad.cherif]

السلام عليكم انا اشتريت كرستالة ٩٩ و عاوز اعرف ايه السيرفيس اللي محتاج اعمله تنصحوني بايه؟ ولو هغير زيت تنصحوني ايه أفضل حاجة للعربية دي ؟

[M.MAMDOUH]

تغير كل السيور و الفلاتر و تغير زيت الماتور و انصح ب total و غير البوجيهات و الافضل بوجيهات 2 شمعة هتفرق معاك في السحب لانها بتعالي سرعة الحرق في الماتور
و بالنسبة لقطع الغيار متوفرة جدا في التوفيقية و الوكالة و الحرافيين و اسعارها متناسبة مع ارتفاع الدولار

و ربنا يبركلك فيها و يكفيك شرها و يعطيك خيرها

[Ahmad.cherif]

تغير كل السيور و الفلاتر و تغير زيت الماتور و انصح ب total و غير البوجيهات و الافضل بوجيهات 2 شمعة هتفرق معاك في السحب لانها بتعالي سرعة الحرق في الماتور
و بالنسبة لقطع الغيار متوفرة جدا في التوفيقية و الوكالة و الحرافيين و اسعارها متناسبة مع ارتفاع الدولار

و ربنا يبركلك فيها و يكفيك شرها و يعطيك خيرها

شكرا لاهتمامك و ردك، هل عندك فكرة باغات الفوانيس اجيبها منين و بكام؟ و لو عاوز اعلي من الاضاءات الفوانيس اعمل ايه غير تغير الباغات دي؟

[samir hassan]

اناا معايا كريستاله 2000 ولسه شاددها والاسعار كانت كالاتي فى شهر 10 / 2017
اشتريت فانوسين قدام الواحد كان ب 350 جنيه من شارع احمد سعيد لانى دوخت على نوع debo
اشتريت فانوسين اشارات الواحد كان ب 120 جنيه نوعهم debo
اشتريت فانوسين خلفى الواحد كان ب 280 نوعهم debo
اشتريت رفارف قدام الواحد كان ب 375 جنيه
اشتريت اكصدام امامى بالفوجات والشبكة من الحرافيين كانوا عاملين 1500 جنيه
اشتريت اكصدام خلفى من الحرفين كان عامل 900 جنيه وكان كل الظوافر بتاعته كامله الحمد لله انما الى حالته نص نص بيبدء معاك من 650 جنيه بس محتاج شغل فايبر

[samir hassan]

السلام عليكم فى واحد فى ظهر شارع بوسطة الظاهر هتلاقى محل كبير اسمه الاهرام دى بيصنع جميع الباغات وممكن تلاقيهم عنده جاهزين
وبالنسبة للاسعار مش عارف الصراحة اخر مرة كنت مغير باغت الفانوس الخلفى ب 35 جنيه بس الكلام دى كان حوالى فى 2014
بس نصيحة لو لقيت الفرق قريب اشترى الفانوس كامل احسن هو انا اشتريت الفانوس كان فى شهر 10 / 2017 ماركة debo كان ب 350 جنيه من شارع احمد سعيد

[M.MAMDOUH]

انا لسة شاري زجاج الفانوس الامامي من اسبوعين في الكتكات ب 50 او 75 بين مش اغلي يعني
فمابالك بالباغة اللي وري