مؤاشر البنزين

[alifathi]

السلام عليكم ورحمة الله وبركاته
اليوم حصل معى ان مؤاشر البنزين البنزين كان على الربع الاخير ومره واحده العربيه بطلت ولما الميكانيكى فك الفلتر لاحظ عدم وجود بنزين
ياريت لو فى حد يعرف احل المشكله اذاى وشكرا

[د.أبونضال]

عادي ... المؤشر عندي لما بيكون على الشرطة الرابعة اللمبه بتنور ... كنت قرأت مره هنا على المنتدى إن ده عيب عوامه

[ali1spc]

مكان العوامه فين

[abo yasmeen]

عيب مشهور اوي في اللانسر عوامة البنزين
موجوده تحت الكنبه الخلفيه..الكهربائي يظبطهالك مره الاول..تمام وزي الفل ..لو مظبتش تغيرها
اصلي استيراد ب 200-250
تايوان 90-100 وبتشتغل كويس عن تجربه
نسبة ان يكون العيب في الامبير او المؤشرنفسه لا تتعدى 5%

فاضل حاجه اقولهالك لو لاقدر الله التنك خد خبطه جامده من تحت وطبقت فيه من تحت ده هيخللي قراءة العوامه كمان تخرف

وشكرا

[Ibrahim Nabil]

عيب فى العوامه والافضل التغيير لان العيب ده بيحصل دايما فى اللوح النحاسى اللى بيقرأ المستوى وبيشغل اللمبه وغالبا مبتتصلحش حصلت معايا فى عربيتين لانسر ... وبالتوفيق

[kokowasfy]

عيب مشهور فى الانسر العوامة حصلت عندى و اتصلحت الحمد للة

[abo yasmeen]

اللوح النحاسي بيتسنفر
ولو سن الابره بتاعة العوامه تاكل بيتزود قصدير
مفيش حاجه مش بتتصلح
في حد مبيعرفش يصلح
والله الموفق والمستعان