مين غير قاعدة الجمل قريب ؟

[amro0000]

مين ياجماعة غير قاعدة ماتور الجمل ياريت يصورهالي ضروري جداااااااا لان القاعدة الي بتتباع في التوكيل غير القاعدة الي طالعة من العربية الاصلية انا عربيتي بومة 2007 1300 مانوال ياريت حد يقولي القاعدة الجمل دي شكلها عامل ازاي بلنسبة للجلبة الكاوتشة وسؤال تاني اية احسن فوانيس تايلاندي احسن مكان اجيب منة الفوانيس دي منين وبكام ؟

[taimour02050]

انا لسة مغيره ب 340 جنيه اصلى وشكله ليس اسود انه ميتاليك

[amro0000]

انا نفسي حد يصورلي القاعدة الاصلية ويقولي الارقام الي مكتوبة علي الكاوتشة الجلد او الحروف المكتوبة علي الكاوتشة السودة انا شاكك فيها انها مش اصلية

[mamd_3000]

قاعدة الجمل - لانسر بومة - اصلي

[BASOOMVIP]

انا لاحظت كذا مرة ان حاجات التوكيل غير الى طالعة من العربية (الفابريكة) فى كذا حادة زى السيور و فلتر البنزين (كود محتلف عن الفابريكة) و المساعدين

[kareemelshafee]

ايه وظيفه قاعده الجمل

[amz2011]

متابع

[abo yasmeen]

قاعدة الجمل او كرسي الجمل احد الكراسي اللي بتثبت المكنه
العربيه اللانسر فيها كرسي او قاعدة اماميه بتكون على القنطره من قدام (تقدر تشوفها بعينك تحت الرادياتير على اول القنطره الطوليه)
وكرسي الجمل بيكون ورا راكب على القنطره العرضيه الكبيره
وكرسي الزيت وده بيبقى على فردة الشاسيه اليمين
وكرسي الفتيس بيكون تحت عمة الهوا


طريقة اختبار كرسي الجمل بدون ماتنزل تحت العربيه..افتح الكبوت واقف قدامه..وحد تاني يدي العربيه المارشليه...وبعدين ينور ويدي ال d
لاحظ اهتزاز الموتور لو جامد اوي يبقى الكاوتش بتاع الكرسي اتاكل او اتقطع

وبيظهر اوي الموضوع ده في الاوتوماتيك
واي استفسار انا ف الخدمه

[Ibrahim Nabil]

الاصلى الموجوده فى التوكيل وفى السوق كويسه وبتعيش لكن بتحسسك بتزميمه خفيفه قوى عن الطبيعى ودا بحكم تجربتى ليها

[abo yasmeen]

الاصلي مش بيعمل تزميده ولا حاجه
التجاري اللي بيعمل كده وبشكل بسيط مش ملحوظ اوي لكن عمره الافتراضي قليل
ومتوفر تايواني ب 65
وتايلاندي ب75
والله الموفق

[amro0000]

نصيحة عن تجربة الي عاوز يغير قاعدة الجمل ميجبهاش غير الاصلي والله انا جبت واحدة من ام 90 جنية والله العظيم ماكملت ست شهور طالعة متفرتكه مفيهاش حتة سليمة اصلا مش طالعة قاعدة دي مدمررررررررررة خالص نصيحة محدش يجيب قاعدة مش اصلي بس انا كنت عاوز افهم العموله دي كويسة ولا لاء فية ناس بتقول انها كويسة وناس لا انا كدة كدة اشتريت اصلي بس كنت عاوز اعرف انتو اية رأيكو صب القواعد دا

[abo yasmeen]

نصيحة عن تجربة الي عاوز يغير قاعدة الجمل ميجبهاش غير الاصلي والله انا جبت واحدة من ام 90 جنية والله العظيم ماكملت ست شهور طالعة متفرتكه مفيهاش حتة سليمة اصلا مش طالعة قاعدة دي مدمررررررررررة خالص نصيحة محدش يجيب قاعدة مش اصلي بس انا كنت عاوز افهم العموله دي كويسة ولا لاء فية ناس بتقول انها كويسة وناس لا انا كدة كدة اشتريت اصلي بس كنت عاوز اعرف انتو اية رأيكو صب القواعد دا

ست شهور ده كتيير اوي كمان على اللي سعرها 90
طبعا الاصلي بتعيش اكتر
مش فاهم قصدك ايه من صب القواعد..القاعده نفسها الحديد مش بيحصلها حاجه..اللي بيتاكل الجلبه الكاوتش
ودي بتتباع لوحدها 30-40 جنيه وبتتكبس ف المخرطه ب 10 جنيه ع نفس الكرسي بتاعك مكان الجلبه الكاوتش
ومنصحكش بالطريقه دي عشان هتحس بالتزميمه اللي تفضل العضو سابقا وقال عليها