2.4

[A7MED_PHARMA]

السلام عليكم

قدامي عرض جامد
موتور 2.4
فتيس اوتوماتيك
160hp
عفشة كاملة امامي
عفشة كاملة خلفي
2مرايات ضم
شدادات
كنترول
ضفيرة كهربا

العرض بــ9.000ج

حد يقدر يفيدني
الموتور ده ظروفه ايه؟

[1.8Tee]

الكود بتاعة 4G69 , دى النتايج من جوجل فى مصر:

https://www.google.com.eg/search?q=4g69&cr=countryEG&newwindow=1&tbs=ctr:countryEG&ei=qKdKU5PbMMqX4wSY6YHwBg&start=10&sa=N&biw=1920&bih=976

فى كذا واحد فى المنتدى مسقطة فى البومة.

[AhMeD MeTwAlY]

شكلك زهقت من الوقعان في الترعه كل شوية وناوي تعدي الترعه

[omaranes77]

9000 بس
بالتوفيق

[eng.m7md.ali]

حلو جداً انا من ساعت ماقريت العرض وانا هتجنن خصوصاً انه كدة رخيص اوي بالنسبة للمقابل .. طقم المساعدين الاسبور لوحده ب 2500 جنيه استيراد

[bmya]

اعتقد يا احمد انه حلو اوي اوي كمان والمتور ده بشوفوا متسقط كتير بس في بومه مشفتوش في مكوه

[mostafa2012]

هو السعر جامد الصراحة بالنسبة للبضاعه المعروضة بس حضرتك هتروح بالموتور ده فين البلد الطرق فيه زى الزفت٢٤٠٠ cc موتور عاوز طرق مش مشى جوه البلد فكر كويس قبل ماتركبه كمان عاوز ميزانية شهريه بعد ماتركبه لازم تبقى عامل حسابها خصوصا ان البنزين بالنسبة للموتور ده هيبقى خارج الدعم على البنزين اما يطبقوا نظام الكروت بتاع الدعم فكر كويس قبل القرار هتوفر فلوس وجهد اكتر

[mamd_3000]

ان نفس العرض تقريبا وصلت لية عربية رالى ارت كاملة نصين هتتنقل عندى فى الانسر وهدفع 12 الف مع الفتيس الاستب ترونك 6 نقلات لان عندى 4 نقلات المشكلة لو هينقل بالرقم القديم بتاع الماتور اتوكل على الله يعنى الماتور يفضل فى الرخصة cc1600 فى المرور لاكن 2400 ccاوعى هتندم ندم عمرك
بس فى طلب العفشة 5 خرم ولا 4 خرم
لو 5 خرم اتوكل على الله فى العفشة لان الفرامل هتبقى بى اس او بريمبو
استفسار الجيربوكس سوبر اكشن ولا استب ترونك و6 ولا 4 نقلات

[MohamedGobran]

العرض ده كويس اوى و الموتور ماشاء الله عليه شديد اوى يعيبه انه شديد بزياده على العربيه فهتلاقيها بتاكل كاوتش كتير لانك أول و تانى و تالت العربيه بتاكل فى الارض (ده لو مانيوال) + هتلاقيه بيكسر كراسى موتور كل فتره ياما تركب كراسى سبور و انا شايف انك كاتب انك من الزقازيق و اكيد انت كنت شفت الانسر الكريستاله الى فيها 3 ألوان (سماوى - أزرق - فضى) ما دى الموتور الى فيها 2400 ميفيك بس مانيوال و العربيه دى كانت مع واحد صاحبى قبل ما يبيعها من سنتين و انا كاسر بيها ال 230 على طريق ال na من مدينه نصر للتجمع

[lanos2004]

البنزين يا دكتور

[A7MED_PHARMA]

ماهو الي حارق دمي
المشي في الطرق الزبالة في ميت غمـر والزقازيق بطبيعه شغلي ان صيدليتي في ارياف
والمشكلةالأكبر قصة الدعم المنيل بنيلة بتاع الــ95
والــ92 في الاقاليم بينضرب اساسا

العرض مغري جداااا جداااا
برغم ان الفتيس اوتوماتيك.. والعفشة 4مسمار