ارجو مساعده الخبراء لشراء لانسر بومه 2009

[elshinawy80]

السلامك عليكم
انا ان شاء الله ناوى اجيب لانسر 2009 الشكل القديم و ده بعد فترة من المقارنة مع الياريس و النيسان صنى
بس انا عايز لانسر اوتوماتيك 1300 احب اعرف رايكم فيها يعنى اختيار كويس ولا الاتوماتيك مش حلو فى الــ1300 زى ما سمعت و هل الفرق كبير جدا بينها و بين الــ 1600
و اجيبها مصرى و لا خلبجى

[MoDyBeNz2008]

فعلا الاوتوماتيك وحش مع 1300 و بيفرق كتير عن 1600 بس مش حيحس بالفرق دة غير واحد بتاع شد و جري و حرق

لو انت بتاع شد و جري و حرق هات مانيوال 1300 او 1600 اوتوماتيك

[salem]

law 3yz 1300 geeb yaris a7san
a7san mator 1300 besra7a

[Rsarabia]

لو عاوز لانسر هات 1600 لو مش فارق معاك السحب والجرى هات 1300 لو مشكلة عندك عاوز توفر بنزين هات يارس

[elshinawy80]

انا استخدامى للعربية مشاوير جوة البلد و بس و عربية للاسرة يعنى مش موضووع شد و جرى والسفر عندى بسيط يعنى انا تقريبا معدلى 7000 الى 10000 كم فى السنه

[m.3abdel3al]

بص بصراحه احسن في الجري و الشد 1300 مانيوال انما علشان انت في القاهره و كده و البلد عندكو زحمة مووووووت فاوتوماتيك عندك اريح و مش مهم الشد اوي وممكن تجيب لانسر 1600 اوتوماتيك خليجي عامله حوالي 105 الفرق 6 الاف جنيه بينها وبين 1300 اوتوماتيك وكيل او هات 1600 اوتوماتيك وكيل لو انت عايز ضمان ممكن تجيب 1600 اوتوماتيك و كيل ب 110 و ميه ميه و دي كل العروض الي اودامك شوف انت الي يريحك ويوفرلك وبالنسبه للبنزين معدل الاستهلاك قريب جدا والله و مش هتحس بيه